NDUMBA 1:3 - Boy Lonana

³ Col ha kay suu basaɗasi tew ki dok-mbana, tuɗ ha fok na, suu ki ndaki a yow kawi ma duuna kosina halaŋ, ndumusi ki hu li duuna halaŋ, agi u Aaron.

NDUMBA 1:3 Iomraidhean Croise

2 SAMUEL 24:9

Joab ɦal ndum suu nam fasi ayna maŋ mulna. Suu Israelna halaŋŋi 800,000 suu duuna ndak a tli ŋgewnana, suu vi Yudana suuna 500,000.

1 DLAŊ MULINARA 5:18

Goryoŋ Rubenna, suu Gadna u nus njaf suu vi Manasena ni duk suu saɓak cocona, suu yow mbarina kosi u ŋgewnana, suu wi mun mburura haɗi ki u duunana 44,760, suu ndaki a tuɗ fun duunana.

2 DLAŊ MULINARA 25:5

Amasiyas tok suu hu mbassa Yudara egem halaŋ, tin mulina ki u deera zeɗ zeɗ bel, mul ma suuna um buɓma, ma suuna um kisna kay mbassa Yudara ura vi Benjaminda halaŋ. Nam ndum suu basaɗasi col ha kay dok-mba' tuɗ ha fok nana ki halaŋ halaŋ. Fi suu may suu wi dla duuna na 300,000 ni suu ndaki a yow ɓakina u mbarina kosina.

KALKIRA 12:17

Agi saa kay luu ma fu ma bay kuffa dukumma tew tew, kay hu buu namma ni buu ma an cukugi ɓagi magi ma duuna ki kiɗikŋa. Agi saa kay buu namma hu basara basara hani na gak gakŋi ka gaɗta ɗo ki dukgi.

KALKIRA 30:14

Suu ki ndaki a ndumbana col ha kay basara dok-mba' tuɗ ha fok na ni ɦal gursu namma maŋ Yawe halaŋ.

KALKIRA 38:26

Ndum ndaɗta ndi ni ko sana dew ni ɦal gram doonora ni vadlla na. Ni ana njufiina halaŋŋi 603.550 ni suu basaɗasi tew ki dok-mba' dok-mbana u suu su dok-mbana may. Ni suu sesi ki hu ndumbana halaŋ.

NDUMBA 14:29

Agi suu may suu ndumugi basaɗagi tew ki dok-mbana halaŋ hin miɗ ki ni ŋgoo bagi tani, maɗagi hin pi ni ŋgooro, agi suu gurni u senna halaŋ.

NDUMBA 26:2

«Ndum suu Israelna ki halaŋ halaŋ, col ha kay suu basaɗasi tew ki dok-mbana tuɗ ha fok na, suu ki ndaki a yow kawi ma duuna kosina.»

NDUMBA 3:15

«Ndum njaf suu vi Levina ki u ziisi halaŋ u deeresi halaŋ, aŋ ndum suu vi Levina suu njufiina col ha kay suu vuɗ li tilna dewna.»

NDUMBA 32:11

Suu asina halaŋ suu cuk ay ki hu mbassa Egiptera, col ha kay suu basaɗasi dok-mbana tuɗ ha fok na ni, lini nanagelay asi ka wi mbassa an vi vunun kaɗ a ɦaɗ maŋ Abraham, Isaak u Yakobpaɗi, kay asi min ka a li u boy mannaɗi.

NDUMBA 33:1

Gola ni tuɗta suu Israelna poy ŋgoo bagi hu li ma asi cuk ay ki hu Egipte, Moiz u Aaron ka tuɗ fokosina.

NDUMBA 4:3

Col ha kay suu basaɗasi dok-hindina tuɗ ha basara dok-vadl na, suu may suu ndaki a li sunda hu Mbutluɓ ma Tokkana.

GA 8ATAMBARA 24:5

Lini sana vi caamba ay wili wa, ni nam ka tuɗ asgaaɗi. Sa ka heɓem u saɓakgi lay, ta ta nam li basara dew vo eg caamba a furyuɗ huruɗta tuwa.

GA 8ATAMBARA 3:18

Hu li namma ni an gaɗagi ana, «Yawe, Loogina, ɦagi mbas ndaɗta ni namu. Agi suu gaaraŋ suu duuna halaŋ, calaɗagi lum ma Yurdaŋŋa u baraw ma duuna fok gorsegi suu Israelna.