SOOLLA 1:2 - Boy Lonana

² Na may nam minni gaɗta vi Yawera, saa kaɗ faali lay, njeŋge lay.

SOOLLA 1:2 Iomraidhean Croise

URA TIN AYRA 24:63

Fiɗigi taa dew Isaak kal ay ki a poy hu senena, nam tli irim gol ha na ni jamballa ka tuɗ aya.

EZDRAS 7:10

Ezdras gasi daŋ may ni ɦal hurummi a hal gaɗta vi Yawera, a takaɗ ki kiɗik, li uɗ may, a haɗ gaɗta u dlara jewra vi suu Israelnara.

JOB 23:12

An ŋgel gaɗta nam dandara kaɗi. Boy mamma halaŋ an ŋgayam hurunu.

SOOLLA 104:34

Ko sool manda li irim jiviya, ko Yawe van furi manda.

SOOLLA 112:1

Halleluya. Furira ka kay sa ma li ndaa Yawena u sa ma minim gaɗ mambana may.

SOOLLA 119:1

Furira ka kay suu poy masira jivina, u suu tuɗ u gaɗta vi Yawera.

SOOLLA 119:11

An ŋgayaŋ gaɗ maŋga hurun kurufuwa kay an ka li dla co egeŋgi.

SOOLLA 119:35

Tuɗun irin hu voɗ gaɗ maŋga, kay ndaɗ irin jiviya.

SOOLLA 119:72

Gaɗta kal ay ki funuŋga kan jivi cocoo su tlesuu lorra u gursura bolow lay.

SOOLLA 119:92

Lini gaɗ maŋga lan dlara jivira naɗi, ni an ki ginni baaya.

SOOLLA 40:8

Kay ndaɗta an di ana, «An wanni magaa maŋga ka takan u gaɗta kiyo.

SOOLLA 88:1

Soolla vi sa ma fok suu gi soollana, soolla haɗta vi goryoŋ Korena, gaɗ u diffa u suu vi Heman ma Ezrana.

JEREMI 15:16

Hu li ma an humuŋ boy maŋŋa wa gaw ni, an vam hurunu. Boy maŋŋa heɓen hurunu, mbuɗun hurun furi coco lay. Asi ɓakan ki u seŋ lay, Yawe Lo ma Saɓakŋa.

Boy Ma Ayra Ma LUK Ɓiirimma 18:7

Lona may ni ka njun u suu mam suu tii tasi egem tew tewna naɗi su? Nam vi yam a njunusira su?

Boy Ma Ayra Ma LUK Ɓiirimma 2:37

Njufuɗ miɗ ki miɗ ni, ndaɗ kak vaydegeɗ li basara na dok kalavandi yam fiɗi. Ndaɗ kak hu Ziŋ Lonara gak gak, ndaɗ cen Lona faali lay njeŋge lay, li laara lay.

ROMMA 7:22

Hurun anni an li furira kay gaɗ Lonara.

1 TESALONIKŊA 2:9

Gorsenna agi wi lay sun mamira u las mamira ami laɗ njeŋge lay, faali lay, ka a tin nek mamira kay saɗi. Ami dagi ni Boy ma Ayra vi Lona.

1 TIMOTE 4:15

Li jiviya a li sunda ndaɗta u voɗoɗu, ɦal taŋ ki na halaŋ kay suuna, kay suuna halaŋ wi ana dlaaŋga tuɗ foko.

2 TIMOTE 1:3

An gi deɓ Lona ma an ka sunumma u saara jivira ko somoyon suu jewna lira na. An gam deɓpa hu buuna tew tew hu li ma humun gan kaŋ hu cenda.

JOSUWE 1:8

Ka magaara gaɗta tuɗ ki funuŋ dayɗi. Aŋ hin hosokoɗ ni faali lay, njeŋge lay. Ni kay a li u tlesuu ɓiiri huruɗna halaŋ. Aŋ li wa na ni aŋ hin fi tlena hu iiri maŋga coco lay, dlara aŋ laɗta halaŋ aŋ ka puk hu taaɗi lay.

1 JAŊ 5:3

Gola minda aygi min Lonara ni ana aygi vam vun gaɗ mamba, gaɗ mamba ka kaygi loɓbi.