SOOLLA 112:9 - Boy Lonana

⁹ Nam ɦal tlena ki maŋ suu hawra cocoo, Ɗegee mamba ka ni na din din, nam hin fi saɓakŋa u bibiŋilla.

SOOLLA 112:9 Iomraidhean Croise

SOOLLA 111:3

Sunda nam laɗta halaŋ ka tak ki kay ŋgol mamba, ɗegee mamba ka ni na din din.

SOOLLA 112:3

Sa namma tlena varam cocoo, ɗegee mamba tuɗ fok na gak gak.

SOOLLA 75:10

An may ni an ka di ki gak gak, an gi soolla ŋga Lo ma vi Yakobma.

SOOLLA 92:10

Yawe, gol suu babali maŋsina, gola babali maŋsina hin ba kiyo, suu li dla cora halaŋ hin njay kiyo.

SOOLLA 92:11

Aŋ mbuɗun saɓakŋa ko vunda na, aŋ voon mbul ma heɓma kanu.

VUN ŊGOLNA 14:24

Suu wi dlara warak masina ni begera asi faɗta. Suu laɓana ka ndak a hin giniŋ masira kiɗi lay.

VUN ŊGOLNA 19:17

Sa ma wi hahaw suu maŋina ka ni balna kay Yawe. Nam hin hoŋomma kiyo.

VUN ŊGOLNA 21:26

Maɗiira nam ɗik faɗta ni u hurum ma haɗ kay tlena vi suunana. May sa ma ɗegeena ɦal tlena ha ki ni ka ŋgay vaɗi.

DI BOLLA 11:6

Maɗiira ni aŋ zaa wana hu sene maŋŋa. Fiɗigira ni aŋ ɗuɗ koŋ huruŋ ɦawaɗi. Kay aŋ ka wi ki ana ma hin li ki jivina ni maanageraɗi, ɗowba asi ndak a li ki jivi jak lay.

DI BOLLA 3:6

Buu dew a hal ayra, buu dew a ba ha kira may. Buu dew a ɗokka, buu dew a ba kira may.

EZAYI 32:8

Na may sa ma hurum jivina saa a li ni dlara jivira may. Sun mamba nam a laɗta halaŋŋi jiviya.

EZAYI 58:10

Lini aŋ ɓorow fuuŋŋa u sa ma mayra camma. Lini aŋ ɦal tina maŋsuu ka lasna, ni kiɗikka hin dik ndufunda aŋ ka dukuɗ cemi wanda kiyo. Hin dla mayra kak duk ndufunda njeŋgera ki tani, aŋ mbuɗ poy ni ko hu faalira na.

EZAYI 58:7

Ni ana ɓorow fu ma aŋ tamma u sa ma mayra camma. Olo ni suu wi hawra zi ka kasiɗina minisi zina kasiya. Lini aŋ wi sa maa ki siili wa ni, ɦam barawna tamu. Aŋ ka njun huruŋ ki eg wayaŋŋaɗi.

MATIYE 6:4

Va namma ni duk tagi doy hol. Aŋ li li na ni, Buŋ Lona wi ni nam doy hol, aŋ hin fi va komu.»

MARK 14:7

Suu hawra ka ni egegi tew tew. Falira hurugi a lasi jivira, agi hin lasira. Ko an na ni ka li egegi gak gakgi.

Boy Ma Ayra Ma LUK Ɓiirimma 11:41

Mariyaɗ ni agi ɦal tlegeyegi ki maŋ suu hawra, wanni asi hin mbuɗ jivi magiya.

Boy Ma Ayra Ma LUK Ɓiirimma 12:33

Gusugi tlegeyegi kiyo, ɓorowogi begera agi faɗ u asira ki maŋ suu hawra. Minigi begera kolo huulonara. Hu li namma bege ndaɗta ka ba kiɗi, sa kul ka kuluɗɗi lay, toɓo ka taɗɗi lay.

Boy Ma Ayra Ma LUK Ɓiirimma 16:9

Yesu gi boy mamma fun daŋŋi ana, «An dagiya, vagi banara kogi u tlesuu agi fasi kay ndaŋgarana. Falira kogi kaɗaki wa ni, asi hin vagi ni hu zi ma ka daɓ kiɗina.

Boy Ma Ayra Ma LUK Ɓiirimma 18:22

Yesu hum na ɗaŋi dam ana, «Va ma dew maa ki uŋu. Tuɗ gus tlegeyeŋ ki halaŋ. Bege ndaɗta aŋ ɓorowoɗ ki maŋ suu wi hawra. Aŋ hin fi ɦizza ŋgolla ha kolo huulona. Ŋgoo daganda aŋ hin mbay unu.»

Boy Ma Ayra Ma JAŊ Ɓiirimma 13:29

Yudas sa ma gursu masira kolo komma, suu bolowna saa ana Yesu ɓakammi a nam tuɗ hal tlesuu li luuna kala, nam joɓommi a nam tuɗ ɦal tlena maŋ suu hawra kala.

SUNDA 20:35

An takagi ki halaŋ halaŋ ana li sunda, kay a njun u suu hawra, saaragi kay boy ma vi Bu Suuna Yesu u tamba damma, jivira ka ŋgol suwa kay sa ma ɦal vama kina, su ma fina.»

SUNDA 4:35

mba ɦal gursu ndaɗta maŋ suu vovoɗta. Asi ɓorow gursu ndaɗta maŋ suuna u va ma asi min a lamma.

ROMMA 12:13

Njun u gorsegi suu ka hu loɓma, vi suu mba varagina jiviya.

2 KORINTNA 8:9

Agi wagi oora vi Bu Suuna mayna Yesu Kristu. Nam ma ɦizina mbuɗ tam ki hawra kagiya, kay nam min ɦizigi ki u haw mamba.

GA 8ATAMBARA 15:11

Ka hin bay sa ma haw a hin li hu ɦoŋziiginaɗi, an dagi ha ni malagi hurugi ki eg suu wihawra u suu hawra, suu ka hu mbas magirana.

GA 8ATAMBARA 15:14

Aŋ ɦam tlena kom cocoo, ɦam yoorina u wana u tlesuu em sum veŋŋa, ɦam tlena ni u tlesuu Yawe Looŋŋa paɗ vunum ki kaŋ kasina halaŋ.

GA 8ATAMBARA 24:13

Lini nanagelay ni faɗta kal gara ni aŋ hoŋom vaam namma ha kiyo, lini baraw kala ni nam hin buu ni hu baraw mam namma hin ɓi vunum ki kaŋ may. Fok Yawe Looŋŋa ni aŋŋi sa ma ɗegeena.

1 TIMOTE 6:18

Gaɗasi kay a li jivira kak ɦizi hu sunda jivira, taŋ loɓ kay ɦala ɦal maŋ suunaɗi, njun u suu daŋŋa daŋŋa.

HEBRENA 13:16

Humugi maa kay a li jiviraɗi, njunugi u tagiya, ni ɓivun ma ii Lona jivina.

HEBRENA 6:10

Lona ni sa ma ɗegeena. Humum ka maa kay sun magiraɗi, min magira agi takaɗta u sun magira agi lambara, agi laɗ maŋ gorsegi suu vina.

WIRA ŊGAYRA 22:11

Sa ma cona li coomba tuwa, sa ma njenjena hinim li njenje mamba tuwa, sa ma jivina hinim li jivi mamba may, sa ma ki teteɗna hinim li teteɗ mamba may.»

1 SAMUEL 2:1

Ane cen di ana, «An hurun fi heɓpa ni u Yawe, ɗegee yan ki kolo ni u Yawe. Vunun mal ki ŋgolla eg suu babali mansina. An li furira kay saɓak maŋŋa.

1 SAMUEL 2:30

Ni kay ndaɗta Yawe Lona vi suu Israelna di ana, gasi an di ana, ziiŋu u ziŋ buŋŋa hin tuɗ fokon a fafaɗta. May cecem wanda Yawe gasi vunna. An tli yam suu ŋgaana kolo may, suu ka mininɗina hin ndi duk dla cora.