JOEL 2:3 - Boy Lonana

³ Kura ŋgal fokom may, ŋgorom dagan sin kura ŋgal may. Ndaŋgara fokommi ko ndal sene ma Edenna na ŋgorom dagan fulla ki ɓeŋira. Va dew lay ka suɗ kombi.

JOEL 2:3 Iomraidhean Croise

URA TIN AYRA 13:10

Lot gol com commi wi ana li ma ii Yurdanna jivi cocoo, yona ka ŋgolo. Jew mayra Yawe bay beŋ Sodom u Gomor ki tura, ni li namma ay ni ko sene ma vi Yawena ta ta Soar. Ni ko ndaŋgara Egiptera na may.

URA TIN AYRA 2:8

Yawe Lona hin tin senena hu mbassa Edenna u maɗiina kay a tin sa ma nam minimma huwa.

SOOLLA 50:3

Looygina ka mbaya, nam ka seŋ tambi. Kura ŋgolla ay ka fokomu, babaa ma ŋgolna ŋguyum yamu.

SOOLLA 97:3

Kura ka tuɗ fokomu, ndaɗ ŋgal suu babali mam suu ŋguy kamma ki halaŋ.

KALKIRA 10:15

Nam kuluɓ yam mbassa ki na halaŋ, mbuɗ lina ki ndufunda na gim. Nam ti usuna ki halaŋ ti vuɗ ŋgusi suu maa ka ko dlaŋmaginana ki lay, ŋgusugina hin halaŋŋi hum ka kasi oloɗi ki ni hu mbassa Egiptera halaŋ halaŋ.

KALKIRA 10:5

Nam hin cuk wanni aŋ ka wi yam ndaŋgara kiɗi u tlesuu hin ko dlaŋmaginana nam hin tasi ki halaŋ halaŋ, nam hin tagi hum ŋgusugi suu hu senenana ki halaŋ lay.

EZAYI 14:17

Ni ka sa ma mbuɗ ɦoŋzi ma ŋgolna ki ŋgoo bagiranaɗi su? Ni sa ma vi suuna daŋgayna ka hoŋosi vo oloɗinaɗi su?»

EZAYI 15:6

Mbo ma hu Nimrimma so ki halaŋ halaŋ, suuna kaɗi, usu ŋgolomma so ki lay, ka ɗuf oloɗi, va ma ŋgolom ka dew oloɗi.

EZAYI 33:4

Asi tok tlesuu hu jonana kay tasi ko baarina tok kay tasisra na. Suuna baɗ tasi kasi ko baa jeena piira na.

EZAYI 51:3

Na daŋ may, Yawe ɗil ii zi ma Siyonna wa, zi mamma ɓalak kina, nam soosi hurusi wa. Nam mbuɗ li ma ki duk gurana ki zina. Li ma haw yona nam mbuɗum ki a sene ma vi Yawena. Zi namma cemi oy u furira, hum hu ni soolla gi deɓpa u tlesuu luuna zeɗ zeɗ.

EZAYI 9:18

Yara vi Yawe, ma Saɓakŋa Kom Belna, ka ŋgal mbassa ki halaŋ. Suu warna mbuɗ ni a usu ma vi kurana. Sa ma ndak a suɗ wayam ki kaɗi.

EZAYI 9:19

Suuna ti ha gak may ni mayra ka hin ciraɗi. Suu bik gulna ti may, ka hoɓbi. Gegelay ni mbuɗ kommi tliw bikimu.

JEREMI 5:17

Asi ti ki ni tlesuu aŋ feɗesina, fuuŋa lay. Asi komoŋ ki ni goryoŋ suu njufiina u gorɓiina. Asi komoŋ ki ni yoori maŋ suu gorina u suu ŋgolona. Asi ti ki ni gugutlu maŋga u tulum maŋŋa. Asi tooŋ liiŋ ma saɓak ma aŋ saa ana aŋ ka kaki hurum u heɓpa hu li ma asi hin mbay u ŋgewegina na.

EZEKIYEL 36:35

Suuna hin ɓak kaɗ ana, mbassa sa li ka horok huɗira, mbuɗ ki ko ndal sene ma Edena ɦawa na. Ҥoŋzi ma li ki tooy kaŋgana, u zigini suu li ki tooyna mbuɗ mini saɓak cocoo. Suuna cuki hu lay.

AMOS 7:4

Gola ni dlara Bu Suuna, Loonna, takandara. Bu Suuna, Loonna, min a kaɓakŋa u kura ka ŋgal hu zul ŋgollara ta ka ŋgal yam mbassara.

HABAKUK 1:6

An wana, an yow suu Kaldeenna ay wa, suu dlasi co suu ŋguy yam mbassa a kak ki hu zi ma ka masinaɗi lay na.

ZAKARI 7:14

An torosi cukusi ha ki kay suu asi ka wasiɗina halaŋ. Bulum mbassa ka ki ŋgorosi dagan gaw may. Sa ka tuɗ duk ɦoŋga na cowcow oloɗi. Furira asi li laɗ kay ndaŋgarara mbuɗ ki yoora.»