SOOLLA 112:3 - Boy Lonana

³ Sa namma tlena varam cocoo, ɗegee mamba tuɗ fok na gak gak.

SOOLLA 112:3 Iomraidhean Croise

JOB 5:24

Aŋ hin wi ki ana heɓpa ka vo hu ziiŋu. Aŋ hin gol sene maŋŋa ni ka fi li ma co huna ndeɗi.

SOOLLA 111:10

Mbeleŋ may ma ŋgolna ni ndaa ma lam u Bu Suunana. Suu ka lam ndaaramma halaŋ lak jiviya. Suuna geleɗem ha ni na gak gak.

SOOLLA 111:3

Sunda nam laɗta halaŋ ka tak ki kay ŋgol mamba, ɗegee mamba ka ni na din din.

SOOLLA 112:9

Nam ɦal tlena ki maŋ suu hawra cocoo, Ɗegee mamba ka ni na din din, nam hin fi saɓakŋa u bibiŋilla.

SOOLLA 34:10

Lagi ndaa Yawe agi suu mamsina, suu li ndaa umma, va ma hin bay asi fam kaɗi.

SOOLLA 34:11

Dlona lay ni buu u vunumu, mayra cam lay. May suu hal Yawena, va ka kaɗak kasiɗi.

VUN ŊGOLNA 15:6

Sa ma ɗegeena tlena kom vo huu ziim cocoo. May begera faɗ ay u li iira mbaaraŋ kaŋŋi dlara hahawra.

VUN ŊGOLNA 21:20

Ay ndak a fi tlesuu jivina toki kolo u sa ma wi dlara. May sa ma laɓana ti tlegeyem ki ni bel bel ka ɗok vaɗi.

VUN ŊGOLNA 3:16

Buu ma ɦu duliyara cocona ka hu kok ma njufna, begera cocora ka hu kok ma ŋgulna lay.

EZAYI 32:17

Vuɗ dlara ɗegee ndaɗta tak ki ni u heɓpa. Dlara dadam ka li hu li namma oloɗi kay ɗegeera mbaa heɓpa wa, dlara ndaa ka oloɗi, ni a fafaɗta.

EZAYI 33:6

Suuna hin lakŋi u heɓpa, nam ka gol suu mamsina tew tew, ka ɦasi yalna u wira, ndaa ma lam u Yawena ni bege masira ŋgolla.

EZAYI 51:8

Kay njufulna hin tasi ki ni ko ndal barawna na, dagakŋa hin tasi ki ko ndal tlimiɗ timigiina ɦawa na. Na may ɗegee manda ka ni na din din, suɗ manda ha kay njaf suuna fokosiya, fokosiya.

MATIYE 6:33

Halagi Mul Lonara u ɗegee mamba jewe. Tlesuu hin halaŋŋa Lona hin ɦagisina.

2 KORINTNA 6:10

Asi lami dlara yoora egemi ŋgolo ni ami ka furi tew tew, golomi ko suu hawra na ni ami ɦizi u suuna, ami gol ko ka fi vaɗina ni a gasira tlena ka komi halaŋ.