JOEL 1:9 - Boy Lonana

⁹ Ҥalla ɦawara u ɓivunna ki bulumi hu zira vi Yawera. Muli suu li ɓivunna u doona egesiya, suu sunda vi Yawe lay.

JOEL 1:9 Iomraidhean Croise

2 DLAŊ MULINARA 13:10

Lini amiya ni Yawe ni Loomina ami noyom ka kiɗi, muli suu li ɓivunna ka ni goryoŋ Aaronna u njaf suu vi Levina ka li sunda ni asiya.

KALKIRA 28:1

Tay wayaŋŋa Aaron ay egeŋ u goryom halaŋ duk suu Israelna kay a nam li sunda li ɓivunna. Aaron u goromma Nadab, Abihu, Eleazar u Itamar.

EZAYI 61:6

Agi tagira may ni suuna hin yagi ana, «Muli suu li ɓivunna vi Yawena.» Asi hin yagi ana, «Suu ŋgolo suu vi Loominana.» Agi hin ti begera vi njaf suuna ki halaŋ halaŋ. Agi hin ɦis tagi ki u tlegeyesiya.

YOORA 1:16

An tii ni kay boy namma. Irin simina u dlaɗ jak kay ana sa heɓen hurunna ha ki egen day. Sa hin ɦan saɓakŋana. Gola goryon ki ciya kay sa babalira ni ma saɓak cocona.

YOORA 1:4

Voɗta Siyonda mbuɗ ki hahawi. Sa ka mbay a li luuna huɗi. Vun zigini maɗsina ki ɓeŋŋi bel bel. Muli maɗ suu li ɓivunna ka yoo tasiya. Gorɓii maɗsina mbuɗ ki hahawra. Ni dla co me kasi na ɗaŋge?

Magaara Vi Sa Jok Vun Lona OZE 9:4

Asi hin ka mba sum veŋŋa ay a li ɓivunna maŋ Yaweɗi, ɓivun masi ma asi lamma hurum hin ka furiyumbi. Nam hin li kasi ni ko ndal fu ma tam u hahawrana na, suu tamma halaŋ hin mbuɗ ki njenjee, kay ana fuusi na hin ɦuɗusi iiri masira fokŋi namu, nam hin ka kal hu zira vi Yaweraɗi.

JOEL 1:13

Njunugi doona hurugiya, tiirigiya, muli suu li ɓivunna, yoorogi tagiya suu ŋgal ɓivunna. Mbaagi aya, buurugi cukugi baraw bolna kagiya, suu sunda vi Loonna. Ɓivun u njaf wana u ɦalla sum veŋŋa ki noy hu zira vi Looginara.

JOEL 1:16

Tlesuu tira ɓeŋ ki ni aygi wasi u iriygiɗi su, hu zira vi Yawera furira u fanira layɗi su?

JOEL 2:14

Sa wi ana nam li ka yoo tam tu olona ni gege, ŋgoo dagan wanni nam hin hin paɗvun mamma kay ɦalla ɦawara u ɓivun ma lira maŋ Yawe Loogina.

JOEL 2:17

Duk ɦoŋ vun goŋga u givin ma togolla, muli suu li ɓivunna u suu ŋgolo suu sunda vi Yawena tii tasi huwa. Asi di ana, «Yawe wi hahaw suu maŋsina, mbuɗ jooŋŋa ki zolonaɗi a suuna pan suu maŋsinaɗi. Ka a suuna di duk tasi ana Loosina ni arageraɗi.»