Jêms 1:2 - Ŋwàklù Fùyèn Kàn Mù Fê (Cameron)

² Mômhìtù shìki bên ha ghàn a tu lum a tu lûm, ghàn lyi na à mò yi saŋlî chiki a wana noma,

Jêms 1:2 Iomraidhean Croise

Fêt 5:41

Ghɨt a tuma Jisòs lo afû saŋle kə ni beka Yènfù ti chwok na ghɨna kpenelò hi yen a ngək a wun a yi yet.

Lumàns 5:3

Ghàhnà saŋle atɨ̂n à ngə̂k afa a ghàhnà yena beka ghàhnà khə na wùt shìki yen a ngə̂k, wu khɨli hi tè wunhî.

Fìlibiyàns 1:29

Mu jìsà ni beka Yènfù ti chwûtì təm a jûŋà ha ghàn ni na ghàn bimi Klistù ma ghàn fê yen ngə̂k kum wûn.

Fìlibiyàns 2:17

Ghàn ti fo bimî yani ha yi fô ha Yènfù. Ghɨ ki ywe nâbi yi ywî mu chîn, ma luŋ mâmù yen kə hi kpenhe yi fo yani mi yê. Yi shìki mô ni, ma mu hi kôŋà na ghàhnà hi chîntè saŋle kə yi saŋlî.

Fìlibiyàns 2:18

Ghàn hi boŋa saŋle kəbi te mu.

Kòlosiyàns 1:24

Mu saŋlelò chîn te mu yena ngə̂k kum ghàn. Ngə̂k mi yîn mô a mu wu wùn ni beka mu khɨŋa hi nè mihè gha ye a Klistù ndùku yena ngə̂k hi nì ha ghɨt a bimena a mô wu wun wu wunu.

Hibùlùs 10:34

Ghàn hi kwohe seni ha ghɨt ghe a ghɨ khɨte fâ a chyâk. Ghɨ hì khɨte fye mwə̀ mânù, ghàn hi bɨlà saŋle kə yi saŋlî beka ghàn hì khəlò na ghàn baha kətalò mwə̀ me Yènfù chwùne ha ghàn, mu kokne chyâ me a ghɨ khɨte fye fê mô ma mù ti faŋ kə amok.

Jêms 1:12

Jùŋ mò ha wùt we mômhìnì bènà ha wûn, wu hi wunhe kə yi wunhî beka wù ki ta chyà yi mômhì mi yê, ma wù bê hi kəta maktunu, a mô a chyəna ghe Yènfù chwùne lema ha ghɨt ghe ghɨna kòŋà wûn.

Jêms 1:16

Kə wùt bè lehe ghàn, wana noma ghɨ jûŋà.

Jêms 1:19

Ghàn tokâ yuti yìna wana noma a jûŋà: Ghɨ shihi tè jìs yi ghâ nâbi nde wu lem a tû, wu hi tôkà yutê, wùt hi mô hi jìs wu tok kwâktìlò shyəma wù jis. Kə wùt nè shɨŋa bâŋhè lâ a yi ghâ.

Jêms 5:11

Hamok ghàhnà bime na Yènfù bonhe à ghɨ̂t ghe ghɨ wunhe. Ba ghàn ti yu te Jûb tì shihi yen a ngə̂k hì wunhe nâ kə a jûŋ fî yen yi gha ye Bâba tì ne ha wûn a gòkhi. Bâba mò ni, khə sù ngə̂k su ghɨ̂tsù, kôŋà ghɨna, fê kwohe yi sen ha ghɨta nâ haŋaŋ.

2 Bità 2:9

Yi ni chwùtè na Bâba khəlò lum we a fu mô hi bònhè ghɨt a wuna atɨ̂n a ghɨna sù ngə̂k, khə kəbi lum we a fu mô hi khɨte lèm a ghɨt a be atɨ̂n hi tàn wu tuk wu saku.

Gokhini 2:10

Ghàn yen! Kə ghàn hi fânà ngək ye a ghàn lye yênà atɨ̂n. Deblì nè nêlò na ghɨ khɨti ghàn ghɨ le ma lem a ndâ a chyâk, a mô kə yi mômhì te yi bênà ha ghàn. Ma ghàn nê yen ngə̂k afû a mu tuk ìwûm. Ghɨ hì mô nâbi hi ywe ghàn, ghàn hi samhe kə ha mu, shyəma mu nê fo chyə ye a yì bè mê wi ha ghàn, a mô shyə ghe a ghàn nò hi yə̂.