SOOLLA 101:3 - Boy Lonana

³ An ka caa yan kay tlesuu hin ba kinaɗi, an ka min goɓ fulinaɗi, asi ka ndak a fi saɓakŋa kanɗi.

SOOLLA 101:3 Iomraidhean Croise

JOB 31:1

An doo irin kiyo, tin saa manda ka kay go tamaraɗi.

SOOLLA 119:113

An ka min suu hurusi mbambanaɗi, may an miniŋŋi gaɗ maŋga u hurun halaŋ.

SOOLLA 119:37

Hinin irin a gol tlesuu kaboynaɗi, hinin an poy ni hu voɗ maŋga.

SOOLLA 125:5

Na may kaɓakŋa kay suu goɓ loogi suu ɦawana, ko Yawe dikisi ha ki u suu cona halaŋ. Heɓpa kay suu Israelna.

SOOLLA 139:22

An ka minisiɗi ni u voɗoɗu, asi mbuɗ ni suu babali mansina.

SOOLLA 14:3

Suuna halaŋ cala voɗta ki wa, sa ma li dlara jivi ka na dewɗi, na dew lay kaɗi.

SOOLLA 36:3

Nam maa ki kay dla coomba, nam saa ana Lona ka wam coombaɗi.

SOOLLA 39:1

Soolla vi sa ma fok suu gi soollana, soolla vi David gaɗ ni Yedutun.

SOOLLA 40:4

Nam takan soolla wilira, ni soolla ŋgaaygi Looygina. Suuna bolowo hin wiya, asi hin mbuɗ ndaana. Asi hin tin saarasi ni kay Yawe.

SOOLLA 41:9

Dla coomba tok kammi ndaɗu, vira nam vi ga wanda ni ka col koloɗi.

SOOLLA 78:41

Asi hal a tuk tasi u Lona, asi ɓeŋ hu ma teteɗ ma vi suu Israelna.

SOOLLA 78:57

Asi ɦuɗ tasi ki eg Lona day ko somoyosi li ay jewra na may, asi hoŋ ki dagan ko mbuurura suuna munuɗ ha kira na.

SOOLLA 97:10

Agi suu minigi Yawena hini dla cora kiyo, nam ka gol iirira vi suu mam suu ɗegeena, nam buɗusi ki ko suu ka wi Lonaɗina.

KALKIRA 20:17

«Aŋ ŋgiziɗ ziŋ ndaraŋŋanaɗi. Aŋ ŋgiziɗ caŋ ndaraŋŋaraɗi, ŋgiziɗim saam ma li sunda varammaɗi lay, goora li sunda varambaɗi lay, mbutl mammaɗi lay, korro mambaɗi lay, tlesuu varamma halaŋ maa na nde lay, aŋ ŋgenembi.»

KALKIRA 32:8

Asi kak ka na njok a viɗ tasi ki hin voɗta an takasira hara kiraɗi. Asi min goo mbutlna fokosiya, asi goɓ ga fokomu, asi lam ɓivunna lay, di ana, gola ni loogina agi suu Israelna, ni ma cukugi ay ki hu mbassa Egipterana.»

VUN ŊGOLNA 6:12

Sa ma ka wi vaɗina tuɗ ni u boy ma kaboyna funum na kay.

VUN ŊGOLNA 6:13

Nam cemek irim may, fedek u sem may, hin fedek u kom lay.

VUN ŊGOLNA 6:25

Tin huruŋ kay ca ndaɗta u jiviɗ ɦawaɗi, caa yaŋ kay boy jivi ma ndaɗ damma u iiriɗ ta gol jiviraɗi.

VUN ŊGOLNA 8:13

Li ndaa Yawe ni aŋ noy ki ni dla cora gaw. Vun ma ŋga tara u kaboyna an ka minimbi, sunda cora halaŋ an ka miniɗɗi.

DI BOLLA 6:9

Mariyaɗ ni furi u vaaŋ ma ka koŋ ewna su mayra huruŋ haɗ kay tlesuu vi suunanara. Halaŋ ca ni ɦawaa, hin jak ki ni duk semeɗna.

EZAYI 30:11

Calaɗagi voɗta kiyo, ɦuɗugi ki day eg voɗta, dami boy ma Teteɗ ma vi suu Israelna naɗi.»

EZAYI 33:15

Ni sa ma tuɗ u ɗegeera sa ma njaɗ dlara gasira. Sa ma ka vi va vi sa ki u ɦarambina, sa ma ka vi vaŋ sa kombina. Sa ma ŋgel humum ki ka hum boy ma co ma ci matnaɗina, sa ma dug irim ki ka min a gol dla coraɗina.

JEREMI 22:17

Iriŋ u saaraŋ tinira ni kay li ma aŋ a fi tlena huna, a vo busu sa ma li va kaɗina ki kaŋga lay. Li dlara eg suuna u saɓakŋa bay saara lay.

MISE 2:2

Asi ŋgisiɗ senena, hin kulumu, ziginina, hin tlasi may. Asi vi malaŋ zina u ziimu, sana u bege mamba.

ZAKARI 8:17

Saaragi hurugi kurufu a lagi dla cora duk tagiɗi. Minigi suura bay uɗtaɗi kay tle asina halaŋ an ka minisiɗi. Yawe di na.

MATIYE 5:28

Anu an dagi ana, Sa ma saa kay caŋ ndarammara ana ndaɗ irim jiviya ni, nam buu u ndaɗ u hurum wa.

ROMMA 12:9

Li minda gasira, hin cora kiyo, njunugi tagi saɓaki eg jivira.

GALATENA 4:9

Cecemi agi wi Lona wa, cecemi Lona wagi wa may, ni nanaba agi hoŋ u ŋgussa maŋira lalassa nige? Agi min hoŋogi dagan a mbuɗ tagi mborɓii masisina ni nanage?

GA 8ATAMBARA 13:17

Tlegeyesi suu hu zinna halaŋ agi tokosi ay duk gayra hu ɦoŋzi namma, agi ŋgal zi namma ki u tlege suu hurumma halaŋ maŋ Yawe Loogina, zi namma fi ni ɓalakka ŋgolla a fafaɗta, sa ka min ɦoŋzi namma kolo oloɗi.

GA 8ATAMBARA 15:9

Gol taŋ jivi, hin huruŋ gonok eg wayaŋ ma hawraɗi, di taŋ ana, «Basara bulum balna kira hin tok may nige?» gijaŋ gol wayaŋ ma ɦaw namma u iira cora ka min a ɦam vaɗi, li ni nam yaŋ Yawe kaŋ wa ni aŋ li ni suluk ma cona.

HEBRENA 10:39

Aygi ka duk suu hoŋ ki dagan hin ba kinaɗi. Aygi ni duk suu vina ka hu voɗta suɗta.

JOSUWE 23:6

Agi may ni lakagi saɓaki, lagi u gaɗta Moiz ɓiiriɗ kara. Viɗigi tagi ki a tuɗ bik njuf may bik gulu mayɗi.

2 PIYER 2:21

Asi wi voɗta ɗegeera ka ginɗi ni mariyaɗ su mayra asi waɗ ki wi ni hin hoŋ ki dagan noy gaɗta teteɗta kira.

1 JAŊ 2:19

Suu asina ka suu maygisina gasiɗi ni kay ndaɗta asi hinigi kini na li gasi asi ni suu maygisina ni asi ka hinigi kiɗi, hin kak ginni u aygiya. Asi tuɗ hinigi kini a takaygi kini ana saaygi maa ka dukusi dewɗi.

1 SAMUEL 15:11

«An hom kay dlara an mbuɗ Sol ki mulnara kay ana nam noyon ki, van boy manna ka kambi.» Samuel hahawra vamu, nam yi Yawe kolo u delem eŋga njeŋgee.