SOOLLA 47:3 - Boy Lonana

³ Kay Yawe ay kolo day ni dlam ŋgolo, nammi mul ŋgolna kay yam ndaŋgara halaŋ.

SOOLLA 47:3 Iomraidhean Croise

SOOLLA 110:1

Soolla vi David. Yawe di Bu Suuna manna ana, «Kak hu bik kon ma njufna, an cukuŋ suu babali maŋsina ki uŋ ga a gu ma aŋ tin seŋ kamma.»

SOOLLA 18:47

Ŋgaagi Yawe ni Lo ma iirina. Gi deɓpa maŋ sa ma golonna. Lona ni sa ma suɗunna, ŋgaamu.

SOOLLA 66:5

Mbaagi aya agi hin wi sunda vi Lonara, dlaamba mbuɗ mbuɗta su ki kay suu warna.

SOOLLA 81:14

Na, lini suu mansina humunu ni, lini suu Israelna a tlan voɗ manda ni,

SOOLLA 95:3

Kay Yawe ni Lo ma ŋgolna, ni mul ŋgol ma kolo kay loogina belna.

SOOLLA 99:2

Yawe nam ŋgol coco hu Siyon, nam kak mulna kay suuna halaŋ.

JEREMI 10:7

Sa hin ka laŋ ndaaraŋgi na ni gege, mul ma vi suunana. Dla ndaɗta ni ŋgol maŋga. Duk suu yalna halaŋ lay, duk mulina halaŋ lay, sa ko aŋ na kaɗi.

ZAKARI 14:9

Na ɗaŋŋi Yawe hin tak tam ki a mul ma kay ndaŋgara halaŋŋa. Hu buu namma wanni Yawe li ni dew, sem dew may.

MALASI 1:14

Cora ka kay sa ɦulla, ma yoo ma njufna ka kom hu katlaŋ mamba, ɦal ɦalla ɦawara hin li ɓivunna maŋ Bu Suuna u yoo ma sunum kaɗina. Kay anni Mul ma Ŋgolna Yawe, ma Saɓakŋa Kom Belna, di na. Suuna halaŋ li ndaana ko senu.

1 KORINTNA 15:25

Kristu hin kak mulla ni gak gak hu li ma Lona su kay suu mam suu gonokka, cukumsina u sem kaŋgaa.

GA 8ATAMBARA 33:29

Furyugiya agi suu Israelna, sa ma a ŋga u agina ni gege, suu may suu Yawe ka njunusina? Nammi a mbaari magina ka njun kagiya. Nam olo ni a ŋgew magi ma ka ɦagi saɓakŋa cocona. Nam homogi yam suu babali magisina ay ga fokogiiya, agi tayasi tlesuu kolo day hu mbas masirana ki ga u segiya.

FILIPINA 3:21

Nam hin mbuɗuygi mbalataygira maŋira hu ndaŋgara ki zeɗ, mbuɗuygi ko mbalatamba bibiŋilla na a li u saɓak ma ɦamma ana tlena halaŋ hum umuna.

JOSUWE 21:44

Yawe ɦasi koɗ tara baɗaɗ zeɗ zeɗ halaŋ ko nam vi vunum ay ki fok jew u somoyosira na may. Suu babali masisina sa ma col fokosi dew kaɗi. Yawe ɦasi suu babali masisina ki hu duk kosi halaŋ.