JONAS 4:2 - Boy Lonana

² Nam cen Yawe di ana, «Ҥii, Yawe ni boy ma an dam hu li ma an ay hu mbas mandanaɗi su? Kay ndaɗta an mbuɗ a pii ki a tuɗ hu Tarsis ni naɗi su? An wi ki jivi ana, aŋŋi Lo ma jivina ma wi hahaw suuna, huruŋ ka mbuɗ ya zakgi, huruŋ oy u dlara jivira, aŋ ndak hoŋ ay kay dlaaŋga aŋ daɗ a li cora eg sanara.

JONAS 4:2 Iomraidhean Croise

1 MULINA 19:4

Nam tamba tin irim ŋgoo bagi hu fulla, basa kay tuɗta. Nam tuɗ kak kaŋga u ŋgus guna ki vay dam na dew. Nam joɓmi miɗna gaw di ana, «Yawe an ka ndak oloɗi, tlan iiri manda kay an ka su somoyonɗi.»

SOOLLA 103:8

Yawe ni sa ma wi hahaw suuna u minda, nam ka mbuɗ ya na zakgi, nammi sa ma ɗegeena.

SOOLLA 145:8

Yawe ni sa ma jivi ma wi hahaw suuna, nam ka mbuɗ ya na zakgi, ɗegeera kom ŋgol cocoo.

SOOLLA 78:38

Lona ma wi hahaw suuna nam hin dlara casi kira tani bulumusi coosira kiyo. Nam tew tew ni heɓ yaamba gaa, nam ka tak yaamba ki kiɗik belɗi.

SOOLLA 86:15

May aŋ, Bu Suuna, Lo ma wi hahaw suuna, huruŋ ka ɓeŋ zakgi, huruŋ oy u ɗegeera u gasira,

SOOLLA 86:5

Bu Suuna, aŋŋi sa ma jivina, ma bulum cora kina, aŋ sa ma ɗegeena ka hum suu ka yaŋŋa tew tew.

SOOLLA 90:13

Yawe aŋ hin hoŋ ay ni saɓage? Wi hahaw suu maŋsina aya.

KALKIRA 32:14

Yawe hin hin dla mayra nam gin a ɓalak suu Israelna kira.

JEREMI 18:8

Lini suu asina hom ko dla cora an tinisira kasirawa ni, an hin ka lasi dla cora an a lasira gin egesira oloɗi.

JEREMI 20:7

Yawe, aŋ suun dlara ki kan u nunuh manda wa. Gasi an ay jew nunuh daŋ may. Aŋ ay saɓakŋa suun jew day faɗ ha ki u ndaɗta. Hu buuna tew tew ni asi mbuɗun ki va sanda, asi halaŋ pananu.

JEREMI 26:13

Cecem wanda mbuɗugi tuɗ magira u dlara agi laɗta ki zeɗ, humugi yira Yawe Loogina yagira, Yawe hin doo dla cora nam a lagira gin egegira kiyo.

JEREMI 42:10

Lini agi vi kagi a kak hu mbas ndaɗta ni an hin hoŋogi balamagiya. An hin ka paliyagi ki oloɗi, an hin hoŋogi balamagiya ka paɗagi kiɗi. An hin minigi ii dla cora agi laɗta.

AMOS 7:3

Yawe hin hoŋ tii tamu, «Dla ndaɗta ka liɗi.» Yawe di na.

AMOS 7:6

Yawe hin tii tamu, «Dla ndaɗta lay ni hin ka mba oloɗi.» Bu Suuna Loonna di na.

JONAS 1:3

Jonas col kolo colni pii tin irim ki hu ɦoŋzi ma Tarsisna a ŋgay tam ki day eg Yawe. Nam tuɗ ga hu Yoppe, tuɗ fi lum kawi ma asi minim a tuɗ Tarsisna huwa. Nam warak suu lum kawina, ful usi a tuɗ ki hu Tarsissa may. Ki day eg Yawera.

JONAS 3:10

Lona wi ana asi hom gasi kay dla coosira asi laɗta wani, nam col ka kay saa mamba jew nam a baasi kira oloɗi, nam hinisiya.

JONAS 3:9

Sa ndak wiɗi lini Lona hurum heɓa, hin mbuɗ hurum a hiniygi kalage, hu li namma aygi ka ndak a ba kiɗi.»

MISE 7:18

Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

Boy Ma Ayra Ma LUK Ɓiirimma 10:29

Mul ma wi magaara gaɗta a ɗoɓ boy mamma ii Yesura ni, nam joɓom ana, «Ndaranna ni gege?»

GA 8ATAMBARA 4:31

Kay Yawe Loogina ni Lo ma wi hahaw suuna, nam ka hinigi kiɗi, nam ka ɓalakagi kiɗi, humum ka maa kay Galamba nam vaɗ u somoyogiraɗi.