SOOLLA 102:2 - Boy Lonana

² Yawe, humun cen manda, ko wal manda tew ay ta ta egeŋu.

SOOLLA 102:2 Iomraidhean Croise

JOB 34:29

Lini nam seŋ tam ki wa ni sa ma hin kaasi ɓakŋa kasina ni gege? Lini nam kuluɓ irim ki wa ni sa ma hin wasina ni gege? May Lona ka saa kay njaf suuna ko sa warna na.

JOB 7:21

Aŋ min ka a bulumun coonda kiɗi. Aŋ min bulumunda kiɗi ni kay mege? Gola cemi an ka bulum duk ndaŋgara. Aŋ halanni. Ka fan oloɗi.

SOOLLA 104:29

Aŋ ŋgay taŋ ki wa ni, asi halaŋ mbuɗ ndaana, aŋ tlasi musuk masina, asi miɗa, hoŋ ga duk ndaŋgara.

SOOLLA 13:1

Soolla vi sa ma fok suu gi soollana, soolla vi David.

SOOLLA 143:7

Yawe, hoŋon dira ay zak, musukun ka oloɗi. Ŋgay taŋ ki irinɗi, li ka naɗi ni anni ko suu cuk ki ga hu zulla na.

SOOLLA 17:1

Cenda vi David. Yawe ma ɗegeena, humun boy manna haa, tin humuŋu, humun cen manda. Ni cenda u hurun halaŋ, bay mbaɗta.

SOOLLA 22:19

Asi ɓorowon baraw manna ki kosiya, baraw man ma daŋŋa asi cam ki ɓelera.

SOOLLA 27:9

Ŋgay taŋ ki irinɗi, dikin ki u huruŋ ma yaraɗi. Aŋŋi sa ma njununna, hinin kiɗi, Lo manna, saan ma suɗta.

SOOLLA 31:2

Yawe, an hal li ma ŋgayna ni egeŋu, hinin a babali mansina mbuɗun zoloɗi. Buɗun kiyo kay aŋŋi sa ma ɗegeena.

SOOLLA 40:13

Lassa ŋguyun yan kiyo ka ndumbi, coonda halaŋ tokŋi kanu, irin ka wi oloɗi lay. Coonda ndumuɗ su tlimiɗ yamba, saa manda ka oloɗi.

SOOLLA 69:17

Hoŋon dira, Yawe, kay ɗegee maŋga ndaɗ jiviya, u oo maŋga ŋgolla mbuɗ iriŋ ay egenu,

SOOLLA 70:1

Soolla vi sa ma fok suu gi soollana, soolla vi David kay gi humba.

SOOLLA 71:2

Aŋŋi sa ma ɗegee, hu vi vun maŋŋa buɗun kiyo, tin humuŋ aya humunu, suɗun kiyo.

KALKIRA 2:23

Duk ɦoŋ basara fiyek ndaɗta Faraw, mul ma Egiptena, miɗ kiyo. Goryoŋ Israelna ka yoo tasi ko lassa mbaɓura may. Asi ka yi eg Lona koloo, yiisira tew kolo eg Lona wa may.

KALKIRA 2:24

Lona humusi sek masira, humum gam kay galamba nam vaɗ u Abraham, Isaak u Yakobpa.

EZAYI 43:2

Lini aŋ taɓa mbona ni an ka u aŋu. Aŋ taɓa mbo lumma ni nam ka tluɓuŋgi. Lini aŋ tuɗ duk kura lay ni ndaɗ ka ŋgalaŋgi. Ndoos kura ka laŋ vaɗi lay.

EZAYI 65:24

Jew bay vunusi yi kolo tu lay ni, an hoŋosi dira wa ɗow, asi ɓak ay na ni an humusi vunusiya.

EZAYI 8:17

An juɓmi Yawe ma ŋgay tam ki ii suu vi Yakobmana. An tin saa manda ni kamu.

1 KORINTNA 10:13

Ndemba agi waɗ halaŋ wanda li ay ni eg suuna gasi, Lona ka hin va ma nam damma ki ɦawaɗi, nam ka hinigi ndemba mba su kay saɓakagiɗi, hu li ma ndemba mba kakina wanni nam hin ɦagi saɓakŋa agi mba su kaɗu. U dlara agi hin mba puruɗ tagi ki koɗta lay.