JEREMI 8:5 - Boy Lonana

⁵ Ni kay me na ɗaŋ ge, suu Yerusalem agina, viɗ tagi ki ŋgolla cocora u dla cora laɗta na ni kay mege? Asi vi vunusi eŋga kay saa masira bay uɗta, asi ka min a hoŋ ayɗi.

JEREMI 8:5 Iomraidhean Croise

VUN ŊGOLNA 4:13

Col seŋ eŋ kay haɗ maŋga, noyoɗ kiɗi, ŋgomoɗ jiviya, ndaɗ ni iiri maŋga.

EZAYI 1:20

Na may lini agi ŋgella, mbuɗ tagi a suu babalira ni, ŋgewna hin fagi may. Ni boy ma Yawe damma.

EZAYI 30:10

Asi di suu wi dlara ha fokka ana, «Wakiraɗi.» Maŋ suu jok vun Lona ana, «Agi jokomi dlara ɗegeeraɗi, dami ni dlara irimi jivira, dami ni dlara mbaɗ ii suuna.

EZAYI 44:20

Asi ni suu giniŋŋa, hurusi tini ni kay va ma ti ki buɗnana. Saa masira ka wi vaɗira, viɗisi ki wa. Asi ka buɗ kiɗi lay. Sa ma di ana, «Tlesuu kon wanna ni ganyamba ɦawaa,» kaɗi lay.

JEREMI 14:7

Lini suluk mamina ka kaami ɓakŋa kamiya, kay seŋ aŋ Yawe a fi ŋgara ni aŋ li ko aŋ minda na. Gasi ami ka bay hin tinda tin vunumi kaŋga ki tuwa, ami ki suluk fokoŋu.

JEREMI 2:32

Go tamara ndak maa tlesuu humuɗna ki su? Goora ki ɗumira ndak maa baraw maɗna ki su? Na may asi suu mansina maaran ki day day buuna bolow cocoo.

JEREMI 3:5

Nam ka coli u saɓak mamma tu su? Nam ka u yara hurum tu na gak gak su? Na may hu ɓak ma ndak ɓak nana ndak ka seŋ lira li coraɗi ni ndak hin fi ni jivi tarage.

JEREMI 5:27

Ko ndal kaalamba oyra u layaginara na, ziisi ki oyra u tlesuu ɦurumba ni na may. Ko ndaɗta na asi mbuɗ ŋgolora u begera kosi coco lay,

JEREMI 5:3

Yawe, iriŋ ka tinira ni a gol gasiraɗi su? Aŋ waɗasiya, va ka ŋgenesiɗi. Aŋ casi ki lay. Asi ka humuŋ gaɗ maŋgaɗi. Asi mbuɗ vogosi ki eŋga su gogoyra. Asi ka min a hoŋ ayɗi.

JEREMI 5:6

Na ɗaŋŋi dlo ma ay duk gura na hin vasi kiyo. Bosogo ma hu fullana hin komosi kiyo. Sindilna hin buu kaŋga ŋgoo ɦoŋziisina, hu li ma asi hin kal kina, nam hin palawasi kiyo. Kay ana yaasira wul ha fokŋi wuli na ɗow ɗow, dla coosira ka seŋ tuɗta tuɗ fokkaɗi.

JEREMI 6:17

An tin suuna a gologiya. Ko kaki jekjeke a hum del tokolomma. Na may ni asi di ana, «Ami ka gol tami jiviɗi.»

JEREMI 6:19

Ndaŋgara hum haa, an hin mba dlara hahawra ay kay suuna, ni vuɗ dlaasira cora. Asi ka gol tasi jivi kay dlaandaɗi. Gaɗ manda asi ka li uɗɗi lay.

JEREMI 9:6

Na ɗaŋŋi Yawe, ma Saɓakŋa Kom Belna, ɓak anaba. An hin yoorosi kiyo, hin saa kasiya. Aa, an a kaɓakŋa ni kay dla cora vi suu mansinara.

DANYEL 9:11

Israel halaŋ calaɗ kay gaɗta, mbuɗ irisi kiyo humuŋ deleŋ kaɗi. Na ɗaŋŋi, dla cora ɓiiri hu magaara gaɗta vi Moiz, sa sunda vi Lonana, ndi kamiya, kay ana ami li cora egeŋu.

Magaara Vi Sa Jok Vun Lona OZE 11:5

Nam hin ka hoŋ ay hu mbassa Egipteraɗi, Asiri hin li a mul mamma kay ana asi min ka a hoŋ ay egenɗi.

Magaara Vi Sa Jok Vun Lona OZE 11:7

Suu mansina taɓ tasi u suu ɓeŋesi kina. Asi ka yasi ay koloo. Asi may ni ko wanda na halaŋ ka min a col koloɗi.

Magaara Vi Sa Jok Vun Lona OZE 13:2

Cecem wanda asi ka tuɗ fok u cora lira. Asi min tlesuu yoo kina u doono masira u yal masina asi li fulina. Halaŋ ca ni tlesuu suuna ceɗesina. Suuna ɓak kasi ana, «Suu wara suu li ɓivunna, furi tasi u gor mbutli suu asi minisina.»

Magaara Vi Sa Jok Vun Lona OZE 4:16

Gasi, Israel yaɗ ay jew eŋ daŋ may, ko ndal mbutla ka min a sa tlaɗ va kaɗɗira na. Cecem wan daŋga Yawe hin cukusi kay haɗna ko ndal gor timigiina na.

ZAKARI 7:11

Na may asi tin humusi ka kay boy nammaɗi. Asi yow pel bikisi koloo, ŋgel humusi ki ka hum boy nammaɗi.

Boy Ma Ayra Ma JAŊ Ɓiirimma 5:40

U ndaɗta na lay ni, agi ka mba egen a fi iirira gasiraɗi.

1 TESALONIKŊA 5:21

Tukugi tlena halaŋ, lagi suu jivina.

HEBRENA 12:25

Gologi tagi jivi ɗaŋ humugi vun sa ma ɓakagina. Suu hum vun sa ma gaɗasi kaŋga kay ndaŋgara tani kay tlesuu kolo huulona kaɗina, suɗ kaki ko daŋgaynaɗi. Lini aygi hoŋoygi ki dagani ka hum vun sa ma ka ɓakaygi ay kolo daynaɗi, ni aygi ka suɗ kiɗi.

WIRA ŊGAYRA 2:25

Cologi eŋ hu va ma agi ka lamma na gak gak, juɓ buu ma an hin mbana tuwa.