JEREMI 9:5 - Boy Lonana

⁵ Dlara yara ha kay taɗu. Ganyamba ha kay taɗu. Asi ka min a wanɗi. Yawe di na.

JEREMI 9:5 Iomraidhean Croise

URA TIN AYRA 19:11

Asi dug i suu moli fun zinana ki halaŋ kemba u suu ŋgolona lay asi hal vun zina ni ka fambi.

JOB 11:3

Boy ma aŋ ɓakam coco wanna ndak a seŋ vun suuna gaw su? Aŋ panni suuna min a sa takaŋ cooŋga kiɗi su?

JOB 15:5

Kay cooŋga ay huruŋga kal ay ki funuŋŋi ndaɗu. Aŋ ŋgay cooŋga ki u boy ma aŋ dam jivina.

SOOLLA 140:3

Ko suu di cora ki kan fokŋa, suu hal dlara duuna hu buuna tew tewna.

SOOLLA 50:19

Vunuŋ di ni boy cona sak sak, aŋ taɓ vunuŋ u suu kaboyna.

SOOLLA 52:3

Aŋ ŋga taŋ kay dla cora na ni amege, aŋ sa ma las suuna, jivira vi Lonara ka hu buuna halaŋ.

SOOLLA 64:3

Ŋgayan ki day ko suu dan ŋgeŋŋa kanna, ha ki day eg suu li dla cora suu ka gi gagara duk tasina.

SOOLLA 7:14

Nam ka min kawi ma ci maɗna, nam minni mbuuru mayra ŋgal zira.

VUN ŊGOLNA 12:5

Suu ɗegeena saa ha ni kay dlara jivira. Suu cona saa a li ni dla cora may.

VUN ŊGOLNA 4:16

Asi ka buu sen kaŋga bay li dla co ay kiɗi, bay asi a ndi sa ki ga na ba ni asi ka buu senɗi.

EZAYI 5:18

Hahawra ka kay suu taɗ coro usi ko suuna taɗ mbutli suu zumma nana. Asi taɗ ɓak ma kaay kasina usi ko ndal mbutlina taɗ pus pusna usira na.

EZAYI 57:10

Agi loɓ tagi a hal fulina cocoo, ka di ana agi loɓ waraɗi lay. Agi saa ana fulina hin ɦagi saɓak ma wilina, kay ndaɗta tagi ka loɓbi.

JEREMI 12:13

Asi zaa wa blena kaŋgaa, hin feɗ ni wayra. Asi loɓ tasi kiyo, hin ka fi va huɗi. Mbuɗugi ki zolona u tlesuu agi fasi asina, ni kay yara vi Yawera ŋgolla.

JEREMI 12:6

Gorseŋŋa lay, suu varaŋŋa lay, gasi asi lay gaŋ uŋ kiyo. Gasi asi lay sekeŋ suuna kaŋ bolowo, cukusi kay ceereŋu. Ne taŋ u asiya. Hu li ma asi ɓakaŋ jivira nana.

JEREMI 13:23

Sa warna ndak a mbuɗ bakka haɓpa egem su? Sindilna ndak a mbuɗ tlimiɗta ndalira ki zeɗ su? Agi suu haɗ ki u dla corana ndak a lagi dlara jivira su?

JEREMI 4:22

Gasi, suu mansina saarasi kaɗi. Asi ka wanɗi. Ni gor suu to'onosi kaɗina. Asi ka ndak a wi dla na ndeɗi. Asi yal coco kay a li dla cora, a li dla jivira ni asi ka wiɗi.

JEREMI 51:58

Na ɗaŋŋi Yawe, ma Saɓakŋa Kom Belna, ɓak anaba, gulumun ma ŋgolo ma vi Babilonna ki kaŋga tooya. Vun goŋga funumba ŋgalaɗ ki u kura. Suuna loɓ tasi ni ɦawa, njaf suuna loɓ tasi ni maŋ kura.

JEREMI 51:64

Aŋ hin di ana, Babilon hin bulum ki ni na, hin ka hoŋ kolo oloɗi ni kay dla cora an mbaaɗta ay kaɗta.» Boy ma vi Jeremina doɓ ki ni tani.

JEREMI 7:28

Aŋ dasi ɗaŋ, gologiya, suu ka hum vun Yawe, Loosinaɗina, ka li u gaɗ mambaɗina, gasira viɗ ki wa, ndaɗ bulum ki funusi wa.

JEREMI 9:3

Kakagi jejegee, gegelay ko tam u ndaram ma poy u namma. Ganagi yam tagi u sa wayagi ma dewɗi lay. Kay ana wayagi managelay juɓ mi a li dla cora. Sa poy u tagi managelay min hummi dla cora.

JEREMI 9:8

Ni an ka ndak a lasi dla cora egesiɗi su? Yawe di na. Ni an ka ndak a sa sugulun u suu ko asi nanaɗi su?

EZEKIYEL 24:12

Kura um coco lay ni coo mamba ka daɓ kiɗi, tuɗ ha ni fok na ɗow ɗow.

MISE 6:12

Ҥoŋzi ma suu begera hurumma li ni dlara saɓakŋa, suu hu zi nammana ɓakŋi boy ma ganyamba, ay funusi u sinisi ni boy ma viɗ suuna kina.

MISE 6:3

Suu mansina, va an lagina na ni mege? An loɓogi tagi ki ni u mege? Hoŋongi dira aya.

HABAKUK 2:13

Boy namma col ay ka ni ko Yawe, ma Saɓakŋa Kom Belnaɗi, su? Suuna loɓ tasi ni maŋ kura, njaf suuna li cora eg tasi ni ɦawaa.

MALASI 2:10

Aygi halaŋŋi buygi ka ni dewɗi su? Lo ma dewna laygi ka ni nambi su? Ni kay me huruygi mbuɗ ki cora eg taygi na halaŋ halaŋ a ɓeŋeygi banara vi somoyoygira ki ge?

EFESNA 4:25

Kay ndaɗta hinigi kaboyna kiyo, lini gegelay ni di gasira maŋ ndaramma kay aygi halaŋŋi hu mbalatara dewra.

1 TIMOTE 4:2

Asi hin viɗ tasi ki u humba hum u suu hurusi mbambana u kaboyna, ni wiisira fokka ki miɗiya, ko sa ŋgalaɗ ki ko kawina gi ay ki tlawra kuŋgura na.

SUU KAƁAKŊA 2:10

Suu basi asina halaŋ cuk ga u somoyosi wa, gor ŋgologi masi suu hin kana varak yow kolo ni asiya. Na may asina ka wi Yaweɗi, ka wi dlara mbuɗ mbuɗta nam laɗ ay u somoyosiraɗi lay.