1 Soolla vi sa ma fok suu gi soollana, soolla vi David.
Aŋ ŋgay taŋ ki irinni kay mege? Mbuɗun ki a sa ma babali maŋŋa ni kay mege?
Col koloo, Yawe, Lona, tli koŋ koloo. Maa ki kay suu hoŋ yasi ganaɗi.
Bu Suuna aŋ ka gol boy namma ni ana mege? Suɗun ki ko suu co asina suɗ ge, asi ŋguyun yan ki ko dlona na.
Bu Suuna dliɗ ki koloo, Aŋ buu senna amege? Col ki koloo, hinimi ki a fafaɗtaɗi.
Wan hahawanu, Yawe, kay anni sa ma maŋina, garaɗan kiyo, Yawe, kay sokon muɗun cocoo.
Soolla haɗta vi Azaf. Lona, aŋ zuɗumi ha ki na gak gakŋi kay mege? Huruŋ ɓeŋi eg yoori suu ka hu katlaŋ maŋga na gakŋi amege?
Lona hoŋomi koloo balamamiya, tak kiɗik maŋga kamiya, suɗumi kiyo.
Hoŋomi ay voo, Lona, saami ma suɗta, hin huruŋ ma haɗ egemina kiyo.
Aŋ hoŋom buurum ma u zoŋ tamma ki dagani, cemi an mbuɗum ki zolona wa.
Maɗii feɗet gaw ni hoɓomi u ɗegee maŋga, ami hin gi soolla furira hu buu mamina halaŋ.
Coogira ɓorowogi dukugi ki u Loogina ni ndaɗu. Dla coogira ŋgayagi ii Lona ki kogi ni ndaɗu. Nam mbuɗ ha ki egegi day, ha ki day coco ka humugiɗi.
Ni kay me aŋ hin maarami ki a fafaɗta ni ge, aŋ hin noyomi ki na ta ta daɓ buuna ki u ndaɗta su?
Li wa na ni yaanda hin puk kasi hu buu namma, an hin noyosi kiyo, hin ŋgay tan ki irisiya. Yoora u hahawra ŋgolla hin fasiya, asi hin di hu buu namma ana, dlara hahawra fami ko ndaɗta na ni kay Loomina ka u ami oloɗira.
