JEREMI 8:12 - Boy Lonana

¹² Asi ki viɗiya kay ana asi li dla cora ɦay, may asi ka mbuɗ zoloɗi, asi ka saa kay hahaw masiraɗi. Na ɗaŋŋi asi hin puk ki kaŋga ko suu hiŋŋa na. Hu buu ma kaɓakŋa ni asi hin ka fi sesi ma collaɗi. Yawe di na.

JEREMI 8:12 Iomraidhean Croise

URA TIN AYRA 19:34

Vin maɗiira ni ta ŋgolla dira goora ana, «An buu ka u bunu. Ҥayna summa olo ndak tuɗ buu karam njeŋge u namu. Kay a ɗok njaf buya ka njaf buy ndi kiɗi.»

SOOLLA 52:1

Soolla vi sa ma fok suu gi soollana, soolla haɗta vi David.

SOOLLA 52:7

Kay ndaɗta Lona baaŋ kini a fafaɗta, nam dikiŋ ay ki hu ziiŋŋa, nam dikiŋ ki hu ndaŋgara suu iirina ka hura.

EZAYI 24:2

muli suu li ɓivunna ni ko suu belna na lay. Malaŋ zina ni ko saam ma sunda na lay, cara ni ko gora sunuɗta na lay, sa ma gus tlena kina ni ko sa ma mba gus komma na lay, sa ma ɦal tlena kina ni ko sa ma mba ka vana komma na lay, malaŋ vana ni ko sa ma bal mamma kamma na lay.

EZAYI 3:9

Irisira golla ka takasi coosira kiyo, asi tak dla coosira ki ko suu Sodomma na, asi ka ŋgayaɗi. Hahawra kasiya, asi mba dla cora kasi ni kay tasiya.

JEREMI 10:15

Ni dlara bay uɗta, ni tlesuu luuna hu buu ma kaɓakŋa ni asi hin miɗ kiyo.

JEREMI 14:15

Ni kay ndaɗta, Yawe ɓak anaba, «Kay suu jok vun Lona suu ɓak ki u senna ni, an sunusi ha ka ni anɗi, ko asi saa ana ŋgewra u baktara hin ka mba kay mbas ndaɗtaɗi. Gasi an hin ci suu jok vun Lona suu asina ki ni u ŋgewra u baktara.

JEREMI 23:12

Na ɗaŋŋi voɗ masira mbuɗ ki goloɓoɗta. Asi viɗ tasi ki duk li ma ndufunna. Asi puk kaŋgaa. An mbaasi dla cora ay kasi hu basara asi hin ɓak dlaasira kira. Di na ni Yawe.

JEREMI 3:3

Yo lo ma si ŋgolona doorom ki kak wa. Lo ma si ŋgoo daganna ka mba oloɗi. Na may ndak su vunna u yamba eŋga a li gawlaŋŋa ka vi dla cookka kakgi.

JEREMI 44:10

Ta ta karam lay ni asi wi dlara hahaw ka egesiɗi. Asi ka wi yal ma ŋga suunaɗi, asi ka tuɗ u gaɗtaɗi lay, yal ma an takaginana lay, takam maŋ somoyogina lay.

JEREMI 6:15

Asi ki viɗiya kay ana asi li dla cora. Na may asi ka min wi dla coosiraɗi. Asi ka saa kay dlara mbuɗusi ki zolonaraɗi. Na ɗaŋŋi asi hin puk ki kaŋga ko suu hiŋŋa na. Asi hin daɓ pukka kaŋga hu li ma an hin kaasi ɓakŋa kasina. Yawe di na.

JEREMI 6:21

Na may ɗaŋŋi Yawe ɓak anaba, an tin dlara vi yamba fok suu asina. Asi hin puk kaŋga u dla ndaɗta. Gorra u somoyosi lay halaŋ. Suu vok zina u asina, suu ndaryasina lay hin miɗ kiyo.

EZEKIYEL 23:18

Ndaɗ fok baraw maɗ ma baari kaɗna kiyo, hin taɗ ki siiliya, li taɗ ki gawlaŋga. Ndaɗ mbuɗ ka irin jivi oloɗi, ko ndal wayaɗta li wandara na olo.

Magaara Vi Sa Jok Vun Lona OZE 5:9

Efrayim hin mbuɗ ki ni jona hu buu ma kaɓakŋa. Duk ɦoŋ njaf suu Israelna an dagi ni dlara gasira.

SOFONI 3:5

Yawe ka hu ɦoŋzina, nam li ɗegeera, ka li coɗi. Maɗii tew tew nam ka kaɓakŋa, hu buuna tew tew nam ka li va ma coɗi. May sa ma cona ka wi zolonaɗi.

GA 8ATAMBARA 32:35

Sa sukulna u warak ma warak sana ni kon anu, cemi ni li ma col sesi huna ka tuwa, buu masi ma yoora hinni na tok daŋ. Dlara miniɗ ka ki kasira ka a juɓ ta ta oloɗi.»

FILIPINA 3:19

Daɓ masira ni ɓalakka, loosina ni ɦayasi gaw, asi ŋga tasi ni kay dlara zolona, saa masira ni kay tlena vi duliyara.