RUT Magaara Njaɗ Dlara vi Rut 2:8 - Boy Lonana

⁸ Booz di Rut ana, «Ndak hum ha su, goonda? Tuɗ a cil ɦele hu sene ma daŋ oloɗi, tin yak ki day eg sene ma wanna oloɗi, olo ndak mba taɓ tak u suu vo varanna dew.

RUT Magaara Njaɗ Dlara vi Rut 2:8 Iomraidhean Croise

2 MULINA 5:13

Suu sun mamsina ɦuɗ tasi ay egem njaɗam dam ana, «Bunu, lini sa ma jok vun Lona di ana aŋ li ni dlara sa ka laɗɗira lay ni aŋ ka laɗɗi su? Nam daŋ ɦawa na ana, tluɓ taŋ kaŋgaa aŋ hin garaɗ kiyo, ni aŋ ka liɗi su?»

DLAŊ LEVIRA 19:9

«Hu li ma aŋ a feɗ wana hu sene maŋŋa ni feɗem ki bel belɗi, aŋ ka hoŋ a cil ɦelena hu sene maŋŋa tokgi lay.

MATIYE 9:2

Asi mbaaram sa gugufura ay gani kay guna. Yesu wi ana hu suu asina tini kamu ni, nam di sa gugufura ana, «Goonna, so uŋ kiyo, cooŋga daɓ ki wa.»

MATIYE 9:22

Yesu pereɗ irim, waɗu, di ana, «Goonda, li ndaaɗi. Huruk ma tini kanna suɗuk ki wa.» Hu li namma busuna hiniɗ ki gaw.

FILIPINA 4:8

Gorsenna tin saa magira kay tlesuu jivina suu ndaki kay geleɗta na halaŋ, kay tlesuu gasina halaŋ, hoŋ yamba kaŋgara, ɗegeera, teteɗta, jivira u ŋgara halaŋ.

RUT Magaara Njaɗ Dlara vi Rut 2:7

Ndaɗ di ana, An min a cil ɦelena ugi tani. Ndaɗ mbay tani ni maɗii day ta ta cemi bay tuɗ vo a koɗ taɗ tuwa.»

RUT Magaara Njaɗ Dlara vi Rut 2:9

Sene ma asi feɗem wanna ndak hinim kiɗi, tuɗ kay ceresiya. An doo gorzoŋina kiyo, ka sa ŋgenekgi. Lini laara caku ni ndak tuɗ ci yona ay hu gegelna tana u yo ma asi goom ayna.»

1 SAMUEL 3:16

Heli yi Samuel dam ana, «Samuel, goronna.» Nam Samuel dam ana, «An wanni.»

1 SAMUEL 3:6

Yawe hin yi Samuel olo. Samuel col kolo tuɗ eg Heli dam ana, «An wanni kay ana aŋ yanu.» Nam Heli hoŋom dira ana, «An yaŋ kaɗi, goronna. Hoŋ buu kaŋgaa.»