SOOLLA 85:3 - Boy Lonana

³ Aŋ bulum cora vi suu maŋsina ki wa, aŋ baarasi yam suluk masina ki halaŋ.

SOOLLA 85:3 Iomraidhean Croise

2 DLAŊ MULINARA 6:39

aŋ ay kolo huulona day ni humusi cen masira u hoŋga asi hoŋ yasi kaŋga fokoŋga, ɦasi eŋga a asi fi yasi kira, bulum cora vi suu maŋsina ta asi laɗ egeŋga kiyo.

SOOLLA 106:23

Lona hal gin a baasi ki halaŋ, na may Moiz sa ma nam manamma col ki fokomu, cenem kay nam heɓ hurum kiyo.

SOOLLA 78:38

Lona ma wi hahaw suuna nam hin dlara casi kira tani bulumusi coosira kiyo. Nam tew tew ni heɓ yaamba gaa, nam ka tak yaamba ki kiɗik belɗi.

KALKIRA 32:22

Aaron hoŋ dira ana, «Ko huu sa ŋgol manna ɓeŋ egenɗi, aŋ wi lay ana suuna cemini ki ɓeŋiya, hurusi hal ni dla cora tew tew.

EZAYI 12:1

Hu buu namma ni suuna hin di ana, Ami gaŋ deɓe, Yawe, kay aŋ li yara egemiya, na may huruŋ heɓ wa, aŋ ɗilimi irimi wa.

EZAYI 40:1

Ɗiligi irigiya, ɗil irigiya, suu mansina, Loogina di na.

EZAYI 40:2

Di suu Yerusalemma, dasi ana buu masi ma wihawra hin daɓa, dla coosira warak ki wa, an hin ɦasi warak masina u tanda, asi fi warakŋa sesi mba' mba' ko Yawe kay dla coosira.

EZAYI 6:7

Nam ŋgenen vunun u kura di ana, «Hu li ma ku ndaɗta ŋgeneŋ vunuŋ na gawni, dla cooŋga daɓ ki wa. Suluk maŋŋa bulum ki wa.»

JEREMI 50:20

Hu li namma na ni, Yawe ɓak hu li namma na gaw ana, Asi hin hal u dla cora Israel laɗta may, ndaɗ hin viɗ kiyo. Dla cora Yuda laɗta lay ndaɗ hin viɗ ki may, ka faɗ oloɗi. An hin heɓ hurun ki eg suu an hinisi iirina.

EZEKIYEL 16:63

Kay ana humuk hin gaku, ndak hin mbuɗ ki zolona. Hu li namma ni ndak ka a mal vunuk a di boy oloɗi. Hu li ma an bulumuk dla cookka ndak laɗta kina. Di ni Bu Suuna, Yawe.»

JONAS 3:9

Sa ndak wiɗi lini Lona hurum heɓa, hin mbuɗ hurum a hiniygi kalage, hu li namma aygi ka ndak a ba kiɗi.»

MISE 7:19

Nam hin laygi jivi mamba egeygi hu olo, nam hin tayaygi co maygira ki kaŋga u semu. Aŋ hin cukusi coosira halaŋ ha ki duk mbo lum ma ŋgolna.

Boy Ma Ayra Ma JAŊ Ɓiirimma 1:29

Faɗta vinda wanni, Jaŋ wi Yesu mbay egemu, nam di ana, «Gola ni Goo Timiina vi Lona ma daɓ cora vi suuna kina.

GA 8ATAMBARA 13:17

Tlegeyesi suu hu zinna halaŋ agi tokosi ay duk gayra hu ɦoŋzi namma, agi ŋgal zi namma ki u tlege suu hurumma halaŋ maŋ Yawe Loogina, zi namma fi ni ɓalakka ŋgolla a fafaɗta, sa ka min ɦoŋzi namma kolo oloɗi.

GA 8ATAMBARA 32:43

Agi njaf suu halaŋŋa ŋgaagi suu mamsina, kay nam hin sa sukul busu suu sun mamsina, nam hin tin dlara sa sukul ndaɗta ni kel suu babali masisina, nam hin col mbas mamba u suu mamsina ki koloo.