SOOLLA 57:1 - Boy Lonana

¹ Soolla vi sa ma fok suu gi soollana, soolla vi David, ɓalak va kiɗi. Nam gi sool ndaɗta ni hu li ma nam pii ki ko Sol, ŋgay tam ha gi hu zul ɦinirana.

SOOLLA 57:1 Iomraidhean Croise

SOOLLA 125:1

Soolla suu tuɗ luu ma vi Lonna gaɗta. Suu hin tasi kay Bu Suunana ni ko ɦinira Siyonda na, ndaɗ ka geŋeɗɗi, ndaɗ ka coli na gak gak.

SOOLLA 13:5

Hin a suu babali mansina di kan ana, asi su kan wa naɗi. Hinin a an puk ga fokosi, a asi ŋga tasi kanɗi.

SOOLLA 142:1

Cenda vi David hu li ma nam ay ki ŋgoo hu zul ɦinirana.

SOOLLA 2:12

Li Goona jiviya kay nam mbuɗ yaɗi, agi viɗ ki hu voɗtaɗi, kay yaamba hin ay ni na tok daŋ. Furira ka kay suu ŋgay tasi hurumma.

SOOLLA 36:7

Ɗegee maŋga ni ko ɦinira vi Yawera na, ɓak ma aŋ kaamma ni ko zul ŋgolla na. Yawe aŋ suɗ suu warna u yoorina.

SOOLLA 56:1

Soolla vi sa ma fok suu gi soollana, soolla vi David gaɗ ko ndal gugukka kak ay kolo hum gu ma fiyekŋa na. David gaɗ ni hu li ma suu Filistinna vam hu Gatna.

SOOLLA 58:1

Soolla vi sa ma fok suu gi soollana, soolla vi David, ɓalak va kiɗi.

SOOLLA 59:1

Soolla vi sa ma fok suu gi soollana, soolla vi David. Nam gi sool ndaɗta ni hu li ma Sol cuk suuna juɓum um hu ziim a cam kira.

SOOLLA 61:4

Kay aŋŋi sa ma an ŋgay tan egeŋŋa, aŋŋi gulumun ma ŋguy kanna.

SOOLLA 63:7

Kay lay man ma buuna an saa ni kaŋu, an yow lina coco a ceneŋga.

SOOLLA 75:1

Soolla vi sa ma fok suu gi soollana, ɓalak va kiɗi, soolla vi Azaf.

SOOLLA 9:10

Yawe ni ɦoŋzi ma saɓakŋa kay suu ka lasna, hu li ma lassa ka lasina, nam suɗusiya.

SOOLLA 91:1

Sa ma kak hu li ma Kolo Dayna ka huna, nam ma buu u ŋgus Lona ma Saɓakŋa Kom Belna.

SOOLLA 91:4

Nam gi garaŋam kaŋu, aŋ ay ŋgay ga ni u garaŋamu. Ɗegee mamba ni mbari maŋŋa u ɓagi maŋŋa may.

SOOLLA 91:9

Na daŋ may Yawe, aŋŋi li ma an ŋgay tan huna, liiŋ ma kakŋa ni ma Kolo Dayna.

EZAYI 10:25

Kay kak na njok, juɓ na ewni hurun ma ɓeŋina hin heɓ egegiya, yaanda hin hoŋŋi kasi may.»

EZAYI 26:20

Agi suu mansina cukugi vo hu ziigiya, dugugi vun zina ha kagi jak. Ŋgayagi tagiya, ta ta hin yara vi Bu Suunara jak ki tuwa.

EZAYI 50:10

Dukugi ni sa ma li ndaa Yawe ka su? Sa namma humum vun saam ma sunda haa, sa ma ka tuɗ duk ndufunda bay wi kiɗikka tu ka su? Nam tin saa mamba ni kay sem Yawe, nam deŋ tammi eg Loomma na ɗow.

MATIYE 24:22

Lini buu namma ŋga tam ay gedeŋ ginɗi ni, sa ndak hin iiriɗi. Nam hoŋ buu namma ki daganni, kay suu nam ŋgaɓasi ki mamma.

Boy Ma Ayra Ma LUK Ɓiirimma 13:34

«Yerusalem agi ci suu jok vun Lonna kiyo, suu Lona sunusi ayna, agi casi ki u gogoyra lay. An min a tokoŋ suu huruŋŋa egenu ko tlekka tok goryoɗ u garaŋaɗta yan gage? Agiya agi min kaɗi lay.

Boy Ma Ayra Ma JAŊ Ɓiirimma 16:20

An dagi ni gasi, Agi hin tiirigiya, yoo tagi lay. Suu hu duliyarana hin furiya, agi hin kak u yoora may, yoo magira hin mbuɗ ki furira.

GA 8ATAMBARA 9:26

An cen Yawe di ana, «Bu Suuna, Yawe, ɓeŋ suu maŋsina kiɗi, ni jooŋ ma aŋ gusum ay ki u ŋgol maŋgana, aŋ cukusi ay ki hu mbassa Egiptera ni u saɓak maŋŋa.

WIRA ŊGAYRA 21:4

Nam hin vaasi simina ki irisiya, sa hin ka a miɗ oloɗi, haw hawra kaɗi lay, yoora u tii tara ka hin liɗi, tlesuu basina hin bulum ki halaŋ.»

WIRA ŊGAYRA 7:14

An hoŋom dira ana, «Aŋ wasi ni aŋgi su, Bu Suuna manna.» Nam dan ɗaŋŋi ana, «Ni suu cuk ay ki hu lassa ŋgolona. Asi mbus baraw masira ŋgolla kiyo, ndaɗ mbus ki haɓpa ni u busuna vi Goo Timiina.

RUT Magaara Njaɗ Dlara vi Rut 2:12

Ko Yawe hak warakŋa kay dlara ndak laɗ wanda. Ko warak makŋa halaŋ col ay ni ko Yawe, Lona vi suu Israelna, ma ndak mba hal li ma ŋgayra egemma.»

1 SAMUEL 22:1

David tuɗ ha ki tana pii liŋŋa hu zulla Adullamba. Gorsemma u suu hu taraŋga vi bumma bel hum boy namma. Asi tuɗ fam ha ki huwa.

1 SAMUEL 24:3

Sol yow suu saɓakŋa duk suu Israelna halaŋ buɓ buɓ hindi tuɗ a hal David u suu mamsina ha eg ɦinira Buketinda.

1 SAMUEL 24:4

Nam tew ha tok eg kaa ma vi timigiina ma keŋ voɗta tokŋa. Hu li namma zul ɦinira ka huwa. Sol kal hu zul ndaɗta a koɗ tamba. Doli ɗini David u suu mamsina ka laki hu zul ndaɗta.

1 SAMUEL 24:8

David di boy namma na may ni col suu mamsina ni na en gaw. Nam ɦasi voɗta ka a asi vi Solɗi. Sol min tam minni kal ki hu zul ɦinira gi tam hu voɗ mamba.

1 SAMUEL 26:9

David di Abisay ana, «Cam kiɗi. Sa ma hin tin kom eg sa Yawe fuurumma, sa hin ka gam daŋgayɗina ni gege?»