2 Suuna koogi kogiya, ŋgaagi Lona u furira.
An di ana, «Ha, Yawe, Lo ma kolo huulonana, Lo ma ŋgol ma suuna lam ndaaramma, ma vi galamba ɗegeera u suu minimma, li u gaɗ mamba mayna.
Asi di ki kay saɓak maŋ ma mbuɗ mbuɗta, an waŋ sun maŋga dlaɗ ŋgolla.
Geleɗegi Lona, geleɗemu! Geleɗegi mul maygina, geleɗemu!
Furira ka kay sa ma aŋ yamma, nam hin kak hu kaa maŋŋa. Ami hin hoɓ u jivira hu ziiŋga, u tlesuu teteɗ suu hu ziiŋŋana.
Ŋgaagi Lona saɓakŋa ni mamu. Ŋgol mamba ni kay suu Israelna, saɓak mamma ay ki kolo hu ɗugulla.
Dlara agi vi vunugi kaɗ a laɗ maŋ Yawe, agi laɗu, ɦagi tlena ay maŋ Lona ma dlam mbuɗ mbuɗtana, agi suu ŋguyumma halaŋ.
Kay Yawe ni Lo ma ŋgolna, ni mul ŋgol ma kolo kay loogina belna.
Ko suuna halaŋ geleɗeŋ seŋ ma ŋgolna, seŋ ki ni teteɗ.
Cora ka kay sa ɦulla, ma yoo ma njufna ka kom hu katlaŋ mamba, ɦal ɦalla ɦawara hin li ɓivunna maŋ Bu Suuna u yoo ma sunum kaɗina. Kay anni Mul ma Ŋgolna Yawe, ma Saɓakŋa Kom Belna, di na. Suuna halaŋ li ndaana ko senu.
Yesu ɦuɗ tam egesi, dasi ana, «Saɓakŋa huulona may, kay ndaŋgarana may, an fam ki kon halaŋ.
«Lini agi ka saa a li u boy ma gaɗta dammaɗi, boy ma ɓiiri hu magaara wannaɗi, a li ndaana ko semma dlam nda ndalna, Yawe Looginaɗi ni,
Dlak tagi ndaa kosiɗi, kay Yawe Loogina nam ka dukugiya, Lo ma ŋgol ma dlam cocona.
