SOOLLA 3:8 - Boy Lonana

⁸ Col koloo, Yawe, suɗun kiyo, Loonna. Kay aŋ ci kiriŋ suu gonok mansina halaŋ, aŋ to sii suu hurusi cona kiyo.

SOOLLA 3:8 Iomraidhean Croise

2 SAMUEL 23:12

Nam min um ki duk sene namma, doorosi kamu, ci suu Filistinna. Yawe hin li dlara saɓakŋa.

SOOLLA 119:94

Anni maŋu, suɗun kiyo, kay an hal ni gaɗ maŋga.

SOOLLA 29:11

Yawe ɦal saɓakŋa maŋ suu mamsina, Yawe paɗ vunum ki kasiya, ɦasi tara fanira lay.

SOOLLA 31:16

Buu manna halaŋŋi hu duk koŋu. Ɓaɗan ki ko suu babali mansina u suu lasanna.

SOOLLA 58:7

Lona, kususi siisi kiyo, Yawe, kus sii dlo namma kiyo.

SOOLLA 72:17

Sem yi ha ni na gak gak, suuna geleɗem sem ha na din din ko ndal faɗta na. Suuna gi deɓpa maŋ tasi u semu, njaf suuna halaŋ di kam ana ma jivi coco ɦayna.

SOOLLA 9:20

Col koloo, Yawe, ka hin sana su kanɗi. A njaf suu daŋŋa halaŋ ɓakŋa mba vasiya.

VUN ŊGOLNA 21:31

Sana min tam ki u kulum mamma a juɓ buu ma yara, may a gasira saɓak ma ti ay fun duunana col ay ni ko Yawe.

EZAYI 43:11

Ni anu, anni Yawe. Bay an bani sa daŋ ma suɗ sa kaɗi.

JEREMI 3:23

Gasi daŋ may tlesuu col ay kolo kay ɦinirana ki coo. Asi li kolo kay ɦinira ni vunna ɦawaa. Gasi daŋ may ni u Yawe, Loomina, Israel fi suɗta.

Magaara Vi Sa Jok Vun Lona OZE 13:4

An tanda, Yawe, Looŋŋa, ay hu mbassa Egiptera day. Aŋ wan an kaɗi ni ka wi Lo ma daŋgi, sa suɗ ma daŋ kaɗi, ni an dew.

JONAS 2:9

Suu goɓ loogi suu hawana, ɦuɗusi ha ki egeŋ day.

NDUMBA 10:35

Hu li ma Zandukka ka tuɗ na ni Moiz di ana, «Col koloo, Yawe, suu babali maŋsina hin njay kiyo, suu gonok maŋsina yow liŋŋa fokoŋu.»

SUNDA 3:26

Ni nam Lona tak Saam ma Sunda kini magi agi jewe, nam sunum ay kay a paɗ vunum ki kagiya, kay a agi hin dlaagira laɗ cora kiyo.»

SUNDA 4:12

Nam dew daŋŋi Sa ma Suɗta, hu duliyara halaŋŋi Lona ɦal sem sa ma daŋ ma suɗuygi kaɗi.»

EFESNA 1:3

Geleɗeygi Lona, Bu Bu Suuna mayna, Yesu Kristu, nam ma paɗ vunum ki kay taɓ maygira u Kristura, nam ɦaygi paɗvunna vi Musukka kay tlesuu kolona halaŋ.

HEBRENA 6:14

Nam di anaba, «An hin paɗ vunun ki kaŋu, an hin zuluŋ njafaŋ ŋgolo.»

1 PIYER 3:9

Hoŋogi cora u ndaraɗ coraɗi, ŋgulla u ndaraɗ ŋgullaɗi lay. Paɗagi vunugi ki kay tagi ni paɗi na ɗow. Hu li ma Lona yagina ni vi vunum ana nam hin paɗ vunum ki kagiya.

WIRA ŊGAYRA 19:1

Ŋgoo dagan an hum del suuna ay kolo huulona eŋga, ko del suuna bolow coco na, di ana, «Geleɗegi Lona! Bu Suuna, suɗta, bibiŋilla, saɓakŋa, halaŋŋi maŋ Looygina.

WIRA ŊGAYRA 7:10

Asi sawalla kolo u delesi eŋga ana «Suɗ mamira ay ni ko Loomina nam ma kaki kay dlamba mulla, u Goo Timiina may.»