Jêms 1:12 - Ŋwàklù Fùyèn Kàn Mù Fê (Cameron)

¹² Jùŋ mò ha wùt we mômhìnì bènà ha wûn, wu hi wunhe kə yi wunhî beka wù ki ta chyà yi mômhì mi yê, ma wù bê hi kəta maktunu, a mô a chyəna ghe Yènfù chwùne lema ha ghɨt ghe ghɨna kòŋà wûn.

Jêms 1:12 Iomraidhean Croise

Matiyò 10:22

Ghɨt à jɨ̀m bè hì bânàlò ghàn kum mu, biyani ma à wunhi nâbi nde hi bè tàn a gòkhi, ma wù bê bon.

Matiyò 25:34

Ma fə̀n ki jîs ha ghɨt ghe ghɨ mô a wun a bàh à kpen wu wo ta na, ‘Ghàn ghɨ̂n a Bôm bònhe ghàn ni, ghàn lyê ben a wun a sah yì sâk ma ghàn hi yə jùŋ ye wù tì fate lema ha ghàn shyəma mbyi yimi.

Lûk 6:22

“Jùŋ mô ha ghàn chîn, te ghɨta bànà ghàn, jùmà ghàn a ghɨna ndasu chintesu, sùlè ghàn fê bobhe a yet ghana kə kum Wâ Wùt.

Lumàns 5:4

Wunhînì nê na ghàhnà ghəkna, ma ghəknâ tɨni gamti ghàhnà ma ghɨ hi ke yênà kə ashyə̂, khə hamok na ghɨ bè kwotelò shyə ghe a ghɨ khɨŋa.

Lumàns 8:28

Ghàhnà khə na à gan nâbi ghə, Yènfù fate kə a jùŋ ha ghɨt a ghe a ghɨ kôŋà wûn, a mô ghɨt ghe a wù toŋa na ghɨna hi nê te wù bakte lema.

1 Kòlitiyàns 2:9

Ghàh yike kə te ghɨ nyaka a ŋwàklù Fùyèn na: “Wùt tà timi yen jə̂, teka wùt timi yû, wùt tà timi kwâktì kəbi yi kwâktì gha ye a Yènfù bakte lema ha ghɨt ghe a ghɨ kôŋà wûn.”

1 Kòlitiyàns 8:3

Biyani ma wùt shìki kôŋà Fùyèn, ma Yènfù hi khə wûn.

1 Kòlitiyàns 9:25

Nâbi nde sine yi gha, wu hi yike hi nè yi gha mi yê, fate khɨte ngɨŋ à wûn kə lum tù jɨ̀m. Ghɨna ni nè ghɨ hi nê ni hi khɨte wu maktu, wu bu hi faŋ, biyani ghàhnà mô hi bè khɨte wu maktu, wu mô hi bè fâŋ.

2 Timotì 2:15

Mòmhi nâ nì jyaka hi nì na Yènfù yen na wò mò wut wù fètana wù jùŋ, a we wù wume wi hi tè nè fêt yi wuni, fê fate yike kə hamok ye a yì mò a tum yì jùŋ.

2 Timotì 4:8

Mu hì yute kə maktu mu chyənà chilichili chîn. A Bâba ghàhnà we a wù saka ghɨta kə chilichili bè fo maktu mi wûn ha mu wu tuk wu gokhenu. Wù bè fo wi kə ha mu, wù bè folò kəbi ha ghɨt ghe a ghɨ chehì yute bên yi wuni yi chiki nì kôŋì.

Hibùlùs 10:32

Ghàn kahà kwàkti te bani tì bèna ha ghàn, ghàn khɨli Fùyèn. Ba ghàn ndùku yena ngə̂k a mu tuk afû nâ haŋaŋ biyani wunhe kə yi wunhî.

Hibùlùs 11:17

Ablàhâm tî bimi Yènfù, hì khɨŋa hi fo wâ wûn wù mòk we a wu ndùku kəta a yi fô ha wûn, te fu momhe wûn, nâbi te fu chwune ha wun na ngwìk à wûn à yì sah yi ndâ bè fwo ha Isìk a wâ wûn mu wuna.

Hibùlùs 12:5

Kə ghàn yìta jîs ye a Yènfù tì jìsa hi lùmhè ghàn. Fu toŋte ghàn na wana wuna jis na: “Wâ mù, Bâba shihi fo ngə̂k ha wò, tihe yi tihî wò, wo hi tôkà yutê. Wù shihi sama wò te ba wâ, kə wò bot.

Hibùlùs 6:15

Ablàhâm tì wunhî hì chyə̂ kə yi chyə̂, chwunu wu Fùyènù mu we ben kpên.

Jêms 2:5

Ghàn yuti a wana noma ghɨ jûŋà. Ba ghàn khəlò na Yènfù ti chwokti ghɨt ghe ghɨ yena na à mò ghɨt a fufana a mbye afân, ni na ghɨna bimi ma ghɨna khɨti kə nâ ghaki, ma ghɨna bê yə fə̂n we Yènfù chwùne ha ghɨt ghe ghɨ kôŋà wûn.

Jêms 5:11

Hamok ghàhnà bime na Yènfù bonhe à ghɨ̂t ghe ghɨ wunhe. Ba ghàn ti yu te Jûb tì shihi yen a ngə̂k hì wunhe nâ kə a jûŋ fî yen yi gha ye Bâba tì ne ha wûn a gòkhi. Bâba mò ni, khə sù ngə̂k su ghɨ̂tsù, kôŋà ghɨna, fê kwohe yi sen ha ghɨta nâ haŋaŋ.

1 Bità 3:14

Biyani ghàn shìki yen a ngə̂k kum te ghàn nè gha a jûŋà, ma Yènfù bonhi ghàn. Ghɨ nyak a ŋwàklù Fùyèn na, “Kə ghàn hi fânà ghɨt ghe a ghɨ chwoka wulu wanu, kə lɨmalɨma hi bâtè ghàn.”

1 Bità 4:13

Ghàn hi bɨlà saŋlê na ghàn boŋa yena ngə̂k kəbi te Klistù shyəma wù bê kahà ben a wun atɨ̂n à yi ban yi chiki, ma ghàn hi saŋlê nâ haŋaŋ.

1 Bità 4:14

Ghɨta shìki sûlè ghàn kum te ghàn mò jùmtìbàmsù Klistù, ghàn hi saŋlê kə yi saŋlî beka yìna chwùtè na Yohnà a kanana a mô Yohnà Fùyènà mò ha ghàn.

1 Bità 5:10

Ghàn yena ngə̂k kə a fu yu là ni, ma Yènfù tihi ghàn, ma wù fo jyaka ha ghàn, ma ghɨ ni ma ghàn hi ta nâ haŋaŋ. Wù mò Fùyèn, kwohe seni nâ haŋaŋ. À tì toŋa wûn ghàn na ghàn bê lye a wun atɨ̂n à yi ban yi chiki tohne a Klistù, a mô yi ban, bu hi bè mì.

1 Bità 5:4

Ghàn nè ni, ma wùt we a wù mò ni te a tû a chìn à sù njyə̀ bê kaha ben nâbi wùni tuku ma wù fo fot a tù fə̀nà te wu maktu ha ghàn, ghɨ njêntè kə ni, yê mwuhe wi.

1 Jon 4:19

Ghàhnà kəta kôŋì beka Yènfù tî yitì koŋ ghàhnà ashyə̂.

Gokhini 2:10

Ghàn yen! Kə ghàn hi fânà ngək ye a ghàn lye yênà atɨ̂n. Deblì nè nêlò na ghɨ khɨti ghàn ghɨ le ma lem a ndâ a chyâk, a mô kə yi mômhì te yi bênà ha ghàn. Ma ghàn nê yen ngə̂k afû a mu tuk ìwûm. Ghɨ hì mô nâbi hi ywe ghàn, ghàn hi samhe kə ha mu, shyəma mu nê fo chyə ye a yì bè mê wi ha ghàn, a mô shyə ghe a ghàn nò hi yə̂.

Gokhini 3:19

“Mu njaŋa ha ghɨt ghe a mu kòŋà, fo ngə̂k, tihe ghɨna. Ghàn hi lûmà. Ghàn kahi təm ghana a be.

Gokhini 3:21

À no yə nâ nâbi nde be, ma mu ni ma wù ben ma ghàh à wûn ndokò a mu lùk wu fə̀nù. Kəbi yi ghəl te mu hì mô ma mu ti no yə̂ hì mô ghàh à Bôm a wun wu lùk wu fə̀nù.