JOEL 2:12 - Boy Lonana

¹² Cecem wanda, Yawe di ana hoŋogi ay egen u hurugi halaŋ, u laara lira, u tiina, u yoo tara.

JOEL 2:12 Iomraidhean Croise

2 SAMUEL 24:10

David vun dikim gijaŋ ɓikim hu li ma nam ndum suuna ay kina. David di Yawe ana, «Ni suluk ma ŋgol ma an lamma. Cecem wanda ɗaŋŋi Yawe bulum cora vi saaŋ ma sundara ki bulumge. Kay ana an li dla ndaɗta ni ko sa puluɗina na.»

2 DLAŊ MULINARA 30:6

Suu vun sunda ŋguf yam mbassa ki u magaara mulna u suu muli mamsina ɓiiriɗta halaŋ ki u mbassa Israella ura Yudara bel. Dasi ko mulna dira na ana, «Suu Israelna hoŋ ay ki eg Yawe, Lona vi Abraham, vi Isaak, vi Israel. Nam hin hoŋ ay egegi may. Agi suu hin ka iiri tu suu suɗ ay ki ko mul ma Asirinana.

2 DLAŊ MULINARA 6:27

aŋ ay kolo huulona day ni, hum cenda vi suu maŋsina, bulum cora vi suu sun maŋsina suu Israelna kiyo. Aŋ hin takasi voɗta jivira asi a tlaɗta. Si mbona ay kay mbas maŋga, mbas mayra aŋ ɦaɗ maŋ suu maŋsina a jonara.

ESTER 4:16

«Tuɗ tok suu Juif suu ka hu Suzna halaŋ, lagi laara kanu, tagi vaɗi lay, cagi vaɗi lay buuna hindi, faaliɗi lay, njeŋgeɗi lay. An tanda u goryon suu gorɓiina, an hin li laara ni na lay. Kay ndaɗta ko gaɗta dira na ni an hin tuɗ eg mulna li ni an a miɗ ki lay ni an hin miɗa.»

KALKIRA 33:5

Yawe di Moiz ana, «Di suu Israelna, agi ni suu yagi kaɗina, kak na njokŋi an tuɗ ha dukugiya, An hin daɓagi kiyo, cemi cukugi baraw magi ma luuna kolo na halaŋ, An hin wi dlara dagirara tuwa.»

EZAYI 22:12

Hu buu namma Bu Suuna Yawe, ma Saɓakŋa Kom Belna, yagi ana agi tiira, yoo tagiya. Kaa yagi kiyo, njun baraw ma doona hurugiya.

EZAYI 58:4

Laara agi laɗta tuɗugi ni hu dlara honira u ciwayra na ɗow. Ta ta agi ci suuna poŋga u hurugi ma cona, agi ka li laara ko hu buuna dew a an humugi cen magira naɗi.

JEREMI 3:22

Hoŋogi aya, goryon suu noyon kina. An hin garaɗagi tuguɗi magira ki a fafaɗta. Ami wana, ami ni varaŋu. Gasi ni aŋ, Yawe, Loomina.

JEREMI 36:7

Kala li ni tii masina hin tew ki eg Yawe kala, a gegelay hom ki kay tuɗ mamba cora kay ana yara vi Bu Suunara ta nam a laɗ eg suu asinara ka ŋgol cocoo.»

JEREMI 4:1

Lini ndak hoŋ aya ni, ndak hoŋ ay ni egen anu. Yawe di na. Lini ndak yow zozot makka ki fokonu ni ndak hin ka poy na dadam oloɗi.

JEREMI 4:2

Lini ndak suu tak u iirira vi Yawera ni u gasira, ɗegeera u jivira, na ɗaŋŋi njaf suuna hin fi heɓpa u semu. Asi hin fi ŋgara ni umu.

EZEKIYEL 33:11

Dasi ana Bu Suuna suu tam u iiri mamba. Di ni Bu Suuna Yawe, an furi saɓaki ni kay miɗ ma vi suu li dla cora su? Ni na ɗow ana sa ma li dla cora mbuɗ poy mamba nam kak iiriya, hoŋogi aya hoŋogi ay hin poy magira cora kiyo, agi min a ba tagi ki ni kay mege, agi suu Israelna?

DANYEL 9:3

An pereɗ irin ay eg Bu Suuna Lona, tii tan fokomu, cenemu, li laara, cuk buɗna kanu, cuk baraw bolla egenu.

Magaara Vi Sa Jok Vun Lona OZE 12:6

«Yawe, Lona ma Saɓakŋa Kom Belna, Yawe» agi yammi ko wanda na.

Magaara Vi Sa Jok Vun Lona OZE 12:7

Aŋ may ni hin hoŋ ay vi Looŋŋa aŋ li u ɗegeera, teteɗta, tin saa maŋga tew tew kay Looŋŋa.

Magaara Vi Sa Jok Vun Lona OZE 14:1

Samari hin warakka, kay ndaɗ mbuɗ yara eg Looɗna, hin casi ki u ŋgewra, kemba vuɗ wilira hin njereɓesi kiyo, boyogi suu wiina hin coosi hurusi kiyo.

Magaara Vi Sa Jok Vun Lona OZE 6:1

«Mbaagi aya, hoŋoygi eg Yawe. Nammi sa dakaygi kina, nam hin ciliygi ki ni nam lay. Nam waɗaygiya, nam hin njunuygi mbiliygi ni nam lay.

JOEL 1:13

Njunugi doona hurugiya, tiirigiya, muli suu li ɓivunna, yoorogi tagiya suu ŋgal ɓivunna. Mbaagi aya, buurugi cukugi baraw bolna kagiya, suu sunda vi Loonna. Ɓivun u njaf wana u ɦalla sum veŋŋa ki noy hu zira vi Looginara.

ZAKARI 7:3

A joɓ muli suu li ɓivunna hu Zira vi Yawe ma Saɓakŋa Kom Belna u suu jok vun Lonana ana, «An tii ni tiiri hu til ma vadlna doo tan ki kay tlena ko an li dla ndaɗta ay ki jew basara bolowra na su?»

ZAKARI 7:5

«Di suuna halaŋ u muli suu li ɓivunna ana, hu li ma agi lagi laara u yoo tara hu til ma vadlna u ma kiɗisiyana ta ta basara dok kiɗisiyara na ni agi lagi laa ndaɗta ni kan ko su?

MALASI 1:9

Ŋgoo dagan ɗaŋŋi halagi dla mayra a heɓ huu Lona a nam waygi hahawaygira. Dla ndaɗta col ay ni kagiya, nam hin vagi u furira su? Yawe, ma Saɓakŋa Kom Belna, di na.

SUNDA 26:20

An gijaŋ boyna dira maŋ suu Damasna u suu Yerusalemma tuwa, ŋgoo dagan an di suu hu mbassa Yudera halaŋ u suu hu njaf ma daŋŋa ni na tuwa. U dira dasi ana jok hurusi ki zeɗta, mbuɗ irisi eg Lona a li sunda gasira tak ana hurusi ki joki zeɗta.

SUU KAƁAKŊA 2:4

Hu li ma sa sunda vi Yawe vunum ndi ga may ni, suu Israelna tum tiina na halaŋ halaŋ. Asi tii cocoo.

SUU KAƁAKŊA 20:26

Suu Israelna u suuna halaŋ tuɗ kolo hu Betel. Hu li namma asi mol ga tii fok Yawe. Asi li laara hu buu namma ta ta tew fiɗigiya. Asi li ɓivun ma ŋgalam ki ŋgalina u ɓivun ma daŋŋa zeɗ zeɗna, ɓivun ma mbaa heɓpa fok Yawe.

1 SAMUEL 7:3

Samuel di suu Israelna halaŋ ɗaŋŋi ana, «Lini agi hoŋogi ay eg Yawe ni u hurugi ma dewna ni agi noyogi loogi suu ɦawa suu varagina u loogi Astart kiyo, tinigi hurugi kay Yawe, agi sunummi nam dew nam hin ɓaɗagi ay ki ko suu Filistinna.»

1 SAMUEL 7:6

Asi tok tasi ki hu Mispa. Asi go yona ay voom kaŋga fok Yawe. Asi li laara hu buu namma hin di hu li namma ana, «Ami li sulukŋa eg Yawe.» Samuel kaɓakŋa kay goryoŋ Israelna hu Mispa.