SOOLLA 74:1 - Boy Lonana

¹ Soolla haɗta vi Azaf. Lona, aŋ zuɗumi ha ki na gak gakŋi kay mege? Huruŋ ɓeŋi eg yoori suu ka hu katlaŋ maŋga na gakŋi amege?

SOOLLA 74:1 Iomraidhean Croise

2 MULINA 21:14

An hin noy u suu man suu hin ndena kiyo. An hin ɦasi ki ko suu babali masisina. Asi hin ki ni a tlesuu ɦurumusi ay ki fun duunana.

SOOLLA 10:1

Ҥi, Yawe, aŋ col ha ki na day ni kay mege? Aŋ ŋgay taŋ ki irin hu li ma an ka lasna ni kay mege?

SOOLLA 100:3

Wagi ki ana Yawe ni Lona. Nam laygi ni namu, aygi ni mamu, suu mamsina ni yoori suu ka hu katlaŋ mambana.

SOOLLA 18:8

Ndaŋgara dlaka, ŋgen taɗu, u ɦinira ŋgari gara geŋeɗ ki lay. Tlen halaŋ guruɗ ki ko yaamba.

SOOLLA 42:11

Dlaasira mbuɗ egenni ko mbil mbeŋŋa na, hu li ma suu babali mansina ŋgulunna. Tew tew asi ka joɓon ana, «Looŋŋa ni arage?»

SOOLLA 42:9

Hu buuna halaŋ ko Yawe takan oo mamba, njeŋgera halaŋ an gi soolla geleɗemba, an cen Lona ma ɦan iirirana.

SOOLLA 44:9

Hu buuna tew tew ami gi soolla ŋga Lona, ami ka geleɗeŋ seŋ tew tew.

SOOLLA 50:1

Soolla vi Azaf. Lo ma kay loogina halaŋŋa, Yawe, nam ɓakka, nam yi suuna halaŋ, suu u maɗiinana ta ta suu u fiɗiginana.

SOOLLA 60:1

Soolla vi sa ma fok suu gi soollana, soolla haɗta vi David, kay dikira.

SOOLLA 60:10

Moab ni tassa ma an mbus tan huna, an cuk tuɓuru manna ni kay Edomma, suu Filistina dak tasi ki u tiina egenu.

SOOLLA 77:7

Njeŋge ni an saa ni kay sool ndaɗta, saa manda hoŋ ay ni kay boy namma olo olo, hurun ka joɓ tamu.

SOOLLA 77:8

Bu Suuna, hinin ki ni a fafaɗta su? Nam ka ndak a wan hahawan oloɗi su?

SOOLLA 78:1

Soolla haɗta vi Azaf. Agi suu mansina humungi gaɗ manda haa, tinigi humugi hum boy ma kal ha ki fununna.

SOOLLA 79:13

Ami suu maŋsina, yoori suu ka hu katlaŋ maŋgana, ami hin geleɗeŋ na gak gak, di ki kay ŋgol maŋga hu basara halaŋ.

SOOLLA 79:5

Ҥi, Yawe, ya ndaɗta tuɗ ta ta tew ni ara na gage? Yaaŋga ŋgalami tami ko kura nara hin hinimi ni saɓage?

SOOLLA 80:5

Yawe, Lona ma Saɓakŋa Kom Belna, huruŋ ɓeŋ eg cenda vi suu maŋsina na gak gak tew ni ara gage?

SOOLLA 85:6

Aŋ hin huruŋ egemi yara na gak gak su? Aŋ tuɗ fok u yara egemi hu basara ha fokka na gak su?

SOOLLA 95:7

Kay nammi Looygina, nam ka goloygi ni namu, aygi ni yoori suu nam golosina. Cecemi agi wi ki ana agi ka hum umu,

KALKIRA 32:11

Na may Moiz cok yam ga fok Yawe di ana, «Ҥii, Yawe, huruŋ ɓeŋ eg suu maŋ suu aŋ cukusi ay ki hu mbassa Egiptera u saɓak maŋ ma cocona na ni kay mege?

EZAYI 64:8

Yawe mbuɗ yara ta ta a kal ki saɓakiɗi, humuŋ gaŋ kay dla coomira na gak gakgi, na may gol iriŋ ay kami halaŋ, ami ni suu maŋsina.

JEREMI 23:1

Cora ka kay suu taa suuna suu hinisi asi viɗ ha ki kay tasi hu li ma ti haɗna na. Yawe di na.

JEREMI 31:37

Na ɗaŋŋi Yawe ɓak anaba, Lini asi tew a ŋga huulona ma kolona, ŋga u ndaŋgara ma tin ay kaŋgana ki may ni, an may ni hin ndak a hin njaf suu Israelna ki kay dlara asi laɗta halaŋ. Yawe di na.

YOORA 5:22

Na ni aŋ hin noyomi ki ni a fafaɗta su? Huruŋ mbuɗ yara ki egemi ŋgol coco ɦay.

EZEKIYEL 34:31

«Agi ni yoori mansina. Yoori suu ka taa hu sene mannana. Agi ni suu warna. Anni Loogina may. Di ni Bu Suuna Yawe.»

EZEKIYEL 34:8

Bu Suuna Yawe di ana, an suu tan u iiri manda ana, ni kayra yoori mansina suuna ɦurumusi kira, yoori mansina mbuɗ ki ni a ti ma vi vabakgi suu ŋgoo bagina, ni kay sa ma taarasi kaɗira. Suu man suu taa yoorina ka caa yasi kay yoori mansinaɗi. Suu taa yoorina gol ni hayasi doy hol, ka min a golon yoori mansinaɗi.

Boy Ma Ayra Ma LUK Ɓiirimma 12:32

«Lagi ndaaɗi, yoori suu ewna. Bugi hurum min a ɦagi mulla ni nam daŋ may.

GA 8ATAMBARA 29:20

Yawe hin kakam ki ni vay dam zeɗ u suu Israelna kay dla coomba ko ndal dlara ɓiiri hu magaara Galamba wanda dira na may.