SOOLLA 26:1 - Boy Lonana

¹ Soolla vi David. Mbuɗun ɗegee Yawe, kay poy manda fokoŋ ɗegee, an tin saa manda ni kay Yawe, ka hoŋ daganɗi.

SOOLLA 26:1 Iomraidhean Croise

2 MULINA 20:3

«Ҥii, Yawe, wan hahawan na wige, aŋ wi ana an tuɗ fokoŋŋi u ɗegeera u huu ma tini kaŋŋa. An li dlara iriŋ jivira lay.» Ezekiyas tii u simina cocoo.

JOB 2:3

Yawe hin joɓom ana, «Aŋ wi saan ma sunda Job wa ɗaŋ su? Sa ma ko ndal nam na ka kay ndaŋgaraɗi. Nammi sa ma ɗili ma ɗegeena, ma li ndaa Lona. Nam ka taɓ tam hu dla coraɗi. Nam coli eŋ hu ɗegee mamba. Aŋ kalan ana an tukumu ni a gaɗta.»

JOB 4:6

Ndaa ma aŋ lam u Lonana takaŋ va kaɗi su? Huruŋ tini ni kay poy maŋga ɗegeera na hol su?

SOOLLA 121:3

Nam ka hiniŋ seŋ a daɓ vaɗi, ka sa ma juɓuŋ uŋŋa buu senɗi.

SOOLLA 15:2

Ni sa ma tuɗ u voɗta vi Lonara, sa ma li dlara huu Lona miniɗta, ni sa ma di gasira col ay hurum dayna lay.

SOOLLA 21:7

Aŋ paɗ vunuŋ ki kam a fafaɗta, Nam ka furiya kay aŋ ka u namu.

SOOLLA 25:2

Loonna, an saa ni kaŋ dew, mbuɗun zoloɗi. Hin a suu babali mansina su kanɗi.

SOOLLA 25:21

Ɗegee manda u jivi manda golonu, kay an tin saa manda ni kaŋ dew.

SOOLLA 26:11

Poy manda ni ɗegee, buɗun ki u oo maŋga.

SOOLLA 28:7

Yawe ni sa ma golonna, nammi mbari manna, hurun tini ni kam dew, nam njunun wa. An ŋgaam u hurun halaŋ, an gam deɓpa u soolla.

SOOLLA 31:14

An hum dla cora suuna daɗta cocoo, dlara laŋ ndaana, ŋguyun yan kina cutl. Asi dlaɓ vunusi halaŋŋi kanu, asi vi vunusi a baanni iiri manda.

SOOLLA 35:24

U ɗegee maŋga doo kanu, Yawe, Loonna, hinin a asi furi kanɗi.

SOOLLA 37:31

Gaɗta vi Loommara ka hurumu, sem ka daɓ va ma coɗi.

SOOLLA 4:5

Lini agi li yaa ni lagi sulukgi. Saaragi hurugi kurufu kay liigi ma buuna, lakagi en.

SOOLLA 43:1

Ҥi, Lona, mbuɗun boy manna ki ɗegee, golon ko njaf suu ka wi Lonaɗina. Suɗun ki ko suu kaboyna u suu kulla.

SOOLLA 54:1

Soolla vi sa ma fok suu gi soollana, soolla haɗta vi David, gaɗ u diŋŋa.

SOOLLA 62:2

Na daŋ may musukun cemi tin wa fok Lona, suɗ manda col ay ni komu.

SOOLLA 62:6

Ndak musuk manda kak na en eg Lona, kay saa manda tini ni kam dew.

SOOLLA 7:8

Ko suu hu duliyara suu ŋguyuŋŋa halaŋ, aŋ mbuɗ ay kolo kasiya.

SOOLLA 94:18

Hu li ma an di ana, «An ka puk gaana,» ni Yawe, ɗegee maŋga van ay kolo gaw.

VUN ŊGOLNA 20:7

Sa ma ɗegeena tuɗ ni hu voɗ mamba na ɗegee may. Furira ka kay goryom suu hin ka ŋgorom daganna.

VUN ŊGOLNA 29:25

Ndaa ma lam ko sa warnana gun fokoŋŋi dawna. Sa ma hin tam ko Yawena kaki ni u heɓpa.

2 KORINTNA 1:12

Gola ni va ma ami ŋga tami kamma, wiimira fokomira takami ana ami poyomi hu ndaŋgara tani dukugi ni u gasira u ɗegeera vi Lona u oora vi Lona ka u nera vi saɗi.

HEBRENA 10:23

Vaygi huruygi eŋ kay boy ma aygi ka damma. Aygi wi ki gasi ana Lona hin li u va ma nam vi vunum kamma.

1 PIYER 1:5

Ko saɓakŋa vi Lona gologi hu vira na gak gak a juɓ buu ma suɗta ma hin mbana, li namma hinni na tok ni buu ma daɓ daganna.

2 PIYER 1:10

Kay ndaɗta gorsenna soogi tagi eŋ a taɓ u yi mayra Lona yagira u manda nam managira, lini agi li ko ndaɗta na ni agi hin ka a cuk kaŋga hu coraɗi.

1 SAMUEL 2:9

Nam hin fuɗ sem saam ma ɗegeena, na may suu sulukŋa hin miɗ ki duk ndufunda, kay ana saɓakŋa hin ka ti oloɗi.

1 SAMUEL 24:15

Mul ma Israelna min tam a duu ni u gege? Aŋ min taŋ a dikŋi u gege? Aŋ dikŋi u di ma miɗina su? Aŋ dikŋi u yalira su?