JEREMI 8:16 - Boy Lonana

¹⁶ Ay hu Dan day ni asi hum semeɗ ma u sem kulumi mamsinana. Bayra asi bayra ndaŋgara dlaka. Asi mbay ni a ɓeŋ ndaŋgara ki u tlesuu kaɗna, ɦoŋzina u suu hurumma.

JEREMI 8:16 Iomraidhean Croise

JOB 39:20

Aŋŋi sa ma lam a weɗ kolo ko baa njeena nana su? Gu digimba tii ha ɦirra mbuɗ sa ma babali mamma ndaana.

SOOLLA 24:1

Soolla vi David. Yawe, duliyara u tlesuu huruɗna halaŋŋi maŋsina, ndaŋgara u suu kaɗna halaŋ.

JEREMI 10:25

Aŋ hin yaaŋga li ni kay suu ka waŋgina kay suu ka yaŋ seŋgina, kay asi kul tlena vi Yakob kiyo. Asi cam kiyo. Asi daɓam dlam kiyo. Asi yowom tlegeyem kiyo.

JEREMI 3:24

Na may zolo ma ay kaygi u goora day na taygi sunda vi somoyoygira kiyo, yoori masi suu gorina u suu ŋgolona lay, goryosi suu njufiina u gorɓiina lay.

JEREMI 30:16

Na ɗaŋŋi suu caŋ kina hin casi ki may. Suu babali maŋsina halaŋ dukusi sa ka hin kiɗi, hin tuɗ ki ŋgayra. Suu ɦurumuŋŋa hin ɦurumusi ki may. Suu ɦurumuŋŋa halaŋ an hin suuna ɦurumusi ki may.

JEREMI 30:5

Yawe ɓak anaba, aygi hum tii ma hahawra. Ni dlara ndaana. Va jivi ka oloɗi.

JEREMI 4:24

An gol ɦinira, ndaɗ dlakka. Ҥinira halaŋ ki bulumiya.

JEREMI 4:7

Dlona hin kal ay ki hu zulumu. Sa ci suuna kina hin gi tam ki hu voɗta. Nam kal ay ki vo varam a mbuɗugi mbas magira ki hahawra. Ҥoŋziigina hin ŋgalam kiyo, ci suu hurusina ki may.

JEREMI 47:3

Vun ma sem kulumi mamsina lamma tay ndaŋgara kaŋga u keweɗ sesiya. Pupus mamma soo coco lay, sem li vunna ŋgolla coco lay. Somoyoŋ gorra hurusi ɓeŋi noy goryosi ki lay.

JEREMI 5:17

Asi ti ki ni tlesuu aŋ feɗesina, fuuŋa lay. Asi komoŋ ki ni goryoŋ suu njufiina u gorɓiina. Asi komoŋ ki ni yoori maŋ suu gorina u suu ŋgolona. Asi ti ki ni gugutlu maŋga u tulum maŋŋa. Asi tooŋ liiŋ ma saɓak ma aŋ saa ana aŋ ka kaki hurum u heɓpa hu li ma asi hin mbay u ŋgewegina na.

JEREMI 50:42

Asi yow gu mbuurura u saɓina ay kosiya, asi ya cocoo ka wi hahaw saɗi. Vun ma asi lamma ni ko ndal mbo lum ma ŋgolna soora na. Asi ful ay kolo kay kulumina. Asi ay njaari fun tasi ko ndal suu duuna tuɗ li yara na. Asi tuɗ duu ni u ndaku, Babilon ta jivira.

JEREMI 51:29

Ndaŋgara dlakka gijaŋ luu njoŋŋa hu li ma ɓak ma vi Yawe ma kay Babilonna gijaŋ lirana, mbuɗ mbassa Babilonda ki li ma ki kiɗik ma hahawra, suu hurumma ki ciya.

JEREMI 6:23

Asi yow gu mbuurura u saɓina kosiya. Asi suluk cocoo, ka wi hahaw saɗi. Vun ma asi lamma ni ko ndal mbo lumma ŋgolna soora na. Asi fuli kolo kay kulumina, asi njaari fun tasi ko ndal suuna njaa a duuna u ndak Siyon, ta jivira na.

NAHUM 3:2

Balafna ka tiira, sem tlena ka li vunna hu voɗta, kulumina ka jaŋa, pupusna ka soo hu voɗta na ɦur.

HABAKUK 3:10

Ҥinira waŋ na ni, li ndaana, voɗ mbo ma jakka, zul yona wak voɗta, nam maɗ kom kolo huulona.

1 KORINTNA 10:26

Ko magaara dira na, «Ndaŋgara u tlesuu kaɗna halaŋ ni vi Bu Suuna.»

1 KORINTNA 10:28

Lini sa daŋ wa ana, «Tliwna wanni tliw ma ɓivunna,» ni aŋ tiɗi, kay boyna vi sa daŋŋa, kay saara lay.

SUU KAƁAKŊA 18:29

Asi jok sem zi ma asi yam jew ana Lais namma ki ana Dan u sem busi ŋgolo ma goŋ Yakobma.

SUU KAƁAKŊA 20:1

Suu Israelna halaŋ ko ndal sa ma dewna na cuk ay ki tok tasiya col ha Dan ta ta Berseba u suu hu mbassa Galaadta halaŋ fok Yawe hu Mispa.

SUU KAƁAKŊA 5:22

Sem kulumina soo ga jaŋŋa giɗibik giɗibik. Asi jaŋa, jaŋ yow piira hin pupusna duk lubuna.