JEREMI 8:22 - Boy Lonana

²² Kumu ma saɗam kay tuguɗira ay ka hu Galaadɗi su? Doktor ay ka huɗi lay su? Ni kay me asi wi mbil ma vi suu mansinana ay ka a cilim kiɗi ge?

JEREMI 8:22 Iomraidhean Croise

URA TIN AYRA 37:25

Ŋgoo dagan asi lak kaŋga a ti tlena. Gol irisiya ni suu Ismaelna tuɗ ay u jamballa na girkilik ay ii ma Galaadna na. Tlesuu asi yowosi ay kay jamballa a paarana ni tlesuu li mbul ma hisna u komona u daɓaŋga may, asi tuɗ tlesuu asina ni Egipte.

URA TIN AYRA 43:11

Busi Israel dasi ana, «Hin na ni lagi ko ndaɗta na. Yowogi tlesuu jivi suu hu mbas mayrana ha kogi a ɦasi maŋ sa namma. Tlesuu li mbul ma hisna nde may, mbul yumma nde may, u daɓaŋga may, u kumuna, u vuɗ guna, u tlesuu ɗus huu ziginina nde may.

JEREMI 14:19

Aŋ noy Yuda ki wa su? Aŋ ka min Siyon oloɗi su? Ni kay me aŋ waɗami u dla cora ka daɓbi lay ni ge? Ami juɓumi ni heɓpa may, ndaɗ ka mbaɗi. Ami juɓ li ma ami a fi garaɗta hurumma may ndaana mbay kamiya.

JEREMI 22:6

Gasi, Yawe ɓak kay zi ma vi mul ma Yudana anaba, aŋ li irinni ko Galaad na lay, ko ndal duk gura Libanda na lay, an ka saa kaŋ a mbuɗuŋ ki fullaɗi. Ҥoŋzi ma sa ka kak hurumbinaɗi.

JEREMI 46:11

Tuɗ hu Galaad hal kumuna go tamara Egipte. Ndak hal yal ma cil takŋa bolowra na ni ɦawaa, va cilik ki kaɗi.

JEREMI 51:8

Babilon kaf puka kaŋga na gaw ni, kus kiyo. Yoorogi tagi kaɗu. Doogi mbulna ii mbiliɗu, ndaɗ li hin suɗ kala.

JEREMI 6:7

Ko ndal doyra vi yona kolo huruɗta na ni ndaɗ ndak a ŋgay dla cooɗta huruɗu. Vo varaɗ ni ɓakŋi dlara saɓakŋa u ɦurumba. Ko ndaɗta na ni wihawra u yootara irin wasi na ni mbuɗ hahawra.

JEREMI 9:1

Li ni li ma buu ka gin kan hu fulla duk suu tuɗ koyra ni, an hin suu mansina ki huwa. Asi halaŋŋi suu li zoŋga, suu dlasi cona.

JEREMI 9:11

Lini sana wi yali ni, nam huma, ɓak dlara vun Bu Suuna dambara kiyo. Ni kay me mbassa ɓeŋeɗ ki nige? Ŋgalaɗ ki ko fulla sa ka jak huɗira na nige?

YOORA 2:13

Dlara hin a ɓakaɗ kakka ni tarage? Sa an hin ŋgaam u ndakŋa ni ge ɗaŋge Yerusalem ta jivira? Sa an hin ŋgaam u ndak a heɓek hurukŋa ni ge goo wayra, Siyon ta jivira? Kay ana tora took kira ŋgolla ni ko lum ma ŋgolna na. Sa hin suɗuk kina ni gege?

EZEKIYEL 27:17

Suu Yudana u suu Israelna hin li paara u agi lay. Asi hin gusugi tlegeyegi u wa blena, u mbul yumma u mbul conona u mbul ma his jivina may.

NDUMBA 32:1

Goryoŋ Ruben u Gadna u yoorina kosi bolow cocoo. Asi wi mbassa Yazerra u mbasssa Galaadta na ni ndaɗ irisi jivi kay yoori masisina.

Boy Ma Ayra Ma LUK Ɓiirimma 8:43

Cara fi busuna li basara doogo yam mba' u ndaɗu. [Ndaɗ ba tlena coco a hal kumuna, sa ndak ka a garaɗaɗ kiɗi.]