RUT Magaara Njaɗ Dlara vi Rut 2:12 - Boy Lonana

¹² Ko Yawe hak warakŋa kay dlara ndak laɗ wanda. Ko warak makŋa halaŋ col ay ni ko Yawe, Lona vi suu Israelna, ma ndak mba hal li ma ŋgayra egemma.»

RUT Magaara Njaɗ Dlara vi Rut 2:12 Iomraidhean Croise

SOOLLA 17:8

Ŋgomon jiviya ko aŋ ka ŋgom wawal iriŋga na, ŋgayan ga u garaŋaŋu.

SOOLLA 19:11

Dlaamba jivi a su lorra, jivi su lor mayra ki yoori jivira lay. Dlaamba jeɓet a su mbul yumma, jivi su mbul yum ma se wilina lay.

SOOLLA 36:7

Ɗegee maŋga ni ko ɦinira vi Yawera na, ɓak ma aŋ kaamma ni ko zul ŋgolla na. Yawe aŋ suɗ suu warna u yoorina.

SOOLLA 57:1

Soolla vi sa ma fok suu gi soollana, soolla vi David, ɓalak va kiɗi. Nam gi sool ndaɗta ni hu li ma nam pii ki ko Sol, ŋgay tam ha gi hu zul ɦinirana.

SOOLLA 58:11

Suu ɗegeena hin furi cocoo hu li ma asi wi Lona saasi sukulusiya. Asi hin mbus sesi ki ni u busu suu cona.

SOOLLA 61:4

Kay aŋŋi sa ma an ŋgay tan egeŋŋa, aŋŋi gulumun ma ŋguy kanna.

SOOLLA 63:7

Kay lay man ma buuna an saa ni kaŋu, an yow lina coco a ceneŋga.

SOOLLA 91:4

Nam gi garaŋam kaŋu, aŋ ay ŋgay ga ni u garaŋamu. Ɗegee mamba ni mbari maŋŋa u ɓagi maŋŋa may.

VUN ŊGOLNA 11:18

Sa ma dlam cona fi ni warak ma um kaɗina, sa ma di dlara ɗegeera wi ki kam gasi ana warak mamma kaa.

VUN ŊGOLNA 23:18

Aŋ li wa na ni, balamaŋ ka hin ki ɦawaɗi, saa maŋga ka mbuɗ maŋiɗi lay.

JEREMI 31:16

Yawe ɓak anaba, Na ga della tii ka oloɗi. Ka simi li ii sa oloɗi. Sun makka ndak laɗta fi ni warak maɗna. Yawe di na. Asi mbay ni hu mbassa vi suu babalina.

MATIYE 23:37

«Yerusalem, Yerusalem, agi ci suu jok vun Lonna kiyo, suu Lona sunusi ayna, agi casi ki u gogoyra lay. An min a tokoŋ suu huruŋŋa egenu ko tlekka tok goryoɗ u garaŋaɗ nara yan gage? Aŋu, aŋ min kaɗi lay.

MATIYE 5:12

Furiyugiya, ayagiya kayme warak magina ha juɓugi kolo huulona. Asi las suu jok vun Lona ay fokogi jew ni na may.»

MATIYE 6:1

«Lagi tagi jiviya kay tlesuu agi lasi maŋ Lona fok suuna halaŋ, ana asi gologiya na. Agi li lagi ni ii suuna ɦawaa ni, ka fi va ko Bugi ma kolo huulonaɗi.

Boy Ma Ayra Ma LUK Ɓiirimma 6:35

Minigi suu babali magisina, lasi jiviya, ɦasi tlena, tin hurugi ana asi hin hoŋogisina ay ni saɓagera naɗi lay. Agi hin fi warakka ŋgolla, hin mbuɗugi ki goryoŋ Lo ma kolona. Nam li jivira maŋ suu hurusi cona u suu hurusi jivina lay.

KOLOSNA 2:18

Hinigi tagi a sa daŋŋa kaagi ɓakŋa kagi na gor gorɗi, suu furi kay dlara asi laɗ u tasira kiɗikka, hoŋ yasi kaŋga fok suu sunda huulona, ɦal ŋgolla maŋ tlesuu tak tasi irsina. Sa ma ko namma nana hurum oyra ni ŋga tara u dlaamba kaɗi, lini u saa mamba hurumba ɦawaa.

2 TIMOTE 1:18

Ko Bu Suuna ɦam oora, oora col ay ko Bu Suunara tew hu buu ma namma, aŋ wi gasi sunda jivira nam landa ay hu Efessa.

2 TIMOTE 4:8

Cecemmi warakŋa ka juɓunu, ni jumba mulla ɗegeera, Bu Suuna ma ɗegeena ma kaɓakŋa hin ɦanda hu buu namma, ka ɦanda ni man an dewɗi ni maŋ suu ka juɓum u minda hu buu ma nam hin hoŋ ayna halaŋ.

HEBRENA 11:26

Nam furi kay ŋgulla vi Kristu irim saɓak su begera Egiptera, nam saa mamba tini kay warak ma fokŋa.

HEBRENA 11:6

Bay vira sana ka gol ii Lona jiviɗi. Kay ndaɗta sa ma min mba eg Lonna vi ki kam ana Lona kaa, nam warak suu ka halamma.

HEBRENA 6:10

Lona ni sa ma ɗegeena. Humum ka maa kay sun magiraɗi, min magira agi takaɗta u sun magira agi lambara, agi laɗ maŋ gorsegi suu vina.

RUT Magaara Njaɗ Dlara vi Rut 1:16

Rut hoŋoɗ dira ana, «Ҥeɓen ɦeɓi kay a hinik kiraɗi, ka an tuɗ ha ki egek dayraɗi lay. Kay li ma ndak tuɗ huna an tuɗ ni hu may. Li ma ndak buu huna an buu ni hu may. Suu maksina mbuɗ ni suu mansina may. Lookŋa mbuɗ ni Loonna may.

RUT Magaara Njaɗ Dlara vi Rut 2:11

Booz daɗ ana, «Asi cuɗun dlara ndak laɗta ki halaŋ, dlara ndak laɗ ay eg kunukka hu li ma njufuk miɗ kina, ndak noy somoyok ki halaŋ, suk u buku hin mbas makka ndak vuɗ hura kiyo, tuɗ ki hu li ma ndak wam ka jew dewɗina.

RUT Magaara Njaɗ Dlara vi Rut 2:13

Ndaɗ hoŋ di ana, «Hinin an mbuɗ iriŋ hahawi, kay aŋ ɗilin irin wa, aŋ njaɗ boy ma heɓ huu caaŋga sunda wa. Na lay ni an ka ndak a mbuɗ ko caaŋga sunuŋga naɗi lay.»

RUT Magaara Njaɗ Dlara vi Rut 4:15

Nam hin ɗilik iriku, nam hin golok hu maa makka lay. Kay ana caakka minik ɦayra vuɗummi ndaɗu. Ndaɗ dew ni irik ni su gor suu kiɗisiyana.»

1 SAMUEL 24:19

Aŋ may ni karam aŋ tak jivira aŋ landa egenda ki kiɗikki. Ni kay ana Yawe ɦan ki koŋu. Aŋ may ni hin can ka kiɗi.

1 SAMUEL 24:20

Hu li ma sana ŋgaf tam u saam ma babalira wa ni nam hinim nam jak tuɗ mamba u heɓpa su? Ko Yawe ɦaŋ warakŋa kay dlara aŋ landa karam egen wanda.