SOOLLA 27:4 - Boy Lonana

⁴ An joɓ Yawe kay va dew, ni an kak hu Ziŋ Yawera, hu buu ma iiri manda halaŋ, a gol jivira vi Yawera, golom Ziimba jivi may.

SOOLLA 27:4 Iomraidhean Croise

2 SAMUEL 21:1

Mayra ndi hu cokira vi David basara na hindi. David joɓ Yawe. Yawe dam ana, «Dla ndaɗta ni kay Sol u ɦoŋzi ma ci maɗna kay ana nam ci suu Gabaonna kiyo.»

SOOLLA 23:6

Jivira u oora tuɗ un hu buuna tew tew, ta ta miɗ manna, an hin kakŋi hu zii vi Yawena a fafaɗta.

SOOLLA 26:6

Yawe, an mbus kon ki wa, kay tak ki ana an li co kaɗi. An ŋguy kay givin ma togolla maŋŋa a ŋgaaŋŋi aŋu.

SOOLLA 26:8

Yawe, an minni zi ma aŋ ka huna, u li ma bibiŋil maŋga ka huna.

SOOLLA 27:8

An saa ni kay Boy maŋŋa, «Aŋ halanu.» An ka halaŋŋi aŋ may, Yawe.

SOOLLA 50:2

Ay hu Siyon, li ma jivi pasiyakŋa, Lona ka weleɗ ay huwa.

SOOLLA 65:4

Hu li ma coomira su kamiya, aŋ bulumumi coomira ki wa.

SOOLLA 84:10

Ҥi, Lona, gol sa ma fokomi a mbari maminana, gol vok saaŋ ma Lona Fuurumma.

SOOLLA 84:4

Gor layɦiira lay fi zina kasiya, dlemerekka lay fi zi ma ndaɗ a gi sena huna tok eg givin ma togolla vi Yawe ma Saɓakŋa Kom Belna, mul manna, Loonna.

SOOLLA 90:17

Ko heɓpa vi Bu Suuna Loomina li kamiya. Ko ndaɗ soomi umi hu sunda ami ka laɗta, na daŋ may sunda ami laɗ u bik komira.

JEREMI 29:13

Agi hin halanu, hin fan may. Agi hin halanni huurugi tagira kurufuwa.

DANYEL 9:3

An pereɗ irin ay eg Bu Suuna Lona, tii tan fokomu, cenemu, li laara, cuk buɗna kanu, cuk baraw bolla egenu.

ZAKARI 9:9

Li furira, goora vi Siyon. Yi ha kolo u delek eŋga, goora vi Yerusalem. Gola mul makŋa ka tuɗ vo varaku. Nam ɗegee, saɓak lay, lamlam, fuli kay korra, kay goo korra.

MATIYE 6:33

Halagi Mul Lonara u ɗegee mamba jewe. Tlesuu hin halaŋŋa Lona hin ɦagisina.

Boy Ma Ayra Ma LUK Ɓiirimma 10:42

Vana ka dew ni, va ma ŋgol cocona. Mari ŋgaɓmi va jivina. Sa ka tlaɗna ki koɗɗi.»

Boy Ma Ayra Ma LUK Ɓiirimma 13:24

«So tagi ki a kalagi hu vun zira goora. An neegi ki kagiya, suuna hin tuk tasi a kal hu vun zi ndaɗta cocoo, suu ɦiw hin ka a ndakgi.

Boy Ma Ayra Ma LUK Ɓiirimma 18:1

Yesu tinisi ndal boyna ni ana asi joɓ Lona tew tew a loɓ ki dukgi.

Boy Ma Ayra Ma LUK Ɓiirimma 2:37

Njufuɗ miɗ ki miɗ ni, ndaɗ kak vaydegeɗ li basara na dok kalavandi yam fiɗi. Ndaɗ kak hu Ziŋ Lonara gak gak, ndaɗ cen Lona faali lay njeŋge lay, li laara lay.

2 KORINTNA 3:18

Aygi halaŋ vana ki mali kay iriygiya, aygi waygi taygi ni u bibiŋilla vi Bu Suuna, ni aygi mbuɗ ki wa zeɗ kay aygi tli taygi u Bu Suuna ni aygi jak hu bibiŋilla ŋgolla su ndaraɗtara. Sunda Musukka vi Bu Suuna laɗta ni na.

2 KORINTNA 4:6

Lona di ana kiɗikka weleɗ duk ndufunda nammi sa ma hin kiɗik mamba weleɗ huruygina, kay ɦaygi bibiŋilla vi Lonara u kiɗik maɗta weleɗ fok Kristu.

FILIPINA 3:13

Ka naɗi, gorsenna an ka bay fi warak ma an liŋ kamma tuwa, va ma an lam dewna ni an maa humun ki kay tlesuu ŋgoron daganna halaŋ, ɓaɗ tan kay fi va ma fokonna.

1 TIMOTE 5:5

Cara donora gasira sa ka egeɗɗi, ndaɗ tin saa maɗta kay Lona wa joɓom njunda nam njun uɗta u cenda hu buuna tew tew.

HEBRENA 11:6

Bay vira sana ka gol ii Lona jiviɗi. Kay ndaɗta sa ma min mba eg Lonna vi ki kam ana Lona kaa, nam warak suu ka halamma.

1 SAMUEL 1:11

Ndaɗ suu taɗ fok Yawe ni ko wanda na, «Yawe ma Saɓakŋa Kom Belna, lini aŋ gol hahawra vi goroŋga sunda, humuŋ gaŋ ay kanu ni, humuŋ maa ki kay goroŋga sundaɗi, a ɦaɗ go njufu. An hin hinim ki maŋ Yawe ta ta bu mamma nam kak iirina. Sin vella hin ka tin kay yambi.»

1 SAMUEL 22:10

Ahimelek joɓ Yawe kamu. Nam ɦam tlesuu tira. Nam ɦam ŋgew ma vi Goliyat ma Filistinna.»

1 SAMUEL 30:8

David joɓ Yawe ana, «Lini an cuɗ u suu asina ni an ndak a fasi duk su?» Yawe dam ana, «Tuɗ cuɗusi usiya, aŋ hin fasi duku, aŋ hin buɗ suu maŋsina ay kiyo.»