SOOLLA 2:2 - Boy Lonana

² Muli suu kay ndaŋgarana min tasi a duuna, goryoŋ muli suu ŋgolona taɓ u tasi a duu Yawe u sa ma Lona Fuurumma.

SOOLLA 2:2 Iomraidhean Croise

SOOLLA 110:5

Bu Suuna ka kay bik koŋ ma njufna, hu li ma hurum ɓeŋŋa, nam cuk mulina ki ga halaŋ.

SOOLLA 2:10

Cemi agi mulina humugi jiviya. Agi suu kaɓakŋa kay ndaŋgara, vagi haɗta jiviya.

SOOLLA 45:7

Mulla Lona haŋgara kak na din din, aŋ ti mulla kay suuna ni u ɗegeera.

SOOLLA 48:4

Hu zi ŋgolla Siyonda, ni, Lona, suuna wam a ɦoŋzi ma saɓakŋa.

SOOLLA 48:5

Suu mulina vi vun tasiya, tok tasi a ŋgaf mul ma Siyonna.

SOOLLA 74:18

Humuŋ gaŋu, Yawe, suu gonok maŋsina ka panaŋu, suu may suu laɓana ka ŋguluŋ seŋu.

SOOLLA 74:23

Humuŋ maa ki kay boy ma suu babali maŋsina dammaɗi, vunna tum kolo eg suu maŋsina ni tumi na ɗow ɗow.

SOOLLA 83:6

Asi halaŋ vi vunusi ko tasi dew, asi vi galamba ni a duu u aŋga,

SOOLLA 89:20

Fok jewra aŋ ɓak suu maŋsina hu doyra, aŋ di ana, «An hin njun u suu hurusi ɦiŋŋa, An man goozoŋŋa duk suu mansina.

KALKIRA 16:7

Vin maɗii ni agi hin wi bibiŋilla vi Yawera kay nam humugi gurni magira egemba ha wa, ami ni me kay tami mayge? Agi gurni ni ka egemiɗi, ni eg Yawe.»

VUN ŊGOLNA 21:30

Yal ma vi sa warnana, neemba u mbeleŋ mamma halaŋ ka ndak a col fok Yaweɗi.

EZAYI 61:1

Musuk Bu Suuna Yawera ka kanu, Yawe ŋgaɓan a di boy ma ayra maŋ suu hahawra, ɗil ii suu hurusi ki ɓalakina, nam sunun ay a di boyna cuk suu hu daŋgaynana kiyo. Suu ay ki vii balnana tuɗ ki voo.

MATIYE 2:16

Herod wi ana suu wi dlara ganam yam mi ganiya ni, hurum ɓeŋ ki cocoo. Nam cuk suu mamma ana ci gor njufi suu vuɗ wilina u suu basaɗasi tew mbambana kiyo. Ni kayra suu wi dlara dam ana asi wi ciciwra ni hu basa ndaɗta.

MATIYE 26:3

Hu li namma muli suu li ɓivunna u suu ŋgolo suu Juifna, tok tasi vi mul ŋgol ma li ɓivunna yam ana Kaif.

MATIYE 26:59

Muli suu li ɓivunna u suu ŋgolo suu kaɓakŋa hal dlara kay Yesu a cam kira. Boy ma asi damma, ni kaboyna sak sak.

MATIYE 27:1

Maɗii feɗet ni, muli suu li ɓivunna u suu ŋgolo suu Juifna, tok tasi a gi gagara a ci Yesu kiyo.

Boy Ma Ayra Ma LUK Ɓiirimma 13:31

Hu li namma suu Farisenna suu ɦiw ɦuɗ tasi ay eg Yesu. Asi dam ana, «Aŋ hin lii tanina, tuɗ hu lii daŋŋa, Herod hal a caŋ kiyo.»

Boy Ma Ayra Ma JAŊ Ɓiirimma 1:41

Andre ŋgaf u wayamma Simon fok jew, dam ana, «Ami fi Sa Lona Fuurumma ha wa, ni ana Kristu.»

Boy Ma Ayra Ma JAŊ Ɓiirimma 15:23

Sa ma li gonokka u anna, laɗ ni u Bun gaw may.

Boy Ma Ayra Ma JAŊ Ɓiirimma 3:34

Sa Lona sunum ay na di ni boy ma vi Lonna, kayme Lona ɦam Musuk mamba cocoo.

SUNDA 10:38

Agi wi ana Lona njay saɓakŋa vi Musuk mamba kay Yesu ma Nazaretna. Agi wi Yesu poy hu mbassa daŋga daŋga, li jivira ŋgolo, suu Satanna njunusi kaŋgana nam mbuɗusi ki jiviya, kay Lona ka u namu.

SUNDA 9:4

Nam ndi kaŋga na gokŋi hum della dam ana, «Sol, Sol, aŋ lasan na ni kay mege?»

HEBRENA 1:9

Aŋ min ni dlara ɗegeera, ta cora ni aŋ noyoɗ kiyo, ni kay ndaɗta Lona, Looŋŋa, manaŋŋa, nam oyoŋ huruŋ u furira kay ɦala nam ɦaŋ li ma jivina, jivi su ma nam ɦam maŋ ndarayaŋŋana bel.»