SOOLLA 22:16 - Boy Lonana

¹⁶ Saɓakan so ki ko luɓuna na. Sinin narak ha ki kolo u yirɗin na faat. Aŋ gan ki duk buɗna ko suu ki miɗina na.

SOOLLA 22:16 Iomraidhean Croise

SOOLLA 22:1

Soolla vi sa ma fok suu gi soollana, soolla gaɗ ŋgarapii a dukka col tira, ni soolla vi David.

SOOLLA 22:20

Na may aŋ, Yawe, kak ha ki egen dayɗi. Ҥi, Saɓakanu, mbay njununu, mbay zak.

SOOLLA 38:11

Mukulun ka duu cocoo, eŋen kaɗi, irin ka wi oloɗi lay.

SOOLLA 59:14

Daɓasi kiyo, casi ki u yaaŋga, daɓasi kiyo, hinisi usi hu oloɗi. A asi wi ki ana Lona ni mul ŋgol ma vi Yakobma ta ta hu vun ndaŋgara dodora.

SOOLLA 59:6

Aŋ, Yawe, Lo ma Saɓakŋa Kom Belna, Lo ma vi suu Israelna, dliɗ ki koloo. Kaɓakŋa kay njaf suu asina halaŋ, wi hahaw suu co asinaɗi.

SOOLLA 86:14

Lona suu ŋga tasina ka lanu, suu ci maɗna taɓ u tasi a halan iiri manda, asi ka caa yasi kaŋ aŋ Lonaɗi.

EZAYI 53:5

Na may nam mbuɗ ki zolona ni kay ŋgel vun maygina. Suuna dagammi kay co maygira. Ɓak ma kaam kay sana a heɓ ta suuna halaŋ tokŋi kamu. Mbil ma nam famma garaɗaygi ki wa.

JEREMI 12:6

Gorseŋŋa lay, suu varaŋŋa lay, gasi asi lay gaŋ uŋ kiyo. Gasi asi lay sekeŋ suuna kaŋ bolowo, cukusi kay ceereŋu. Ne taŋ u asiya. Hu li ma asi ɓakaŋ jivira nana.

ZAKARI 12:10

An hin njay ŋgus mayra saara jivira u giyamba kaŋgara kay ziŋ Davidna u suu Yerusalemma. Na ɗaŋŋi asi hin golonu sa asi cokomma. Asi hin tiirim matam ko ndal goo ma dewna na. Asi hin tii kam ko suuna tii kay goo ma vuɗ jewna na.

MATIYE 26:57

Suu vi Yesu ay na, tuɗum fok mul ŋgol ma li ɓivunna, Kaif. Suu wi magaara gaɗta u suu ŋgolona tok kaŋga egemu.

MATIYE 27:35

Asi ɓalam ki hu gu ma garakŋa, ɓorowom baraw mamma ki kosi a ci ɓelera.

MATIYE 7:6

«Ҥagi tlesuu teteɗ suu vi Lonna maŋ digininaɗi, kayme asi mbuɗ usi kagi, eɗegiya. Cuk herew magina fok kosoŋŋa a nam tayam ki kaŋga u sesiɗi.»

MARK 15:24

Asi ɓalam ki hu gu garakŋa, hin ɓorowom barawi mamsina ki kosi a ci ɓelera.

Boy Ma Ayra Ma LUK Ɓiirimma 23:23

Suu molina vunusi ka a seŋgi, sawalla kolo gak gak ana, «Ɓalam ki hu gu garakŋa.» Wal masi ndaɗta su kam wa.

Boy Ma Ayra Ma LUK Ɓiirimma 23:33

Asi mba hu li ma ŋgot yamba wani, asi ɓal Yesu ki hu gu garakŋa, ɓal suu li dla cora ki egem mba' may, ma dew kay bikim ma njufna may, ma hiŋŋa kay ma gulna may.

Boy Ma Ayra Ma JAŊ Ɓiirimma 19:23

Suu asgaana ɓal Yesu ki kolo hu gu ma garakŋa ɓal ni, asi ɓorowom baraw mamma ki kosi dew dew halaŋ, asi fiɗi. Asi yowom baraw mamma ŋgolna ɗerem ka ɗeriɗi, cilim ciliya cuk ay kolo day, mba ki kay ŋgoo semu.

Boy Ma Ayra Ma JAŊ Ɓiirimma 19:34

Sa asgaa maa dew kusum payam u saɓpa. Busuna u yona ɓaɗ ay ki ni na gaw.

Boy Ma Ayra Ma JAŊ Ɓiirimma 19:37

Hiŋga di olo ana, «Asi hin gol sa ma asi cokom payamma.»

Boy Ma Ayra Ma JAŊ Ɓiirimma 20:25

Suu haɗi suu hiŋŋa dam ana, «Ami wi Bu Suuna!» Tomas hoŋosi dira ana, «Lini an wi huɗuk mbil ma komma, tin kon ka huɗi ni, u ma payamma, tin kon ka huɗi lay ni, an ka tin hurun kambi.»

Boy Ma Ayra Ma JAŊ Ɓiirimma 20:27

Nam di Tomas ana, «Ҥuɗ koŋ aya, golon huɗuk konu, ɦuɗ koŋ ay tin koŋ payanu. Hin huruŋ ma mbambana kiyo, tin huruŋ kanu.»

FILIPINA 3:2

Gologi tagi jivi ko suu li dla cora, digini asina, ni suu caw ɗiwra bay gasira.

WIRA ŊGAYRA 22:15

Suu may suu li dlara njenjera, suu li kumuna, suu li zoŋga, suu ci maɗna, suu goɓ fulina u suu may suu kaboyna u vunusi lay u sunda layna, suu asina halaŋ hin lak ha ki doŋ kaana na day.