SOOLLA 10:4 - Boy Lonana

⁴ Hu ŋga taamba nam di ana, Lona ka a kaam ɓak kambi, kay «Lona kaɗi». Nam ɓii tam na.

SOOLLA 10:4 Iomraidhean Croise

URA TIN AYRA 6:5

Yawe wi ana suuna tuɗ fok a li cora kay ndaŋgara li na ɗow ɗow, hu buuna tew tew ni saa masira tini ni kay dla cora.

JOB 22:17

Suu asina di Lona ana, «Ҥuɗ taŋ ha ki egemiya, hinimi na en.» Lona ma Saɓakŋa ndak a lami me egemi nige?

SOOLLA 101:5

Sa ma tum u suuna ŋgay gumuna an hin seŋem vunumu. Ii mayra cora u huu ma mbambana, an ka min suu asinaɗi.

SOOLLA 18:27

Eg suu teteɗna aŋ tak taŋ ki teteɗ may, eg suu li dla cora, aŋ takasi yaaŋga may.

SOOLLA 27:8

An saa ni kay Boy maŋŋa, «Aŋ halanu.» An ka halaŋŋi aŋ may, Yawe.

SOOLLA 36:1

Soolla vi sa ma fok suu gi soollana, soolla vi David sa ma sun Lonana.

SOOLLA 53:1

Soolla vi sa ma fok suu gi soollana, soolla haɗta vi David, gaɗ u diffa.

SOOLLA 73:11

Asi di ana, «Lona ndak wi ni u mege? Nam ha gi kolo day ni ndak wi su?»

KALKIRA 5:2

Faraw di ana, «Yawe namma nige a an humum vunum a hin suu Israelna tuɗ ki ŋgoo bagi nige? An ka wi Yawe nammaɗi. Kay ndaɗta an ka hin suu Israelna tuɗɗi.»

VUN ŊGOLNA 21:4

Ii mayra gol golla ŋga tara u huu ma ŋga tara ɦayna, saɓak ma vi sa ma dlam cona, halaŋ ca ni sulukŋa.

VUN ŊGOLNA 30:13

Suu daŋŋa kaa ni gol tasi ki ni kolo kay ndarayasina halaŋ, suuna halaŋŋi usi kaŋgaa.

VUN ŊGOLNA 30:9

Kay ana hu li ma an hoɓi hoɓmi, tin vunun kaŋgi, hin di ana Yawe Lona ni gege naɗi. Dowba hu li ma an ki haw cocona kal ki a kulla, Suuna hin ŋgulun sem Loonnaɗi may.

VUN ŊGOLNA 6:17

Gol ii mayra ŋga tara u sinda kaboyna. Ko ma vo busu sa ma ɓalak va kaɗina kina.

DI BOLLA 8:11

Kay ana dla cora sa ka ɓakaɗ ki na zakgi. Huu goryoŋ Adamma oyra ni u dla cora.

EZAYI 2:11

Hu buu namma ni suu ŋga tasina yasi hoŋ gaa, suu tli yasi kolona halaŋ hin hoŋ ki dagani. Hu buu namma geleɗta hinni maŋ Yawe dew.

EZAYI 3:9

Irisira golla ka takasi coosira kiyo, asi tak dla coosira ki ko suu Sodomma na, asi ka ŋgayaɗi. Hahawra kasiya, asi mba dla cora kasi ni kay tasiya.

EZAYI 59:7

Sesi ɓaɗ ni kay dla cora, asi liŋŋi kay a vo busu suu li va kaɗina ki ɦawara. Saa masira ni saara li dla cora. Li ma asi jak huna balamasi ni tlena ɓalaki cocoo.

EZAYI 65:2

Maɗii day ni an baa kon ki maliya, a yi suu may suu gonokka u anna, a yi suu may suu tuɗ hu voɗta cora. Suu ka zii saa masira corana.

JEREMI 2:31

Agi suu wara, suu cecem wanna, humugi boy ma vi Yawena. An mbuɗ ki ni fulla vi Israella su? Mbas mayra ndufun ilik ilikka su? Ni kay me suu mansina di ana, «Tuɗuygi hu li ma aygi minimma, ami ka hoŋ ay egeŋ oloɗi ni ge»?

JEREMI 4:14

Mbus huruk ki u dla cora halaŋ, ndak hin buɗ kiyo Yerusalem. Ndak hin paɗ saara cora ki hurukŋi sabage?

SOFONI 1:12

Hu buu namma wanni an hin hal huu zi ma Yerusalemma ki u kura konu, an hin kaɓakŋa kay suu kak hu li ma didiŋga ɓak tasi hurusi kurufu ana Yawe hin ka a li va ma jiviɗi lay, ka a li va ma coɗi lay.

SOFONI 2:3

Hoŋogi halagi Yawe agi suu hoŋ yagi kaŋga umma, kay ndaŋgara halaŋ agi suu hoŋ yagi kaŋga u gaɗ mamba, halagi ɗegeera, halagi hoŋ yamba kaŋgara, kala agi hin kak u ŋgusuna hu buu ma yara vi Yawena.

MARK 7:21

Saara cora col ay ni hu sana. Hurum zuɗum um ha ana li dla cora, kulna u ci maɗna lay,

SUNDA 8:22

Tii taŋ fok Lona kay saa maŋga co ndaɗta, cen Bu Suuna kay nam mba bulumuŋga kiyo.

ROMMA 1:21

Asi wi Lona may ka ŋgaambi, ka gam deɓ ana nammi Lona naɗi lay. Ni na ɗow saa masira mbuɗ ki giniŋi yal ka irisi oloɗi, saa masira mbuɗ ndufunu.

ROMMA 1:28

Asi ŋgel humusi ki kay min wi gasira vi Lonaraɗi. Ni nam Lona hinisi buɗi hu yal masi ma viɗ kina, dla mayra ka gin a liɗira asi mbuɗ laɗu.

EFESNA 2:12

Fali ndaɗta ni agi ay ki day eg Kristu, agi li ay ni ka suu vi Lonanaɗi, kini njaf suu daŋŋa, agi li ay ka duk galamba vi Lonara nam vi vunum kaɗ u suu mamsinaraɗi, agi li poyogi hu duliyara ni bay juɓpa bay Lona lay.

GA 8ATAMBARA 8:14

ŋgaagi tagi a maaragi ki kay Yawe Looginaɗi. Nammi sa ma cukugi ay ki hu mbassa Egiptera, hu sunda mbaɓurana.