SOOLLA 18:3 - Boy Lonana

³ Yawe, aŋŋi ɦini manna, ɦoŋziin ma saɓakŋa, aŋŋi sa ma buɗun kina. Loonna, aŋŋi ɦini man ma coli fokonna ni ziin ma an ŋgay hurumma. Aŋŋi mbarina u ɓagi man ma duuna, aŋŋi sa ma suɗunna.

SOOLLA 18:3 Iomraidhean Croise

2 SAMUEL 22:4

Gam deɓpa mamu. An yi Yawe aya. An hin ti kay suu babali mansina.

NEHEMI 9:5

Suu Levina, Yesua, Kadmiyel, Bani, Hasabneya, Serebiya, Hodiya, Sebaniya, Petahiya di ana, «Yowogi kolo gagi deɓpa maŋ Yawe, Loogina, ma ay hu fokka day a fafaɗtana. «Ko asi geleɗeŋ seŋ ma bibiŋilna, ma su ki kay ŋgara u geleɗta halaŋŋa.

SOOLLA 144:1

Soolla vi David. Gi deɓ maŋ Yawe sa ma suɗunna, nam ma ɦan saɓakŋa a li duunana, ma hinin kon eŋ a li yara u suunana.

SOOLLA 145:3

Yawe nam ŋgol cocoo, ndaki kay a sa ŋgaamu, ŋgol mamba su ki kay suu warna.

SOOLLA 3:4

Na may Aŋ, Yawe, aŋŋi mbari manna, aŋŋi bibiŋil manda, aŋ tlan yan koloo.

SOOLLA 31:4

Gasi aŋŋi ɦini manna u ɦoŋziin ma saɓakŋa, kay a geleɗeŋ seŋga an tuɗ uŋu, aŋ takan voɗta.

SOOLLA 48:1

Soolla vi goryoŋ Korena.

SOOLLA 50:15

Na ɗaŋŋi yan hu li ma dlara faŋŋa, an hin suɗuŋ kiyo, aŋ hin ŋgaan may.

SOOLLA 55:16

Ko ɓalakka li ha kay suu asina. Ko asi cuk hu lina vi suu miɗina iiri, iiriya kay hurusi oy u dla cora.

SOOLLA 62:3

Na daŋ may nammi ɦini manna, ni suɗ manda, nammi ɦoŋziin ma saɓakŋa lay. Cemi va ma ŋgenen kaɗi.

SOOLLA 62:8

Suɗ manda u bibiŋil manda ka tok eg Lona, ɦini man ma eŋŋa u liin ma ŋgayra halaŋŋi hu Lona dew.

SOOLLA 71:3

Aŋŋi ɦini ma an ŋgay tan umma, u ŋgusuŋŋi va ma lan kaɗi. Aŋ min ana aŋ suɗun kiyo, na daŋ may, aŋŋi ɦini manna, ni ɦoŋziin ma saɓakŋa.

SOOLLA 76:4

Hu li namma nam kus mbuurura vi suu duuna ki wa, mbarina u ŋgewi masina lay.

SOOLLA 91:15

Lini nam yanu ni an humumu, an hin kak u nam hu hahaw mamba, an hin buɗum kiyo, mbuɗum a sa bibiŋilna.

SOOLLA 91:2

An ɓak kay Yawe ana, «Nammi sa ma an ŋgay tan egemma, ni ɦoŋzi ma saɓakŋa, Loonna an tin saa manda ni kaŋ dew.»

SOOLLA 96:4

Kay Yawe dlam ŋgol cocoo, ndaki a sa ŋgaam daŋ may, nam ŋgolo, su kay loogi suu daŋŋa halaŋ.

JEREMI 16:19

Yawe, saɓak manna u ŋgusu ma kanna, liin ma ŋgayra hu li ma wihawra. Suuna hin mbay ni egeŋu, suu ay keŋ ndaŋgara day dayna hin di ana, va ma somoyomi fam hu ɓorowna na ni dla cora kaboyna. Dlara ganyamba sa ka li sun u ndaɗɗira.

Boy Ma Ayra Ma LUK Ɓiirimma 1:71

Nam di ana nam hin suɗuygi ki ko suu babali maygisina u suu gonok maygisina lay.

SUNDA 2:21

Ni suuna halaŋ gegelay ma yi sem Bu Suunana hin suɗ kiyo.

WIRA ŊGAYRA 4:11

«Bu Suuna mamina, Loomina, aŋ ndaki a sa ɦaŋ ŋgolla maŋu, geleɗeŋu, saɓakŋa lay ni maŋ bel. Kay aŋ min tlena halaŋŋi aŋu, tlena halaŋ ka iiri ni u min maŋga.»