MARK 3:5 - Boy Lonana

⁵ Yesu wasi na ni, hurum ɓeŋ ki gaw. Hurum haɗ kay nam wasi hurusi ma cona. Nam di sana ana, «Maɗ koŋ kiyo.» Nam maɗam kiyo. Kom mbuɗ ki jiviya.

MARK 3:5 Iomraidhean Croise

URA TIN AYRA 6:6

Yawe mbuɗ yoo tam ana nam cuk suu warna kay ndaŋgara na herekŋi amege?

1 MULINA 13:6

Mulna di sa ma jok vun Lona ana, «Heɓ huu Yawe Looŋŋa ha na heɓge, cen ha kanu, hinin a kon hoŋ cuk ki ga na cage.» Sa ma jok vun Lona heɓ huu Yawe ko mulna hin hoŋ cukka kaŋga may. Kom hoŋ ki balamam ko fok jewra na.

NEHEMI 13:8

Hurun ɓeŋ ki cocoo. An gijaŋ yow tlesuu hu zira vi Tobiyana cukusi ay ki kiɗik ɗaŋ.

SOOLLA 95:10

Basara na dok fiɗi ni asi ka li dlara u hurundaɗi, an di ana, «Suu asina ni suu ki baayna, asi ka wan voɗ mandaɗi.»

MATIYE 12:13

Yesu di sana ana, «Maɗ koŋ kiyo.» Nam maɗam ki na ni, kom mbuɗ ki jivi ko ma hiŋŋa na may.

MARK 3:4

Yesu joɓ suu golom ayna ana, «Gaɗ mayra di ana mege? Li jivira eg sana hu buu ma vi Lonna ɗowba lam cora egemba su? Suɗ sana kiyora ɗowba cam ki ci su?» Asi seŋ tasi na yerek yerek.

Boy Ma Ayra Ma LUK Ɓiirimma 13:15

Bu Suuna hoŋom dira ana, «Suu hurugi mbambana agiya, hu buu ma vi Lonna gegelay ni vi mbutl mamma ɗowba koro mamba a haɗ yona naɗi su?

Boy Ma Ayra Ma LUK Ɓiirimma 17:14

Nam wasi na ni dasi ana, «Tuɗ tak tagi ii muli suu li ɓivunna.» Asi cuk tasi hu voɗta na ni, mbuɗ ki jivi gaw.

Boy Ma Ayra Ma LUK Ɓiirimma 6:10

Nam golosi halaŋ hin di sana ana, «Maɗ koŋ ha kiyo.» Sana maɗ kom ki na ni, nam mbuɗ ki jivi gaw.

Boy Ma Ayra Ma JAŊ Ɓiirimma 9:7

«Tuɗ mbus iriŋ ay ki hu goloŋ ma yam ana Silowena,» (sem namma ni ana sun aya). Sa dugina tuɗ mbus irim mbusni, hoŋ ay na ni mbuɗ wi gaw.

ROMMA 11:25

Gorsenna gasi mayra ŋgayra an min ana agi waɗ kiyo. Tli boy namma kagi ko agi suu neeyna naɗi, suu Israelna suu ɦiw ni ndak ka a hum u boy nammaɗi, dla ndaɗta tuɗ ni na gak gak kay njaf suu daŋŋa mba fi suɗta.

2 KORINTNA 3:14

Yal masina ndak ay ka a hum u boy nammaɗi, hu li ma asi ndum galamba basira ni yam yal masina namma hoŋ kuluɓ olo gak gak karami asi bay wam tuwa, nam hin tak ki jivira ni ii sa ma taɓi u Kristuna.

EFESNA 4:18

Yal masina mbuɗi ndufunu iirira Lona haɗta ka hurusiɗi, kay asi halaŋ suu giniŋŋa hurusi ki sooy eŋe.

EFESNA 4:26

Lini hurugi mbuɗ ya wa ni, gol tagi jiviya kal tagi hu coraɗi, ɗik faɗta u yara hurugiɗi.

EFESNA 4:30

Lagi dlara Musuk Lonara teteɗta yoo uɗɗi, Musukka ni va ma Lona tinigina kagina, ndaɗ ni va ma Lona tinim a ŋga buu ma nam hin a mbuɗ suu mamsina ki pasiyakŋa.

HEBRENA 3:10

Ni kay ndaɗta an mbuɗ yara eg suu asina, an di ana asi ganyam tasi hu saa masira tew tew. Asi wan voɗ manda kaɗi.

HEBRENA 3:17

Suu huu Lona ɓeŋ egesi basara dok fiɗina ni suurage? Hurum ɓeŋ ki eg suu li cora, miɗ ki ŋgoo bagina.

HEBRENA 5:9

Hu li ma nam mbuɗ ki pasiyakŋa ni nam mbuɗ ni sa ma ɦal suɗta bay daɓpa, maŋ suu hum umma halaŋ.

WIRA ŊGAYRA 6:16

Asi di ɦinira ana, «Bow ay kamiya ŋgayami ki ii sa ma kaki kay dlamba mulla. Ha ki na day eg yara vi Goo Timiina.

SUU KAƁAKŊA 10:16

Asi njay loogi suu daŋ suu vo varasina kiyo. Asi gijaŋ a sun Yawe ma ka wi lassa vi suu Israelna u irimbina.

1 SAMUEL 20:34

Jonatan u hurumma yara col ki kolo fun tabulla, ti va ka hu buu ma vun tilna a mbaranaɗi, kay ana dlara vi Davidta tam tam cocoo kay ana bum ŋgulumu.