SOOLLA 1:3 - Boy Lonana

³ Sa namma ni ko gu ma pii doŋ lummana na, nam vuɗ vuɗummi hu liim tew tew. Humum ka yak kiɗi lay, dlara nam a laɗta halaŋŋi nam faɗu.

SOOLLA 1:3 Iomraidhean Croise

URA TIN AYRA 39:23

Tlesuu ka ko Yosefna halaŋ sa ma ŋgol daŋgayna ka saa kasiɗi, kay Yawe ka u namu. Dlara nam laɗta halaŋ Yawe mbuɗuɗ ki jiviya.

URA TIN AYRA 39:3

Sa ŋgol mamma wi ana Yawe ka u namu, dlara nam laɗta halaŋŋi Lona paɗ vunna ki kaɗu.

2 MULINA 18:7

Yawe ay u namu. Dlara nam laɗta halaŋŋi nam faɗu. Nam mbuɗ yara u mul ma Asirina, min ka a hom yam kaŋga um oloɗi.

1 DLAŊ MULINARA 22:11

«Cecem wanda ɗaŋŋi ko Yawe li u aŋu, goronna, a aŋ min zira maŋ Yawe, Looŋŋa, u heɓpa ko nam ɓak ki kaŋga na.

1 DLAŊ MULINARA 22:13

Na ɗaŋŋi sun maŋga hin tuɗ foko lini aŋ gol u gaɗ ndaɗta a takaɗ ki kiɗiki, gaɗta u vun ma Yawe ɦam ka maŋ Moiz kay suu Israelnana. Li saɓaki, ɦiŋŋi, li ndaaɗi.

2 DLAŊ MULINARA 31:21

Hu li ma nam gijaŋŋa a min Ziŋ Lonara kira ni, nam hum u gaɗta vi Lonara u neemba halaŋ, nam so tam a wi minda vi Lonara. Nam li dla ndaɗta na ni u hurum halaŋ. Lona njun um hu dlaamba bel may.

2 DLAŊ MULINARA 32:23

Suuna ŋgol cocoo ɦal tlena ay Yerusalem maŋ Yawe, ɦal tlesuu puura maŋ Ezekiyas, mul ma Yudana lay, tin ay hu li namma na gaw ni, mbassa ŋguy kamba halaŋ ŋgaam cocoo.

JOB 14:9

Hu li ma yona hin tok a mbara ni nam gijaŋ ɓora. Nam ɗuf humba ko ndal gu ma goo tuna na.

JOB 22:28

Lini aŋ saa wa a li dlaa ni dla ndaɗta ndak liya. Kiɗikka hin mbuɗ weleɗ fokoŋ hu voɗ maŋga.

SOOLLA 128:2

Aŋ sa ma fi tiiŋŋa u saɓakaŋŋa furira ka kaŋu. Aŋŋi sa ma fi jivirana.

SOOLLA 129:8

Suu jak hu voɗtana ka di ana, «Yawe paɗ vunum ki kagi wa,» naɗi. Ami gaŋ deɓ u sem Yawe.

SOOLLA 92:14

Pii hu zi ma vi Yawena, asi ɗuf hu zira vi Looyginara.

SOOLLA 92:15

Lini asi ki mbuɗi maa lay ni asi ka vuɗ gak gak, Kay asi ka u mbirisi egesi, humusi ɗuffi tew tew.

EZAYI 27:11

Hu li gorgor ko guna so ki wa ni asi hin kusum kiyo. Boyogina hin ŋgalam kiyo. Na daŋ may suu asina ka wi dlara asi laɗtaɗi. Kay ndaɗta sa ma li dla ndaɗta ka wasi hahawasiɗi may. Sa ma lasina ka wasi hahawasiɗi.

EZAYI 3:10

Di ana, Sa ma ɗegeena kak u furira. Nam fi jivira kay dlara nam ka laɗ u bik komba.

EZAYI 44:4

Asi hin wul ko ndal tlesuu day hu li ma mbiira na. Ko tlesuu day fun mbo lumma na may.

EZAYI 58:11

Lini ki ŋgoo bagi duk gura lay, Yawe ni sa ma goloŋŋa, nam hin hoɓoŋ hayaŋu, ɦaŋ saɓakŋa. Aŋ hin mbuɗ ni ko sene ma malamma yorokom mbona um tew tewna na. Ni ko goloŋga mbii coco ta ka soɗira na.

JEREMI 17:8

Ni na lay kay ŋgusu ma pii fun mbona na, ma sii sariyam ha kaŋga duk mbonana. Nam ka wi faɗta egembi lay, humum warra na tew tew lay. Basara haw yona dew daŋŋi ka lam vaɗi. Nam ka seŋ duk bay vuɗtaɗi.

EZEKIYEL 17:8

Doliɗi ni ndaɗ ni hu sene ma jivina fun mbo ŋgolna may. Paɗ hu ni a ndaɗ ɗuf cocora, vuɗ vuɗta uɗ may, a li ni sene gugutlu ma jivi ɦayna.

EZEKIYEL 19:10

«Suŋŋi ko ndal gugutlu ma pi fun mbonana na. Ndaɗ vuɗ coco lay, humuɗ ɗufi jivi coco ɦay lay. Kay ana mbona uɗ ŋgol cocoo.

EZEKIYEL 31:5

Kay mbo may ma law umma, nam wul fiyek suu ndaryam ŋgusugi suu daŋŋa bel bel. Go gor kom dlaa dlaa seey coco lay.

EZEKIYEL 47:12

Hu doŋ lumma keŋem jakŋi ŋgusugi suu tira wuli hu cocoo, baɗasi zeɗ zeɗ halaŋ. Humusi ka yak kiɗi. Asi vuɗ cocoo, vuɗusi ne ni hu tilna dew dew halaŋ. Kay ana mbo ma col ay hu Ziŋ Lonara ka si usi tew tew. Asi tasi vuɗusi may, lasi humusi ni a kumuna gaw may.»

NDUMBA 24:6

Ziigi viira fun tam ko ndal mbo lumma ɓaɗta na. Ni ko ndal ŋgusugi suu zaari hu sene ma doŋ lummana na. Ni ko ndal gu ma Yawe u tamba pam doŋ lummana na. Ko gu ma yam ana sedre ma pii doŋ lummana na.

MATIYE 13:6

Faɗta ndi kaŋga nduh nduh ɗaŋi, nam hin ŋgal kiyo, kay sariyam ka kaŋga dayɗira.

MATIYE 21:19

Nam wi tulumma coli keŋ voɗta na ni, nam tuɗ umu ana nam hin fam vuɗum hu kalage. Gola ni humum ɦawaa. Nam gi vun maŋ tulum namma ana, «Aŋ wanni vuɗ oloɗi.» Tulum namma so ki gaw.

MATIYE 21:34

Tlesuu hu senena ndak a feɗta ndakŋi, nam sun suuna ana ŋgaam ii mamsina haa.

MATIYE 21:41

Asi hoŋom dira ana, «Suu co asina nam hin casi kiyo, ka wasi hahawasiɗi. Sene namma nam hin ɦam ki maŋ suu daŋŋa. Suu asina ni suu lam tlegeyem jivina nam fi usi mayna.»

Boy Ma Ayra Ma JAŊ Ɓiirimma 15:6

Sa ma ka taɓi u anɗi na, gam ha ki day. Ni ko gorgor gugutlura nam hin so kiyo. Gorgor gugutlura sooyra, yowoɗu, ŋgalaɗ ki kura.

GA 8ATAMBARA 28:8

«Yawe min ana veeri magisina heɓpa li kasiya, heɓpa li kay sunda agi laɗta halaŋ halaŋ. Nam paɗ vunum ki kagi hu mbassa Yawe Loogina ɦagira ka wanda.

Magaara JUD Ɓiiriɗta 1:12

Asi mba dukugi a ti ti ma wayara u agi ni ganagi yagi ni ganiya. Asi luu luu masina bay zolona, saa ni kay tasira doy hol, asi ni ko ɗugulla semeɗna valawaɗ ki bay si yonara na. Asi ni ko guguni suu ka vuɗɗina na, lini hu tilisi ma vuɗta lay ni asi ki ni ɦawaa, ko guguni suu paɗ ki kolo u sariyasi bel bel ki miɗina na.

WIRA ŊGAYRA 22:2

Ɓaɗ ha ki hu voɗta ɦoŋzi ŋgolnara lay keŋ mbo lumma jakŋi gu ma iirira ka coliya. Hu basara ni nam vuɗ doogo yam mba', tilna dew ni nam vuɗ dew may, humum a garaɗ suu tuguɗira kiyo.