Yawe, aŋŋi ɦini manna, ɦoŋziin ma saɓakŋa, aŋŋi sa ma buɗun kina. Loonna, aŋŋi ɦini man ma coli fokonna ni ziin ma an ŋgay hurumma. Aŋŋi mbarina u ɓagi man ma duuna, aŋŋi sa ma suɗunna.
Ha hu vun ndaŋgara dodora lay, ami ka hum soolla gira, «Ŋga suu may suu ɗegeena.» An hin ɓak tan ana, tuk ndaɗta kanni ana mege? Tuk ndaɗta ni ana mege? Hahawra fan wa. Suu maliyaŋ zina di ŋgeŋa, suu tlasi cona di ŋgeŋŋa.
Huulona gi soolla furira, ndak ndaŋgara li furira, agi ɦinira saagi walla furira may. Kay Yawe so u suu mamsina wa. Suu mam suu yasi li homi kaŋgana nam wasi hahawasi wa.
Na ni suu ha u fiɗiginana hin li ndaa sem Yawena, suu u maɗiinana hin ŋgaam bibiŋil mamba. Kay nam hin mba ni ko ndal bil mbo lum ŋgolna babaana ɓaɗam ayra na.
Kay ana col ay maɗii day ta ta tew u fiɗigina ni anni ma ŋgolna duk suuna. Hu lina halaŋ li ɓivun ma ŋgal tlena ni u senu, u tlesuu jivi suu ɦasi ayna, kay ana anni ma ŋgolna duk suuna, Yawe, ma Saɓakŋa Kom Belna, di na.
Sa sunda huulona ma kiɗisiyana bu difna, della di ay kolo huulona eŋga ana, «Saɓakŋa a kak mulna kay ndaŋgara cecemi ni maŋ Bu Suuna mayna, u Kristu mamma, nam hin kakŋi a fafatɗa.»
