JEREMI 9:16 - Boy Lonana

¹⁶ Na ɗaŋŋi Yawe, ma Saɓakŋa Kom Belna, ɓak anaba, jokogi tagiya, mbaagi boyogi suu tiina aya. Yagi boyogi suu wi yal tiina ɦayna asi mbaya.

JEREMI 9:16 Iomraidhean Croise

NEHEMI 1:8

Humuŋ gaŋ kay boy ma u gaɗ maŋga saaŋ ma sunda Moiz dam ana, Lini agi ka li ɗegeeɗi ni an hin njayagi ki duk suunana.

SOOLLA 106:27

nam njayasi njafasi ki duk njaf suu ɦawana hu duliyara halaŋ. Nam casi ha ki duk suu ɦawana.

DI BOLLA 12:5

Suuna mbuɗ li ndaana ko li ma mbuy kolona, li ndaana a tuɗ hu voɗ ndaɗtara lay. Gu amandana ɓo may ni, baa jeena cuk ay ki coco may. Gu ŋgekŋa li oloɗi lay. Sana tuɗ ni hu ziim ma din dinna. Suuna tiirim ha ki hu voɗta na zeɗ zeɗ halaŋ.

JEREMI 13:24

An hin njayagi ki ko usuna na duk semeɗ ma hu fullana.

JEREMI 24:10

An cukusi ŋgewiina, baktarra u tuguɗi bora kasi ta ta asi bulum ki kay ndaŋgara an ɦasira ki u somoyosira.

JEREMI 25:27

Aŋ hin dasi ana, «Yawe, ma Saɓakŋa Kom Belna, Lona vi suu Israelna, ɓak anaba, Cagiya, guruɗugi tagi kiyo, vinigiya, pukugi kaŋgaa, ka cologi kolo oloɗi ko ŋgew ma an sunum ay dukugina.»

JEREMI 29:17

Na ɗaŋŋi Yawe, ma Saɓakŋa Kom Belna ɓak anaba, an hin cukusi ŋgewra, mayra u tuguɗi bora kasiya. An hin lasasi ko ndal tulum ma ki loɗina sa ka tam oloɗina na.

JEREMI 44:27

An irin ka tini kasi na ta a lasi dla cora egesira, ka lasi dla jivi egesiɗi. Suu Yuda suu hu Egiptena hin miɗ ki fun ŋgewra, mayra lay ta ta gasi njafasi kiyo.

JEREMI 7:29

Ŋgaɗagi tlimiɗ yagira ɓivunna, cukuɗ kiyo, gagi soolla hahawra hu voɗta kay ana Yawe noy njaf suu loɓom tam ki cocona kiyo.

JEREMI 8:19

Asi hum yira ndaana suu mansina yaɗ ay hu ndaŋgara dayra. Yawe ay ka hu Siyonɗi su? Mul mamma ay ka huɗi su? «Ni kay me asi lan dla cora egen u fuli masisina nige, u dla mayra bay uɗta col ay hu lii daŋŋarage?»

EZEKIYEL 11:17

Aŋ dasi ana, Bu Suuna, Yawe, di ana, an hin tokogi yagi ay ki duk njaf suuna halaŋ, an hin tokogi ki hu mbassa agi njay ha ki huruɗta, hin ɦagi mbassa Israella may.

EZEKIYEL 12:15

Asi hin wi ki ana anni Yawe, hu li ma an njayasi ha ki duk njaf suu daŋŋa zeɗ zeɗna. Hu li ma an mbeeresi ha ki duk suunana.

EZEKIYEL 14:17

«Ɗowba an di ana suu duuna cuk kay mbas ndaɗta, an di ana ŋgewna kal hu mbas ndaɗta ci suu warna u yoorina kiyo.

EZEKIYEL 20:23

Olo, an suu tan tli kon kolo ay fokosi ŋgoo bagi hu fulla ana, an hin njayasi ki duk njaf suuna, ki hu mbassa daŋga zeɗ zeɗ.

EZEKIYEL 27:2

«Goŋ sanna, humun vunun haa, gi soolla kay a tii ɦoŋzi ma Tirna.

EZEKIYEL 5:12

Keŋ suu magisina ma hindina hin daɓ ki miɗna ko tuguɗi mbogomma ɗowba mayra hin ndi kasiya. Keŋ ma hindi ma hin mba wanna, ŋgew ma duuna hin casi ki may. U suu hin hin ndena an njayasi ha ki duk njaf suu daŋŋa ni u ŋgewina kay ceeresi dagan hu may.

EZEKIYEL 5:2

Hu li ma buu maŋ ma ŋgaamma daɓ wa ni, aŋ ɓorowoɗ iriɗ duk hindi, keŋ ma hindina aŋ ŋgal tlimiɗ ndaɗta duk gayra huɦoŋzina. Aŋ yow keŋ ma hindi ma hin cuki mbana, kaasi ki uŋgewna ŋguy ki kay yam ɦoŋzina na cutl, u keŋ ma hindi ma hin koŋ daganna aŋ cukuɗ kolo duk semeɗna. Ŋgew namma an hin hoŋosina ni kasiya.

DLAŊ LEVIRA 26:33

Agi tagira may ni an hin dikigi ki duk njaf suu daŋŋa, suuna hin mun duuna u agiya, ɦoŋzi magina hin mbuɗ ki ni bagira, zina halaŋ hin hawaɗ kiyo.

AMOS 5:16

Na ɗaŋ, Yawe, Lona ma saɓakŋa, malanna, ɓak anaba, Hu lina halaŋ suuna yoo tasi hu voɗta halaŋ, asi hin di ana, Ҥii! Ҥii! Asi hin yi sa horokŋa ay hu li ma hahawra, hu li ma yoo tara suu yasi ayna hin yoo tasiya.

MISE 2:4

Hu buu namma asi hin njaɗ boy ma cona, asi hin gi soolla yoora, dlara ki liya. Asi hin di ana, «Ami halaŋ halaŋ ki ɓeŋiya. Asi ɦal tlesuu vi suu mansinana ki maŋ suu hiŋŋa. Dla ndaɗta li ni ana me asi tlanna ki konni ge? Asi ɓorowomi sene mamina ki maŋ suu ci suuna.»

ZAKARI 7:14

An torosi cukusi ha ki kay suu asi ka wasiɗina halaŋ. Bulum mbassa ka ki ŋgorosi dagan gaw may. Sa ka tuɗ duk ɦoŋga na cowcow oloɗi. Furira asi li laɗ kay ndaŋgarara mbuɗ ki yoora.»

GA 8ATAMBARA 28:25

Yawe hin mbuɗugi ni a suu paɗ liŋŋa fok suu babali masisina. Agi cuk ha ki a ŋgafasira ni hu voɗta dewra, hin njay kogi a liŋŋa ki ni hu voɗta zeɗ zeɗ kiɗisiya. Dlara lagi ndaɗta mbuɗ suu kay yam mbassa halaŋŋa ki ndaa cocoo.

GA 8ATAMBARA 28:36

«Yawe sunugi u mul magi ma agi tlam fokogina ha ki maŋ njaf suu somoyogi lay agi tagira lay ka wasiɗina. Ha hu li namma agi sunni loogi suu hawana, gugunina u ɦinira.

GA 8ATAMBARA 28:64

Yawe Loogina hin njayagi ki kay yam mbassa halaŋ, hu li namma agi hin sunni loogi suu ɦawa suu somoyogi lay agi tagira lay ka wasiɗi, gugunina u ɦinira ceɗira.

GA 8ATAMBARA 32:26

«An di ki u vun tanda ana an hin toosi ki ni na gelek gelek. An hin bulumusi sesi ki duk suu warna.

GA 8ATAMBARA 4:27

Yawe hin njayagi ki duk suuna, njafagi hin hin duk njaf suu hu duliyarna ni na ew daŋ. Yawe hin tuɗugi hu li ma nam min tuɗugi huna.

Magaara JAK Ɓiiriɗta 1:1

Ni an, Jak, sa ma sun Lona u Bu Suuna Yesu Kristuna. An gi deɓpa maŋ njaf suu doogo yam mba suu vi Lona suu njay ki kay ndaŋgara bel belna.