JOEL 2:10 - Boy Lonana

¹⁰ Ndaŋgara dlak fokosiya, huulona dlak lay, faɗta u tilna mbuɗ ki ndufunda, ciciwra ka ɓo lina oloɗi.

JOEL 2:10 Iomraidhean Croise

SOOLLA 114:7

Ndaŋgara, dlak fok Bu Suuna kay nam ka tuɗ aya, fok Lo ma vi Yakobma,

SOOLLA 18:7

Hu yoo manda ni an yi Yawe, an sawalla kolo eg Lo manna. Ay hu ziimba day nam humun delenu, tii manna tew egemu cuk hurum wa.

EZAYI 13:10

Ciciwra huulonara ugi dumussa, ka li kiɗik masira oloɗi. Faɗta day ay ki kolo na ni mbuɗ ki ndufunda, tilna ka li kiɗik mamba oloɗi lay.

EZAYI 34:4

Faɗta tilna u ciciwra hin yak ki kaŋgaa, huulona hin ɗuɗ ki ko suuna a ɗuɗ dlaɗtara na. Tlesuu ay kolo huna yak ay ki ko ndal hum tulumma u hum gugutlura yak kira na.

EZAYI 5:30

Hu buu namma ni asi hin yal suu Israelna cocoo. Vunna hin zam ko ndal mbo lum ma ŋgolna a zamba na. Asi hin gol ndaŋgara na ni ndufunda u yoora cocoo. Kiɗikka hin mbuɗ ki ndufunda u kuɗna cocoo.

JEREMI 4:23

An gol ndaŋgara, ndaɗ mbuɗ ki fulla. Va ka kaɗɗi. Kiɗik mayra kolo huulonara daɓ ki lay.

JOEL 2:2

Ni buu ma ndufunda hin kuluɓ kay suuna, ni buu ma ɗugulla hin tin ay warra na ilik ilikŋa. Ko ndal ŋgarpira na tuɗ cuk kolo kay ɦinira, suuna bolowo, saɓak coco lay, ko ndal suu asina day day ni sa wasi ka dewɗira na, ko ndal ana ŋgorosi dagan wanni suu daŋ hin ka li oloɗira na, ta ta tew ha ki hu bassara vi njaf suu ay day dayna lay.

JOEL 3:4

Faɗta hin mbuɗ ki ndufunda, tilna hin mbuɗ ki busuna may, hu buu ma Yawe mbana ma dlam ti tara ɦayna.

AMOS 5:8

Nam li ciciwra, dumussa u tawla kadara, ma mbuɗ ndufunda ki kiɗikka vun maɗiirara, ma mbuɗ faalira ki njeŋgera warra, nam ma yi yo ma ay hu lum ma ŋgolna mba njayam ki kay yam ndaŋgarana, nam yi sem tam ana Yawe.

NAHUM 1:5

Ҥinira ŋgolora dlak komu, ɦinira gorira law ki lay. Yam ndaŋgara dlak kom lay, yam ndaŋgara u suu kaɗna halaŋ dlak komu.

MATIYE 24:29

«Ŋgoo wihaw ndaɗta dagan ni, faɗta hin mbuɗ ki ndufunu, tilna ka wi haɓ oloɗi, ciciwra hin yak ki kaŋgaa, saɓakŋa vi tlesuu huulonna hin geŋeɗa.

MATIYE 27:51

Baraw ma ŋgol ma jaki hu Ziŋ Lonara haa ki duk mba', col ay kay yam day, ndi ki kaŋga mbot mbot. Ndaŋgara dlak cocoo, ɦinira wak ki duk ŋguk ŋguk.

SUNDA 2:20

faɗta hin mbuɗ ki ndufunu, tilna mbuɗ ki tlaw ko busuna na. Tle asina li ki ni jew buu ma ŋgolna vi Bu Suuna na, ni buu ma ŋgolna u bibiŋilla.

WIRA ŊGAYRA 20:11

Ŋgoo dagan an wi dlamba haɓpa mulla ta ŋgolla, sa ma kaki kaɗna ndaŋgara u huulona yow liŋŋa fokomu, sa ka wasi u irim oloɗi.

WIRA ŊGAYRA 6:12

An gola ni wi Goo Timiina haw vun tampoŋ ma karkiyana ki hawni. Ndaŋgara wii wiira ŋgolla na gigik, fatɗa mbuɗ ki waraa na teb teb ko baraw ma warna na, tilna u tamba halaŋga mbuɗ ki tlawra ko busuna na.

WIRA ŊGAYRA 8:12

Ŋgoo dagan sa sunda huulona ma fiɗina bu dif mamma. Keŋ fatɗa maa dew ci kiyo, keŋ tilna na lay, keŋ ciciwra maa dew ki cii na lay. Ni keŋesi maa dew dewna ka li kiɗikka oloɗi. Buuna irim a ɓorow hindira ni keŋem ma dew ni ba kiɗik mamba kiyo. Njeŋgera iriɗ a ɓorow hindira ni keŋeɗ maa dew hin li na lay.

WIRA ŊGAYRA 9:2

Ciciwra mal vun zulla ŋgolla ki malni. Ndoosna cuk ay ki huwa, ndoos namma ko ndoos kura ŋgolla hu zulla gurmudira na. Fatɗa u huulona mbuɗ ki ndufunda ko ndoos ma ay hu zullana.