JEREMI 8:9 - Boy Lonana

⁹ Suu wi dlara viɗ ki lay. Asi bulum ki lay. Asi ki yowi daŋgayna lay. Asi noy boy ma vi Yawena kiyo. Na ɗaŋŋi va asi hin di ana asi yal cocoo u namma ni mege?

JEREMI 8:9 Iomraidhean Croise

2 MULINA 17:15

Asi noyom gaɗ mamba kiyo, noy galamba nam vaɗ ay u somoyosira ki lay. Gaɗta nam gasi humusi kaɗta, asi zaŋ irisi ni eg dlara uɗ kaɗira. Asi li ni ko njaf suu daŋ suu ŋguyusi wanna na. Doli ɗini Yawe neesi ki ana ka asi li ko suu asina naɗi.

JOB 5:12

Nam ɓalak dlara vi suu mbeleŋŋa kiyo. Dlara asi ŋga hurusi gin a laɗta hin ɓeŋ ki kosiya.

JOB 5:13

Nam vi suu wi dlara ni u daw masi ma asi gunumma tok. Gaɗ masira asi gaɗ suunara ka li va oloɗi.

SOOLLA 19:7

Ndaɗ col ay u lonara tin ayra, tuɗ ha ki u lonara do ayra, va ma hin ki bay faɗta tam kaɗi.

EZAYI 19:11

Muli suu hu ɦoŋzi ma Soanna saarasi jok ki cocoo. Suu ŋgolo suu lak eg mulna Faraw a neemma tok tasi lay ni ka ndak a li vaɗi. Agi hin a di Farawni ana mege? «Ana anni goŋ sa ma yalnana ni sa ma haɗina vi mulina na su?»

EZAYI 29:14

Kay ndaɗta an tuɗ fok a lasi dlara mbuɗ mbuɗta na gak gak. An wi kan ana yal ma vi suu wi yalnana ka oloɗi lay. Mbeleŋ ma vi suu wi mbeleŋŋa kaɗi lay.

EZAYI 43:27

Somoyogi suu jewna li cora aya, suu magi suu ŋgolona ci wayra u anu.

EZAYI 8:20

Dasi asi hum u gaɗta vi Lonara lini asi hum kaɗi ni asi hin ka wi kiɗikkaɗi.

JEREMI 15:6

Ndak noyon ki ni ndaku. Yawe di na. Ndak ɦan ŋgorok wa, an tli kon kolo kak a cak ki ni na may. An ɦuɗ buuna fok ŋgol cocoo.

JEREMI 19:7

Hu li namma an hin mbuɗ boy ma vi Yudana ki dlara bay uɗta, dlara vi Yerusalemba lay, an hin casi ki u ŋgewna fok suu babali masisina. An hin yow suu min a casi kina cukusisina kasiya. An hin ɦasi maɗasi ki maŋ layagi suu pii kolo huulonana u mburi suu kay ndaŋgarana a tiisina.

JEREMI 2:8

Muli suu li ɓivunna ka di ana, Yawe ni arageɗi? Suu ka u saɓak ma vi Lonana kosina ka wanɗi. Suu taa suuna mbuɗ yara u anu. Suu jok vun Lona ɓak ki ni u sem Baal. Asi liŋŋi u suu sunusi kaɗina.

JEREMI 49:7

Yawe, ma Saɓakŋa Kom Belna, ɓak kay Edom anaba, Na ni saara yalna ka hu Teman oloɗi su? Suu mbeleŋŋa saarasi geɗeŋga yal masina viɗ ki wa.

JEREMI 6:15

Asi ki viɗiya kay ana asi li dla cora. Na may asi ka min wi dla coosiraɗi. Asi ka saa kay dlara mbuɗusi ki zolonaraɗi. Na ɗaŋŋi asi hin puk ki kaŋga ko suu hiŋŋa na. Asi hin daɓ pukka kaŋga hu li ma an hin kaasi ɓakŋa kasina. Yawe di na.

JEREMI 6:19

Ndaŋgara hum haa, an hin mba dlara hahawra ay kay suuna, ni vuɗ dlaasira cora. Asi ka gol tasi jivi kay dlaandaɗi. Gaɗ manda asi ka li uɗɗi lay.

EZEKIYEL 7:26

Dlara hahawra u yoora zul ha kay taɗ ni zuli na ɗow ɗow. Boy ma wanna mba na ni, ma hiniŋŋa ay dagan gaw. Asi hin joɓ dlara ha fokka ko sa ma jok vun Lona. Muli suu li ɓivunna gaɗta vi Lonara viɗ ki irisi lay. Sa ŋgol ma gaɗ kemba ka oloɗi lay.

AMOS 2:4

Yawe ɓak anaba, Ni kay dla cora laɗ yamba hindira, kay dla cora suu Yuda suu yara laɗ yasi fiɗira, an ka col dukgi, kay ana asi noy gaɗta vi Yawera kiyo, li ka u gaɗ mambaɗi, kay ana kaboy masina viɗisi ki wa, suu may suu tli dlaŋ somoyosirana.

ZAKARI 13:4

Hu buu namma ni gegelay ma jok vun Lona hin mbuɗ ki zolona kay sun mamba hu li ma nam jok vun Lona tuna, nam hin ka cuk barawra taɗ tlimiɗta a mbaɗ suuna oloɗi.

GA 8ATAMBARA 4:6

Agi gol haɗ ndaɗta jiviya li uɗ may. Ni boy ma hin mbuɗugi neey may, mbeleŋ coco ii suuna mayna, asi hin ɓak kagi ana, «Suu bolow coco asina wanni yal ɦay, asi mbeleŋ coco lay.»

2 TIMOTE 3:15

Aŋ wi magaara gaɗta teteɗta ay ni u goo taŋ day, ndaɗ ndak a ɦaŋ nera a tuɗuŋ hu suɗta u vira aŋ vi u Yesu Kristura.