JEREMI 9:4 - Boy Lonana

⁴ Gegelay ganyam ndaram ma poy u tasina, boy ma gasina ka oloɗi. Asi haɗ sinisi ki u dlara kaboyna. U ganyam masira asi ka ndak hoŋ ay oloɗi.

JEREMI 9:4 Iomraidhean Croise

URA TIN AYRA 32:28

Nam joɓ Yakob ana, «Seŋ ana mege?» Nam hoŋom dira ana, «Sen ana Yakob.»

SOOLLA 101:5

Sa ma tum u suuna ŋgay gumuna an hin seŋem vunumu. Ii mayra cora u huu ma mbambana, an ka min suu asinaɗi.

SOOLLA 15:3

Ni sa ma ka tum u saɗina, nam ka li dla co eg ndaram ma vok zinaɗi, nam ka ŋgul ndarambi.

VUN ŊGOLNA 10:18

Sa ma ŋgay gonokka hurumma ɓak dlara u ganyamba. Sa ma di dlara ŋgeŋŋa duk suuna ni sa ma laɓanna.

VUN ŊGOLNA 25:18

Sa ma di dlara kaboyna kay ndaramma ni ko ndal mbaɗagalla, ŋgew ma digina u mbuurura na.

VUN ŊGOLNA 4:16

Asi ka buu sen kaŋga bay li dla co ay kiɗi, bay asi a ndi sa ki ga na ba ni asi ka buu senɗi.

VUN ŊGOLNA 4:17

Asi ti ni fu ma kulum ay kulina, sum ma asi camma ni ma ɓaɗam ay fun dla corana.

VUN ŊGOLNA 6:16

Tlena ka na karkiya suu Yawe ka minisiɗina, ndak a li kiɗisiya suu ka gol irim jiviɗina.

VUN ŊGOLNA 6:19

Sa kaboy ma di dlara kaboyna kay suuna, u sa ma cuk suuna kel tasina.

EZAYI 59:13

Ami ŋgeleŋ vunuŋu, Yawe, ami ɓakaŋ dlaŋ ki cora, ami min ka a tuɗ uŋ aŋ Loominaɗi, ami ɓakŋi dlara ciwayra u aŋga, hiniŋ ha ki na day. Dlara ka hurumira u dlara ami saaraɗta halaŋŋi kaboyna.

EZAYI 9:16

Kay ndaɗta Bu Suuna ka wasi hahaw gorzoŋi masisinaɗi. Nam ka wi hahaw gor suu kuyuna u boyogi suu donoraɗi lay, kay asi halaŋ ka wi Lonɗi, ka li dla jiviɗi lay, vunusi halaŋ njaɗ ni dlara giniŋga. Na lay ni Bu Suuna hurum heɓ ka eg suu Israelna tuɗi, kom ka ki maɗii a lasasira tuwa.

JEREMI 12:6

Gorseŋŋa lay, suu varaŋŋa lay, gasi asi lay gaŋ uŋ kiyo. Gasi asi lay sekeŋ suuna kaŋ bolowo, cukusi kay ceereŋu. Ne taŋ u asiya. Hu li ma asi ɓakaŋ jivira nana.

JEREMI 6:28

Asi halaŋŋi suu ci suuna suu dlasi cona, li dla cora ɦay lay. Walakka u kawina, asi halaŋŋi suu ci suuna.

JEREMI 9:8

Ni an ka ndak a lasi dla cora egesiɗi su? Yawe di na. Ni an ka ndak a sa sugulun u suu ko asi nanaɗi su?

EZEKIYEL 22:9

Suu cuki huruŋŋa ka li ŋgeŋŋa kay tasi, ci suuna kiyo. Suu daŋŋa ka ti tlesuu li ɓivunna maŋ fulina kolo kay lii mbuyna. Suu daŋŋa li dlara zolona cocoo.

DLAŊ LEVIRA 19:16

Aŋ ka di ŋgeŋ kay wayaŋgi, di dlara co kay saaŋ ma vok zina a voom busuɗum kiɗi. Ni an, Yawe.

MALASI 2:10

Aygi halaŋŋi buygi ka ni dewɗi su? Lo ma dewna laygi ka ni nambi su? Ni kay me huruygi mbuɗ ki cora eg taygi na halaŋ halaŋ a ɓeŋeygi banara vi somoyoygira ki ge?

MATIYE 10:17

Lagi tagi jiviya. Suuna hin tuɗugi fun ɓakŋa. Asi hin poŋogi u balafna hu Zira Tokka.

MATIYE 10:21

«Hu li namma sana ɦal wayamma ki fun maɗna lay, bu goona hin ɦal goromma ki na lay. Kemba hin hoŋ irisi eg somoyosi a casi ki lay.

Boy Ma Ayra Ma LUK Ɓiirimma 21:16

Somoyogi u gorsegina hin ɦagi ki maŋ suuna ni asi tasira u banayagina hin ci maɗna ugi coco lay.

1 TESALONIKŊA 4:6

Kay dla ndaɗta ni sa ma li ganyamba u dlara co eg wayambi, suu li dla cora ko ndaɗta nana Bu Suuna hin kaasi ɓakŋa kasiya, ami dagi boy namma ki jew lay.