MARK 12:3 - Boy Lonana

³ Asi vam paɓ, poŋom taa taa, gam u kom ma vadlna.

MARK 12:3 Iomraidhean Croise

1 MULINA 18:13

Asi cuɗuŋ dla mayra saaŋ ma sunda laɗ hu li ma Jezabel ci suu jok vun Yawena kira kaɗi su? An ŋgay suu jok vun Yawe ki na kis, ɓorowosi irisi ki dok-vadl dok-vadl hu zul ɦinira. An ɦasi funa may, yona may.

1 MULINA 18:4

Hu li ma Jezabel ci suu jok vun Lona kina ni Obadiya yow suu jok vun Lona kis ŋgayasi kiyo, ɓorowosi irisi ki dok-vadl dok-vadl hu zul ɦinira, ɦasi funa may, yona may.

1 MULINA 19:10

Nam hoŋom dira ana, «Yawe Lo ma Saɓakŋa, an hurun miniŋ cocoo. An ka ndak a siɓ dlara suu Israelna laɗtaɗi. Asi bus galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

1 MULINA 19:14

Nam hoŋ dira ana, «Yawe, Lo ma Saɓakŋa, an hurun miniŋ cocoo, an ka ndak a siɓ dlara suu Israelna laɗtaɗi. Asi bus Galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

1 MULINA 22:27

Agi tuɗ dasi ana, Mulna ɓak ay ana gagi sa namma daŋgayna. Ҥammi u fu ma hin kina u yona may ta ta juɓ buu ma an hoŋ ay ki vo ɦawa va lan kaɗina tuwa.»

2 DLAŊ MULINARA 16:10

Aza hurum ɓeŋ eg sa ma jok vun Lona cocoo. Nam vam gam daŋgayna. Boy mamma ɓalakam hurum ki cocoo. Hu coki ndaɗta gaw ni Aza gijaŋ las suu vo hu mbas mambana.

2 DLAŊ MULINARA 36:16

Na may suu Israelna pan suu vun sunda, pan suu jok vun Lona lay, ka min a hum boy ma Yawe dammaɗi ta ta Yawe tak yaamba ki egesiya. Asi ka ndak a suɗ ki ko dlara oloɗi.

NEHEMI 9:26

«Na may asi mbuɗ ki honira, li yara u aŋu. Asi noyoŋ gaɗ maŋga ki ŋgoorosi dagan na day, asi ci suu jokoŋ vunuŋ kina, suu neesi ana asi hoŋ egeŋuna kiyo. Asi li suluk ma ŋgolona egeŋ cocoo.

JEREMI 2:30

An poŋogi goryogi ni a wassa. Asi ka humun haɗ mandaɗi. Ŋgew magira cagi suu magi suu jok vun Lona ko ndal dlo ma vi mburina na.

JEREMI 20:2

Na ɗaŋŋi Pasehur vi sa jok vun Lona, Jeremi, njunum ki eg guna fun grek ma vi Benjamin ma ŋgolna, ma hu vun Zira vi Yawera.

JEREMI 29:26

«Yawe tiniŋŋi namu balam mul ma li ɓivunna, Yoyada, ko ndal mul ŋgol ma li ɓivunna hu zira vi Lonara kay suu tuɗ kolo duk ɦawana a aŋ njunusi u galiina kaŋgaa.

JEREMI 44:16

«Gasi daŋ may aŋ dami boy namma ni u sem Yawe may, ami ka humuŋgi.

MATIYE 15:22

Cara kanaanda ka ɦoŋzi namma, mba eg Yesu, sawalla kolo ana, «Bu Suuna, Goŋ Davidna, wan hahawanna wi ge! Ful ma cona ka lasan goronda cocoo.»

MARK 12:2

Tlesuu hu senena ndak a feɗta ndakŋi, nam sun sana ay eg suu sunda ana asi ŋgaam ii mamsina aya.

MARK 12:4

Malaŋ senena sun sa daŋŋa na olo. Sa namma asi coom yam kam ɦooɗoɗ, karakam ŋgulla ha lay.

SUNDA 7:52

Suu jok vun Lona suu somoyogi lasasi kaɗina ni suurage? Asi ci suu di ki kay mbara vi sa ma Ɗegeena kiyo, Cecemi nam ma agi di kolokŋa kam cam kina,

1 TESALONIKŊA 2:15

Asi ni suu ci Bu Suuna Yesu u suu jok vun Lona kina, ni suu lasamina, asi ka ii Lona jiviɗi, asi gonokka u suuna halaŋ.