JEREMI 8:10 - Boy Lonana

¹⁰ Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

JEREMI 8:10 Iomraidhean Croise

JOB 31:10

na ni ko caanda mbuɗ luɗ ni wa ma vi sa daŋŋana, ko sa ma daŋŋa buu u caanda,

EZAYI 28:7

Muli suu li ɓivunna u suu jok vun Lona viɗ ki u sum ma cira ni na lay. Asi daw kolo ni ka wi li ma asi tuɗ hunaɗi. Sum ma cira viɗisi ki wa, asi mbuɗ ki ni mborɓi summana. Wiisira ha fokka viɗ ki irisi lay. Hu li ma asi a di dlara ni ka di jivi oloɗi daɓ sesi wa.

EZAYI 57:17

An mbuɗ egesi yara ni kay dla coosira asi laɗta, an casi ni kay ndaɗta, asi may ni yasi hu voɗ masira co ndaɗta na gak gak.

JEREMI 14:14

Yawe hoŋon dira ana, «Dlara suu jok vun Lona ɓakaɗ u senda ki ni coo. An cukusi ay ka ni anɗi. An joɓosi va kaɗi lay. An dasi dla ha kaɗi lay. Wiisira ni ta kaboyna. Asi di ni boy ma um kaɗina. Dlara njaɗaɗ u yasira, dlara asi faɗ kolo duk ganyam suuna u ndaɗta ni boy ma asi ɓakamma.»

JEREMI 14:18

Lini an tuɗ hu senena lay, an fi suu casi ki u ŋgewrana. Lini an tuɗ ni ɦoŋzina lay, an fi suu mayra casi kina lay. Suu jok vun Lona u muli suu li ɓivunna ŋguy hu mbassa lay ka wi u boy kosiɗi.

JEREMI 17:11

Ceke mayra buu kay se ma ndaɗ gam kaɗi layna, ni sa ma ci suuna ki bay dlara kosina, tew hu buu mamma dukka gayra may ni bege mamba hin ka li kom oloɗi. Nam hin hoŋ ki dagani, mbuɗ sa bay vana komma.

JEREMI 22:17

Iriŋ u saaraŋ tinira ni kay li ma aŋ a fi tlena huna, a vo busu sa ma li va kaɗina ki kaŋga lay. Li dlara eg suuna u saɓakŋa bay saara lay.

JEREMI 32:32

Ni kay dla cora suu Israelna u suu Yudana laɗta. Asi ɓeŋen hurun kiyo. Asi lay, muli masisina lay, suu masi suu ŋgolona lay, muli suu li ɓivunna lay, suu masi suu jok vun Lona lay, suu vi Yudana, suu Yerusalemma lay.

JEREMI 38:22

Boyogi suu hu taraŋgana halaŋ halaŋ mbay fok ŋgol asgaa ma vi mul ma Babilonna, asi dam ana, Asi ganaŋ yaŋu, asi tew ki fun daɓ masira wa suu miniŋ ɦayna. Gayaŋ ka ŋgaa kaŋga duk luɓuna, asi may ni ka ŋgay tasiya.

JEREMI 42:1

Na ɗaŋŋi suu ŋgolo suu fok suu duunana halaŋ, Yohanan, ma goŋ Kareana, may, Azariya, ma goŋ Hosayana, u suuna halaŋ, kemba u suu ŋgolona ɦuɗ tasi ay

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

YOORA 4:13

Ni kay dla cora vi suu maɗ suu jok vun Lona, ni kay dla cora vi muli maɗ suu li ɓivunna suu vo busu suu ɗegeena ki kaŋga huruɗna.

EZEKIYEL 33:31

Suuna hin tok ay cocoo. Asi hin mba mol fokoŋu. Asi lak fokoŋ a hum dlara aŋ hin dasirara. Na may asi ka ndak a li uɗɗi. Boy maŋŋa kal humusi jivi cocoo, may hurusi ki tinira ni kay ɦizza.

AMOS 5:11

Na ɗaŋŋi agi yowogi tlesuu vi sa maŋinana kiyo, agi yowom ii waam ma ki lay. Zigini mam suu mini u gogoyra ceɗirana agi hin ka kak huɗi. Ŋgus gugutlu mayra jivira agi paɗta hin ka cagira sumuɗɗi.

MISE 2:4

Hu buu namma asi hin njaɗ boy ma cona, asi hin gi soolla yoora, dlara ki liya. Asi hin di ana, «Ami halaŋ halaŋ ki ɓeŋiya. Asi ɦal tlesuu vi suu mansinana ki maŋ suu hiŋŋa. Dla ndaɗta li ni ana me asi tlanna ki konni ge? Asi ɓorowomi sene mamina ki maŋ suu ci suuna.»

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

MISE 3:5

Yawe di suu jokom vunumma, suu viɗim suu mamma kina ana, «Na ni asi ndak a fi heɓpa hu li ma siisi ka hal suuna a eɗta may su? Sa ma ka tinisi va funusiɗina asi li yara teteɗta u namu.

HABAKUK 1:6

An wana, an yow suu Kaldeenna ay wa, suu dlasi co suu ŋguy yam mbassa a kak ki hu zi ma ka masinaɗi lay na.

SOFONI 1:13

Na ɗaŋŋi bege masira suuna hin ɦurumuɗ kiyo, suuna hin toosi ziisi kiyo, asi min ziginina coco may hin ka kak hurusiɗi, asi vi sene gugutlura coco may hin ka caɗ sumuɗɗi.

TITTA 1:11

Lini nanagelay ni casi vunusiya, kay asi ɓeŋ suuna ki u deeresi halaŋ, haɗasi dla mayra cora kay fi gursura u ganyamba.

TITTA 1:7

Sa ma fok suu vina, sun mamba ni kay li tlena vi Lona, lini nanagelay sa mba fam ŋgul egembi, nam lini sa ma bay ŋga tamma, mbuɗ ya zakgi lay, lini sa ɦal tam ki kay summaɗi, sa honiraɗi lay, ka sa ma fi gursura u ganyambaɗi lay.