Bìoball air-loidhne

« Roimhe

Air adhart »

Jêms 1:16 - Ŋwàklù Fùyèn Kàn Mù Fê (Cameron)

¹⁶ Kə wùt bè lehe ghàn, wana noma ghɨ jûŋà.

Faic an caibideil Dèan lethbhreac

« Roimhe

dol air ais ⬆

Air adhart »

Jêms 1:16
22 Iomraidhean Croise

Matiyò 22:29

Jisòs ki jîs ha ghɨna na, “Ghàn chyàblè jîsà ni beka ghàn khə wi gha ye ŋwàklù Fùyèn jìsà, fè khə wi gha ye Yènfù mò hi nì.

Faic an caibideil

Mâk 12:24

Jisòs jis ha ghɨna na, “Ghàn jyàblè jîsà ni beka ghàn khə wi gha ye ŋwàklù Fùyèn jìsà, fê khə wi gha ye Yènfù mò hi nì.

Faic an caibideil

Mâk 12:27

fê mô Yènfù ghɨta ta fu, bu Yènfù ghɨt a kputena fu. Ghàn ti njah nâ haŋaŋ.”

Faic an caibideil

Fêt 1:15

À hì mô tuk lefu, ghɨta hì fê mô kəbi wu luk wù mòk, tanà ghɨt wu wə nì mbà, Bità lôtì timî hì jîsà ha ghɨna jyâna,

Faic an caibideil

Ba yi ni mò na ghàn khə wi na ghɨt ghe a bu chilichili bè lye wi wu lùk wu fə̀n wù Fùyènù ma? Kə wùt lè bè lehe ngɨŋ à wûn. Ghɨt ghe a ghɨ chyə nì ywena makə ghê lɨmànà, a kəta wi ghɨna, nì ghe a ghɨ kokhe mosòmù makə ghe a ghɨ khɨma sak yi malâ, nì lɨmànà ghe a ghɨ kaha chyə nì ghɨ le,

Faic an caibideil

Gàlesiyà 6:7

Kə wùt nè lehe ngɨŋ à wûn. Wùt wi hi nyìkhè Fùyèn. Wùt yome nâbi ghə, ma wù bê kpê kə ghɨna.

Faic an caibideil

Fìlibiyàns 2:12

Wana noma ghɨ jûŋà, ghàn ndùku ywolò mu te ghàhnà ndùku baha mô amok, mu wu hì jîsà na ghàn fê tokâ yu mu chin te mu fè bu a ghàn a ngwùŋ. Ghàn ne mihe fêt yani yê ma ghàn faŋ à hi ngumlê nì fânì te ghɨt ghe a Yènfù bònhe,

Faic an caibideil

Fìlibiyàns 4:1

Mu wu hì jîsà ha ghàn a wana noma ghɨ jûŋà na, mu kòŋàlò ghàn nâ a jûŋ fê kôŋà hi yen a ghàn. Ghàn nè mu saŋle kə ni. Ghàn mô ha mu ni te maktu wu fèt tù. Mu jala ha ghɨta kum ghàn, mu jîsà a wana noma na, ghàn faŋ à hi ta kə yi tâ a ghàn fùtɨ̂n à yì bimî, chyə chyənà ye a Bâba khɨŋa.

Faic an caibideil

Kòlosiyàns 2:4

Mu nyàkà a gha mɨ ghɨ̂n ha ghàn, shyəma ghɨ ni ma nâ wùt bê tê lehe jə̀ ghàn nì jîs yi fomani.

Faic an caibideil

Kòlosiyàns 2:8

Ghàn hi tôknè kə wùt nê lehi ghàn nì tof yi yimi ma wù lyi ghàn ha wu kwòs. Nki tof mi yîn kəta gha kum kə chyənà à ghɨna yì lak nì yohnù we a wu saka mbyî. Tof wu tɨnu kəta wi gha kum Klistù.

Faic an caibideil

2 Timotì 2:18

Ghɨna yike na Yènfù hì mô ma fu tì lôhì ghàhnà a yi kpû. Yikî mi yîn mô nâ yikî yi fəmi. Yi ti nî na ghɨt ale tunhi ma hi fê bime wi ha Klistù.

Faic an caibideil

Hibùlùs 13:1

Ghàn hi kôŋà ngɨŋ sanisu te wana ne.

Faic an caibideil

Jêms 1:19

Ghàn tokâ yuti yìna wana noma a jûŋà: Ghɨ shihi tè jìs yi ghâ nâbi nde wu lem a tû, wu hi tôkà yutê, wùt hi mô hi jìs wu tok kwâktìlò shyəma wù jis. Kə wùt nè shɨŋa bâŋhè lâ a yi ghâ.

Faic an caibideil

Jêms 1:2

Mômhìtù shìki bên ha ghàn a tu lum a tu lûm, ghàn lyi na à mò yi saŋlî chiki a wana noma,

Faic an caibideil

Jêms 2:1

Wana noma, ghàn te ghɨt a bimena ha Bâba ghàhnà Jisòs Klistù a we wù kəta ban yi chiki kəta wi hi tè lyê wùt na wù chyàlò wùlè.

Faic an caibideil

Jêms 2:14

Wana noma, wùt shìki jîs kə na wù ti bimi ha Yènfù, chwûtè wijə a wun a yì fèt, ma jùŋ àtɨ̂n nê hi mô nâ ghə. A nki yi bimî mi yîn làhi bè bònhè wuna?

Faic an caibideil

Jêms 2:5

Ghàn yuti a wana noma ghɨ jûŋà. Ba ghàn khəlò na Yènfù ti chwokti ghɨt ghe ghɨ yena na à mò ghɨt a fufana a mbye afân, ni na ghɨna bimi ma ghɨna khɨti kə nâ ghaki, ma ghɨna bê yə fə̂n we Yènfù chwùne ha ghɨt ghe ghɨ kôŋà wûn.

Faic an caibideil

Jêms 3:1

Kə ghàn a dona hi khɨŋa hi tè mò a sù chichà a wana noma, beka Yènfù bè saka lò ghàn ghe ghɨ yike ghɨta hanɨ̂ŋ.

Faic an caibideil

Jêms 3:10

Ghɨ kokhe Fùyèn nì jwo fè sûlè kəbi ghɨta nì yini. Yi kəta wi hi tê mò ni a wana noma.

Faic an caibideil

Jêms 4:11

Kə ghàn hi bobhe yet a wana nì ghana a wana noma. À bobhi nâbi nde yet yi wâ nè wuni makə wù sakalò wûn, ma yi nê hi chwûtè na wù jis gha yi be mi yê kum yi sâk fê saka kəbi sak yi tɨni. Wùt shìki sak a yi sâk, ma à hi mô na wù ti kwok ndokò a tô àtɨ̂n hì lêmà wijə sak yi tɨni.

Faic an caibideil

Jêms 5:12

À ne fî gan nâbi ghə a wana noma, kə wùt bè kânà yi kân gha. Kə wùt bè kânà yet yi Fùyènì makə yet yi shyə̀ ale a chyə afân makə nâbi yet yi ghə. Gha hì mô hi bimî, ghàn bimi kə yi bimî, yi hì mô hi tunhî ghàn tunhi kə yi tunhî, kə Yènfù bê sak à bobhi ghàn.

Faic an caibideil

Jêms 5:19

Wana noma wùt ha ghàn ki njaha lum wu Fùyèn we wu mô hamok, wùt lè nî wù kaha fwu wu lûm,

Faic an caibideil

Lean sinn:

Ceanglaichean taic

Sanasan

Jêms 1:16 - Ŋwàklù Fùyèn Kàn Mù Fê (Cameron)

Jêms 1:1622 Iomraidhean Croise

Jêms 1:16
22 Iomraidhean Croise