Jêms 1:1 - Ŋwàklù Fùyèn Kàn Mù Fê (Cameron)

¹ À ŋwàklù yina nyak mu Jêms we mu mò wùt wù fètana ha Yènfù fê mô wùt wù fètana ha Bâba Jisòs Klistù: Mu toŋte ha ghɨt a Isalì ghɨ bimena ghe ghɨna mô ma ghɨna ti jyâhì yen a tu lak tu mbyi tu tù jɨ̀m.

Jêms 1:1 Iomraidhean Croise

Matiyò 10:3

a fê mô Filîb nì Bàtòlòmiyà nì Tomòs nì Matiyò a we wù ndùku kâtà ŋwàklànà; a mô Jêms wâ Àfeyòs nì Tàdiyòs;

Matiyò 13:55

Bâ wùna mò kə nâ wâ wùt wuna wù kwoma mwə̀lû ni? Ba nè wûn mò Mèli, wana nè wuna mô Jêms nì Josèf nì Samùn nì Judàs.

Matiyò 19:28

Jisòs fîsì ha ghɨna na, “Mu jìsà ha ghàn hamok na, a bè hì mô a mbyî yì fê a lùk afa Wâ Wùt ndòko kpoko tu fə̀n wu wunu atɨ̂n à dɨ̀ŋ afa wù kəta, ma ghàn ghe ghàn chehì jûmtè wûn ma ghàn boŋà ndòko a mu kpòk mù tù fə̀n njwòsù bà saka te Isalì ghɨ̂n njwòsù bà.

Mâk 3:18

À hì fê mô Andùlù nì Filîb nì Bàtòlòmiyà nì Matiyò nì Tomòs kəbi nì Jêms wâ Àfeyòs nì Tàdiyòs nì Samùn wùt wù lùmana à ghɨt a Jûs,

Lûk 22:30

shyəma ghàn bê hi yə̂ fê nyô a mu wu lùk wu yənu wu tuk te mu saka fə̂n wu mu. “Ghàn bè ndokò a mu kpòk mù tù fə̀n njwòsù bà, saka a te Isalì ghɨ̂n njwòsù bà.”

Lûk 6:15

Màches nì Tomòs, nì Jêms wâ wùt à Àfeyòs nì Samùn wùt lùmana à ghɨt a Jûs.

Ŋwàklù à Jon 12:26

À fètà nâbi nde ha mu, ma wù nê hi kəta hi tè jùmtè mu, shyəma ghàh à wùt fètana mù nê hi mô wu luk wù mòk. Bom màktèlò wùt we wù fètà ha mu.”

Ŋwàklù à Jon 7:35

Ghɨt a Jûs ale hì bufa na, “Wùt wuna khɨŋa hi yèn afa na ghàhnà nê hi fê yena wi wûn agha? Wù boŋa khɨŋa hi yèn a yi lak yi tumi ye ghɨta ghàhnà teta yênà afû hi tè yike ghɨta tumu ghe ma?

Fêt 1:13

Ghɨna ben tan a Jèlusalèm lyi kwok yen atɨ̂n à ndâ afa ghɨna ndùku chyə atɨ̂n a nyə̂. A mô Bità nì Jon nì Jêms nì Andùlù, a mô Filîp nì Tomòs a mô Bàtòlòmiyà nì Màtiyò nì Jêms wâ Àfeyòs, nì Samùn wùt lùmana, a fê mô Judàs wâ Jêms.

Fêt 12:17

Wù chîlì ghɨna nì wo, fati fôktè ha ghɨna te Bâba ye bena lyi fwo nì wûn a ndâ chyâk, fî jis na ghɨna fokti gha mi yîn ha Jêms nì ghɨt a bimena ghɨ le, te wù jìsa mihe ni lo yen a lùk wu lô.

Fêt 15:13

Ghɨna jis mihì, Jêms kaha lôtì jis na, “Wana noma ghàn yuti ha mu.

Fêt 15:21

A mô gha ghe Musìs tì yike ghɨ yusa yike kwoka kə ndasu chintesu sù jɨ̀m a tuk mù lak nâ wu yu dâ.”

Fêt 15:23

Ghɨ tum ŋwàklù àtɨ̂n a Antiyòk ha wana ne ghe à ndùku mô a wu tûm jis na, “Ghàh ghɨt a tuma Jisòs nì chəhsu a wana ne ghana tum na ghɨ bê fo toŋtînì ha ghàn tum we ghàn bime chyə a yi lak yi Antiyòk nì yi lak yi Siliyà nì a Sìlisiyà.

Fêt 2:5

À ndùku mô wu yu mefû, ghɨt a Jûs ghe a ghɨ ndùku kokhe Yènfù mô a Jèlusalèm ma ghɨna ti fwu ben a tu lak tu dô kə ni a mbyî.

Fêt 21:18

Tuku yû, ghàh à Bôl yen yen Jêms ghê chəh se su ndùku mô atɨ̂n à ghɨt a bimena afû.

Fêt 23:26

“À nyak mu kɨ̀lodiyàs Lìsiyà, ha wò Gobnà Felìs wù jùŋ. Mu wu toŋte bê ha wò.”

Fêt 26:7

A fê mô kəbi wu chwùna we sah yi nda ghɨta ghàhnà ghɨ̂n njwòsù bà ndùku kokhe Yènfù nchwì nì ntuksu khə na ghɨ bè khɨtelò, à baha mò kə kum gha yinâ, mbè, a yi ne, ghɨt a Jûs lêmà gha ghɨ̂n a mu a tû.

Fêt 8:1

Ghɨ ndùku nyâblè nì Sìtifèn nì Sôl mô afû tòkà jîsà kə na yi jwôfà na ghɨ ywi wûn. À ndùku mô kəbi mu tuk afû, ghɨt a bimena ghe ghɨ ndùku mô a Jèlusalèm yîmì hì yena ngə̂k yìlè, yi bəma kə ni. Ghɨ shihi fo ngə̂k ni, ghɨna tet kə nâ ghɨna à jɨ̀m yen a sù ngunsu Jùdiyà nì Sàmaliyà, à faŋ kə ghɨt a tuma Jisòs afû.

Lumàns 1:1

À nyak mu Bôl ŋwàklù yina. Mu mô wut wù fètana ha Jisòs Klistù ma à chwok Fùyèn mu ha wut wù tum, lem na mu hi fôktè tum yì jùŋ à wûn.

Gàlesiyà 1:19

Mu tà tì fî yen jə wùt tum wùlè afû a bu kə Jêms, a mô wâ nè Bâba.

Gàlesiyà 2:12

À ndùku mô shyəma ghɨt ale lo ha Jêms ma ghɨ ben afû, Bità yə ghê tumu. Ghɨt atɨna bên, Bità yîmì hi kòtì a yi bàm, wù ghaŋ a gha hì fê yə wijə ghê tumu mu we beka wù ndùku fânà ghɨt mɨ ghɨ̂n a ghɨ ndùku jîsà na, ghɨ kəta hi tè se nam wu tumu we a wu tì bime.

Gàlesiyà 2:9

A nê hì mô te ghɨt a tihena ghɨ tâ mu ghɨ̂n ni te Jêms ghê Bità nì Jon yena na Yènfù ti chwûtì təm a jûŋà ha mu fî ni mu hì boŋa fôktè tum yì jùŋ, ghɨna fo a wo ha ghàh à Bànabàs, hi chwûtì na ghàh à ghɨna hì mô kə a shyə̀ à mòk. Ghàh à ghɨna ki lêm na, ghàh hi fôktè tum yì jùŋ ha tumu, ghɨna fôktè ha ghɨt a Jûs.

Fìlibiyàns 1:1

À nyak mu Bôl ghàh à Timotì ŋwàklù yìna mô ghɨt a fetana ha Jisòs Klistù. Ghàh ni nyàkà ha ghàn ghe a ghàn fo ngɨŋ sanisu ha Yènfù a Fìlibây nâ à jɨ̀m hì mô ha Klistù Jisòs. Ghàh ni nyàkà kəbi ha ghàn ghɨt a tihena nì ghɨt a fetana.

2 Timotì 4:21

Mòmhi nâ nì jyaka hi bèn teka bɨ̀ŋ chwu. Yùbulùs nì Budèns nì Lanùs nì Kɨ̀lodiyàs nâ nì ghɨt a bimena à jɨ̀m jis na mu toŋti ha wò.

Taytùs 1:1

À nyàkà mu Bôl ŋwàklù yina. Mu mô wut wù fètana ha Yènfù, fê mô wut wù tum ha Jisòs Klistù. Ghɨ tì chwok tum mu na mu gamti hi nì na bimî ghɨt ghe Yènfù chwokte na yi hi tâ, hi fè nì na ghɨna hi khə lum we a wu mô hamok kum Yènfù.

1 Bità 1:1

À nyàkà mu Bità, a wut wù tum ha Jisòs Klistù ŋwàklù yina ha ghàn ghɨt a Fùyèn ghe a fu chwokte, ma ghɨ ti jum fihi ghàn waŋhi kat a yi lak yi Lûm, a bàh wu Bontùs nì Gàlesiyà nì Kàbàdosiyà nì Esiyà nì Bìtinìyà, ghàn chyə atɨ̂n biyani chyâ wu lûm.

2 Bità 1:1

À nyàkà mu Samùn Bità ŋwàklù yina. Mu mô wut wù fètana ha Jisòs Klistù fê mô kəbi wut wù tum ha wûn. Mu nyàkà ŋwàklù yina ha ghàn ghe ghàn bime ha Jisòs Klistù kəbi te ghàh. Bimi yina jwòfàlò ha ghàn kəbi yi ghəl te yi jwôfà ha ghàh. Jisòs Klistù ni ma ghàhnà hi kəta bimî yîn beka wù mò chilichili. Wù mò Yènfù ghàhnà fu ma wù ti bônhì ghàhnà a sùbe.

Jûd 1:1

À nyak mu Jûd ŋwàklù yina ha ghàn. Mô wut wù fètana ha Jisòs Klistù, a wâ nè Jêms. Mu nyak ŋwàklù yina ha ghàn wana ne a jûŋà ghe a ghɨ toŋa fihe, ghàn na ghɨ hi chyə a Yènfù atɨ̂n à yì kòŋ, à mô Bì, Jisòs Klistù kine ghàn.

Gokhini 7:4

Mu yu te ghɨ fokti ghɨt ghe ghɨ lema chwèna. Ghɨna ndùku mô ghɨt kamsu wu wə nì ghɨt kamsu mkìk njwòsù kìk, ma ghɨ fwo a sah a nda ghɨt a Isalì njwòsù bà.