JOEL 2:2 - Boy Lonana

² Ni buu ma ndufunda hin kuluɓ kay suuna, ni buu ma ɗugulla hin tin ay warra na ilik ilikŋa. Ko ndal ŋgarpira na tuɗ cuk kolo kay ɦinira, suuna bolowo, saɓak coco lay, ko ndal suu asina day day ni sa wasi ka dewɗira na, ko ndal ana ŋgorosi dagan wanni suu daŋ hin ka li oloɗira na, ta ta tew ha ki hu bassara vi njaf suu ay day dayna lay.

JOEL 2:2 Iomraidhean Croise

SOOLLA 10:6

Nam saa hurum ana, «Va ma ŋgenen kaɗi, dlara co ka mba kanɗi.»

SOOLLA 97:2

Ndufunda u ɗugulla ŋguy kamu, ɗegeera u gasira ni dlam mamba mulla.

KALKIRA 10:14

Jeena cuk ki kay yam mbassa Egiptera halaŋ, etl ki kay yam ndaŋgara halaŋ halaŋ. Jee namma ay jew dayra ni li ka na ɦoyɗi, ha fokka lay nam ka ndak a li naɗi lay.

KALKIRA 10:6

Asi hin oy ki vo hu ziiŋu hu ziŋ suu sun maŋsina, hu zina vi suu Egiptena halaŋ. Ni va ma buyuŋ ŋgolona u somoyoŋ lay wam ay ka jewɗina hu li ma asi ay hu duliyara dayna.» Moiz gi tam hoŋ ki dagan hin ziŋ Farawna.

KALKIRA 20:21

Suuna mol ha ki na day. Moiz ɦuɗ tam ha hu li ma ndufun coco ma Lona ka huna.

EZAYI 5:30

Hu buu namma ni asi hin yal suu Israelna cocoo. Vunna hin zam ko ndal mbo lum ma ŋgolna a zamba na. Asi hin gol ndaŋgara na ni ndufunda u yoora cocoo. Kiɗikka hin mbuɗ ki ndufunda u kuɗna cocoo.

EZAYI 8:22

asi pereɗ irisi ay ni ga kay ndaŋgarana ɗow, gola ni yoora u ndufunda, wihawra duk ndufundara may. Ni njeŋgera sana oy cocora.

JEREMI 13:16

Ŋgaagi Yawe Loogina jew bay nam kuluɓugi lina kagi ndufunda, jew bay segi daɓ eg tlesuu kolo mbuy suu ndufunda viɗisi ki irigiya. Agi juɓugi kiɗikka may, nam mbuɗuɗ ki ndufunda ci maɗna, nam tin ɗugulla warra ay koloo.

JEREMI 13:6

Buuna jak ki jivi yo ca, Yawe danu, «Aŋ tuɗ ɗiŋ mbo lum ma Farana kiyo, hoŋ gandi ma an daŋ ana aŋ ŋgayam ha huwana ay kiyo.»

YOORA 1:12

Dla li ka day day egegi agi suu tuɗ hu voɗtanaɗi, gologiya, wagi tiitara ko tiitaanda lan coco wanda, ta kora vi Yawe hu buu mam ma yara na.

EZEKIYEL 32:7

Hu li ma musukuŋ daɓ wa ni an hin kuluɓ huulona ndufunda, ciciwra mbuɗ ki ndufunda, an hin kuluɓ ɗugulla ki ii faɗta, tilna ka li kiɗik mamba oloɗi lay.

EZEKIYEL 34:12

Ko ndal sa ma taa yoorina gol yoori mamsina jivi hu li ma asi njay kina na hu li ma nam coli dukusina, an may ni hin gol yoori mansina, tokosi ay ki hu li ma asi ay ki njay huna duk li ma kuɗna gi lina ndufun cocona.

EZEKIYEL 38:9

Aŋ u suu maŋ suu duuna u suu taɓ ay ki uŋ bolow coco wanna, agi hin tuɗ dugusiya, ko ndal bil mbona kuluɓpa na. Agi hin dugusi mbas masira ko ndal ɗugulla a kuluɓ linara na.

DANYEL 12:1

Hu li namma mul ma ŋgol ma vi suu sunda vi Lona, Michel, hin col kolo yara, nam sa ma ka coli eg goryoŋ suu maŋsinana, li namma hin li ni li ma yoo tara, dla ndaɗta hin a lira ka bay li kay yam mbassa dew tuwa ta ta hu li namma. Hu li namma suu maŋsina hin suɗ kiyo, gegelay ma sem ka ɓiiri kaŋga hu magaarana.

DANYEL 9:12

Lona li ki ni dlara nam ɓakaɗ ki kamira, kay suu ti mulla kamina, hoŋomi dla cora ŋgolla ay kamiya, dla ndaɗta ka bay li hu li ma daŋ kay yam mbassa ko ndaɗ li hu Yerusalemba na tuwa.

JOEL 1:6

Suuna mba duu u mbas manda, suu asina saɓak lay, bolow coco lay. Siisi ko sii dlona na, kiriŋisi ko kiriŋ dlona na.

JOEL 2:25

An waragagi ki ni basara jufulna ti tlena kira, baara, boboŋora u baa jeena, suu man suu duu suu an cukusi ay kagina.

JOEL 2:5

Ni ko ndal pupus ma kulumina li vunna a ɗiŋ kolo kay ɦinirara na, ko ndal tlena mbassa mun duk ku zinara na, ko ndal suu saɓakŋa ɦayna colosi a duunara na.

JOEL 3:4

Faɗta hin mbuɗ ki ndufunda, tilna hin mbuɗ ki busuna may, hu buu ma Yawe mbana ma dlam ti tara ɦayna.

AMOS 4:13

Na ɗaŋŋi gola, sa min ɦinirana, sa li semeɗnana, sa ka tak dlara maŋ sa warna a nam laɗta, sa hu li ma ndufunna nam li kiɗikka layna, sa tuɗ kolo kay lii mbuy ma kay ndaŋgarana, nam yi sem ana Yawe, Lo ma Saɓakŋa.

SOFONI 1:7

Seŋegi vunugi fok Bu Suuna Yawe, kay Buu ma vi Yawena mba wa tok. Yawe ka li ɓivunna, nam hin paɗ vunum ki kay suu mamsina.

ZAKARI 14:6

Hu buu namma ni kiɗikka hin ka li oloɗi lay. Semeɗna u dlammagina hin ka ci sa oloɗi lay.

MATIYE 24:21

Hu buu namma suuna hin wi hawra, hahaw ndaɗta bay li hu duliyara dew tuwa. Hin ha fok lay ni, hahaw ndaɗta ka li na oloɗi lay.

MARK 13:19

Hu buu namma suuna hin wihawra cocoo. Wihaw ndaɗta ura tin ayra lay ni sa ka bay wihawra na tuwa. Wihawra ko ndaɗta na ka mba dagan oloɗi lay.

GA 8ATAMBARA 32:7

Humugi gagi kay buu ma ay ki fok jewna, joɓogi suu maarina kay dlara jak ay ki fokka, kay njafna tin ayna tuwa. Joɓogi somoyogiya, asi hin dagiya. Joɓ suu ŋgolo magisina asi hin dagiya.

HEBRENA 12:18

Agi ɦuɗugi tagi ko suu Israelna ɦuɗ tasi eg ɦinira a ŋgeneɗta naɗi. Ҥinira Sinayra u kura ŋgal cocora, ndufunda u babaa ma ŋgolna.

Magaara JUD Ɓiiriɗta 1:13

Asi tli tasi ni u bil yona ka hu lum ŋgolna na, asi li dlara zolona ko kuffa na, asi ni ko ciciwra li ma ndaɗ col huna kaɗira na, Lona cukusi hu li ma ndufun girmindiŋŋa a fafatɗa.

WIRA ŊGAYRA 9:2

Ciciwra mal vun zulla ŋgolla ki malni. Ndoosna cuk ay ki huwa, ndoos namma ko ndoos kura ŋgolla hu zulla gurmudira na. Fatɗa u huulona mbuɗ ki ndufunda ko ndoos ma ay hu zullana.