SOOLLA 81:3 - Boy Lonana

³ Gagi soolla luuna, buugi dadarina u diŋŋa u tlesuu luuna zeɗ zeɗ.

SOOLLA 81:3 Iomraidhean Croise

2 MULINA 4:23

Nam joɓoɗ ana, «Ndak min a tuɗ varam cemi ni kay mege? Ka buu ma tilna a dayraɗi may, ka buu ma koɗ taraɗi may nige.» Ndaɗ hoŋom dira ana, «Li ndaaɗi, boy kaɗi.»

1 DLAŊ MULINARA 15:16

David di suu ŋgolo suu fok suu njun suu li ɓivunnana ana asi tin gorsesina hu sunusi a gi soolla u tlesuu bu suu gi soolla, a buusi ki kolo eŋga a li furira.

1 DLAŊ MULINARA 15:19

Duk suu gi soolla ni, Heman, Azaf u Etan dif mayra yi Kolo u ndaɗta kosiya.

1 DLAŊ MULINARA 15:24

Suu li ɓivunna Sebaniya, Yasafat, Nataneyel, Amasay, Zekari, Benaya u Eliyezer bu tokolomma fok Zandukka vi Lonara. Obed-Edom u Yeliya ni suu gol u Zandukka.

1 DLAŊ MULINARA 16:42

Suu asina ni Heman u Yedutun. Asi u tokolomma kosiya, tlesuu bura kosi a tuɗ u soolla geleɗ Lonara. Goryoŋ Yedutunna hinisi ki ni a kak vun grekŋa.

1 DLAŊ MULINARA 16:6

Suu li ɓivunna, Benaya u Yaziyel bu tokolomma fok Zandukka Galamba vi Lonara na gak gak.

1 DLAŊ MULINARA 25:1

David u suu ŋgolo asgaa suu goryoŋ Azafna, goryoŋ Heman u Yedutun suu cukusi ki keŋ kay sunda ɓak boyna jokom ki u diŋŋa lay u tlesuu bu suu daŋŋa lay. Gola ni ndum suu hinisi ki kay sun ndaɗtana,

2 DLAŊ MULINARA 13:12

Gologiya, Lona ka dukumi ni a mul mamina. Ami ka u muli mam suu li ɓivunna u tokolom ma bura lay a ami hin buum a duu u agira agi suu Israelna. Duurugi u Yawe Lo ma vi somoyoginaɗi, kay agi ka hin a tewɗi.»

2 DLAŊ MULINARA 13:14

Suu Yudana mbuɗ irisiya ni duuna col ay ŋgorosi dagan may, fokosi may. Asi yi kolo eg Yawe. Muli suu li ɓivunna bu tokolomma may.

2 DLAŊ MULINARA 2:4

Zira an a miniɗta hin li ni ŋgol cocoo, kay Loomina ni ŋgol su loogi suu daŋŋa halaŋ halaŋ.

2 DLAŊ MULINARA 5:12

Suu deera vi Levi suu gi soolla ni Azaf, Heman, Yudutum u goryosi lay u suu daŋ suu hu dee masirana lay, cuk tasi ni baraw dlemba dereŋga. Asi ka njaari u diŋŋa, diffa u diŋ ma zewem bolowna, njaari ii u maɗiina keŋ givin ma togolla na. Muli suu li ɓivunna ka njaari egesi hu na tok. Asi ni kis duk dok-mba'. Asi ni suu wi yal bu tokolomma may.

2 DLAŊ MULINARA 8:13

Ko ndal gaɗta vi Moiz dira na hu buu ma daŋŋa ki zeɗ ma nam ka li ɓivunnana, nam li ɓivunna hu buu ma vi Lonna, hu buuma jewna hu tilna tew tew, hu buuma luu ŋgolo ma lam hindi hu basarana may. Luu ma fu ma bay kuffa, luu ma buuma dok-vadlna u luu ma vun mbutluɓma.

SOOLLA 149:3

Ko asi ŋgaam sem u njoŋŋa, asi bu diŋŋa u dadarina.

SOOLLA 33:2

Gagi deɓ Yawe u diŋŋa, geleɗam u diŋ ma zewem doogona.

SOOLLA 98:6

U tokolomma lay, agi mba ŋgaagi Yawe, mulna vi tlena halaŋ.

YOORA 2:6

Nam ɓeŋ senena u li ma asi ŋgaf vok tasi huna kiyo. Nam ɓeŋ li ma asi li luuna huna kiyo. Yawe maa ki kay luu mamma u buu ma Sabbatna. Nam mbuɗ suu mulina u muli suu li ɓivunna ki zolona u yaamba.

NDUMBA 15:3

Lini agi a li ɓivun ma ti jivina maŋ Yawe, ɓivun ma ŋgalam kina ɗowba ɓivun ma u yoori suu ŋgolona u suu gorina lay, lini ɓivun ma sa yi va kam yi kala, ɓivun ma sana gaɗ a lam u min mamba ɦawa na kala, ɗowba hu buu ma luuna kala agi min li ɓivunna u mbutl ɗowba u timii ɗowba u ɦu lay maŋ Yawe ni an hin hum his ma jivi namma.

NDUMBA 28:11

«Hu buu ma jewna vi tilna tew tew ni agi li ɓivun ma ŋgalam kina fok Yawe, mbaa bolo mbutlugina ay mba', vi gamlana ay dew, yow gor timigii suu basaɗasi dew dewna ay kiɗisiya may halaŋŋi yoori suu bay ŋgulla egesina.

GA 8ATAMBARA 16:15

Luu ma agi luum a ŋga Yawe namma li buuna ni kiɗisiya, lammi hu li ma Yawe Loogina manam tin sem huna kay Yawe Loogina paɗ vunum ki kagi hu dlara agi laɗta halaŋ, ndaŋgara jivigi tlena coco lay, magira ni agi li furira.

KOLOSNA 2:16

Hin sa kaagi ɓak kagi kay tlesuu agi tasina u suu agi casinaɗi, kay humba hum u buu ma luuna, u vun tilna, u buu ma vi Lonnaɗi.