Filemùn 1:1 - Ŋwàklù Fùyèn Kàn Mù Fê (Cameron)

¹ À nyàkà mu Bôl ŋwàklù yina ha wò a Filemùn. Mu mô a ndâ chyâk beka mu fòktè tum yì jùŋ kum Klistù Jisòs. Wâ nè ghàhnà Timotì jis na mu toŋti ha wò. Wù mò sun wâhù, fêtà ha Klistù kəbi te ghàh.

Filemùn 1:1 Iomraidhean Croise

Fêt 16:1

Bôl ghê Silàs tî gbî tohna a Debì yen tan a Lìsɨtɨlà. Wùt bimena wùlè chyə afû yet yi wuni mô Timotì, nè wûn mô wut wù bimena, a mô wùt à Jûs, bè wûn mô wùt à Gɨlìs.

1 Kòlitiyàns 3:9

Ghàh chìntè fêtà kə ha Yènfù. Ghàn mô a fûk a Fùyènà, fê mô ndâ Fùyèn.

2 Kòlitiyàns 1:1

À nyak mu Bôl a wut wù tum ha Klistù Jisòs ma à chwok Fùyèn. Mu nyàkà ŋwàklù yìna ghàh à wâ nè ghàhnà Timotì, ha ghàn chìntê ghɨt a Fùyèn ghe à jɨ̀m a ghɨ chyə a tèk yi Kolèn, kəbi nì ha ghàn ghɨt a Fùyèn ghe a ghàn chyə a bàh a Àkayà nâ à jɨ̀m.

Gàlesiyà 3:26

Ghàn à jɨ̀m mò wana Fùyènà beka ghàn ti bime ha Klistù Jisòs.

Efisiyàns 3:1

À mò kə kum yi chîntì ghàhnà mi yin a mu jə̀mà ha Yènfù kum ghàn. Mu mô wut à ndâ chyâk kum yi fêt ye a Klistù Jisòs fo ha mu na mu hi fôktè tum yì jùŋ ha ghàn tumu.

Efisiyàns 4:1

Mu wu hì chyate ghàn kum fêt mi yin a Bâba ne ha ghàhnà na, ghàn hi chyə̂ chyənà, yi kpene wu lum afa Yènfù khɨŋa na ghàn hi chyə̂ atɨ̂n wu tuk afa fu tì toŋa fihi ghàn. Ghàn khə na mu mò ni, mô a wùt à ndâ chyâk kum fêt ye a mu nè ha Bâba.

Efisiyàns 6:20

Mu mò ma ghɨ ti tum na mu bê hi fôktè tum yì jùŋ mi yìna nâbi te mu mò chîn a chyak. Ghàn jəm na mu hi fôktè kə te mu kəta hi tè fòktì, fânà wi shyə ale.

Fìlibiyàns 1:1

À nyak mu Bôl ghàh à Timotì ŋwàklù yìna mô ghɨt a fetana ha Jisòs Klistù. Ghàh ni nyàkà ha ghàn ghe a ghàn fo ngɨŋ sanisu ha Yènfù a Fìlibây nâ à jɨ̀m hì mô ha Klistù Jisòs. Ghàh ni nyàkà kəbi ha ghàn ghɨt a tihena nì ghɨt a fetana.

Fìlibiyàns 2:25

Mu ti yen na yi jwôfà kəbi na mu kahè chinhi wâ nè ghàhnà Èbàfàlòditùs ha ghàn. Ghàh à wûn fètà amok fê tuma yi woŋ yin amok. A mô wut wânù wù tum te ghàn tì chinhe na wù bê gamti mu nì fêt yîn.

Fìlibiyàns 4:3

Mu jìsà ha wò we a ghàh à wò fètà, wo fate fêtà kə nâ hamok na, wò gamti ywên ghɨna a bə. Ghɨna mò ni ma ghàh à ghɨna chehì fôktè tum yì jùŋ amok bakhe nì Kɨ̀limèn nì ghɨt ale, yet a ghɨt atɨ̂na mô a ŋwàklù yì bòn.

Kòlosiyàns 1:1

À nyak mu Bôl ŋwàklù yìna. Mu mô wut wu tum ha Klistù Jisòs, ma à chwok Fùyèn. Ghàh à Timotì a wâ nè ghàhnà a yi bimî toŋte ha ghàn.

Kòlosiyàns 4:11

Jisòs we a ghɨ toŋte kəbi wun na Jûstùs ni, jis na mu toŋti kəbi ha ghàn. À mò kə ghɨna ghɨt a Jûs ghɨ bimena ghe a ghɨ fêtà ghàh à ghɨna. Mu fètà ghàh à ghɨna hi nì na ghɨta yen fə̂n wù Fùyènù. Ghɨna ti nî mu tê hì mô kə nâ a jûŋ.

1 Tèsàloniyàns 3:2

ghàh chinhi wâ nì wâhù Timotì we a wù fètà ha Yènfù ghàh à wûn, fòktè tum yì jùŋ kum Klistù. Ghàh tum na wù bê ni ma ghàn hi kəta təm a ta, tôkà samhe ha Klistù,

2 Tèsàloniyàns 1:1

À nyak mu Bôl ghàh à Silàs nì Timotì ŋwàklù yìna ha ghàn nôn a ghɨt a bimena ghe a ghɨ mô a yi tèk yi Tèsàlonikà. Ghàn mò ghɨt a Bè ghàhnà Yènfù, fê mô ghɨt a Bâba Jisòs Klistù.

2 Timotì 1:8

Yi ni chwùtè na wò kəta wi hi tè wumî hi fòktì kum Bâba ghàhnà makə hi chwùtì na wò khəlò mu te mu mò a ndâ chyâk beka mu bime ha Klistù. Mu jîsà na wò bɨlà lyi jyak ghe a Yènfù fo ha wò, ma wò hi mô nì fati wùni hi yena ngə̂k ye a mu mò atɨ̂n kum tum yì jùŋ.

Filemùn 1:23

Èbafàlàs jis na mu toŋti ha wò. Wù mò a ndâ chyâk ghàh à wûn beka wù fòktè tum yì jùŋ kum Klistù Jisòs.

Filemùn 1:24

Ghɨt ghɨ̂n chinhe kəbi yi toŋtî ha wò. A mô Mâk nì Àlìstakùs nì Demàs nì Lûk. Ghɨna gàmtè mu, fôktè tum yì jùŋ.

Filemùn 1:9

Mu bɨlà chyate wò beka mu khəlò na wò kòŋàlò ghɨt a Fùyènà. Mu jìsà na wò ni gha yîn chin ni, mô wut wù ləmâ fê mô a ndâ a chyâk beka mu fètà ha Klistù Jisòs.