JEREMI 7:9 - Boy Lonana

⁹ Na ni agi ndak a li dlara kulna su? Dlara ci maɗna, dlara zoŋga, suurugi suura bay uɗta, ɓivun ma ŋgalam ki maŋ Baalna su? Liŋigi kay cee loogi suu daŋ suu ka saa kagiɗina su?

JEREMI 7:9 Iomraidhean Croise

1 MULINA 18:21

Eli ɦuɗ tam ay eg suu halaŋŋa dasi ana, «Agi hin hinigi dlara yowoɗ kogi na mba' mbara ki ni saɓa tuge? Lini Yawe a Lona ni namu ni vagi um may. Lini Baal a Lona ni namu ni vagi um gaw may.» May suu Israelna sa ma hoŋom di na dew kaɗi.

KALKIRA 20:3

Aŋ vi u lo ma daŋgi ni kan anu.

EZAYI 1:13

Mbaaran ki ɓivun ma ɦawa namma ay oloɗi, ndoos ma agi ɗusumma an ka minimbi. Luu ma vun tilna, buu ma vi Lonna, tokka tok tagira, an ka ndak a siɓ tle asinaɗi, kay agi ɓalak dla ndaɗta ki u dla coogira wa.

EZAYI 58:2

Anni sa ma asi a halan hu buuna tew tewna. Jivira ni asi ɦal tasi a wan voɗ manda. Ni ko suu ka hal a li dlara jivira na, ka min a hin ɗegeera vi Loosinara kiɗi. Asi ka hal ni kaɓak ma ɗegeena fokonu. Asi tin hurusi ni kay dlaanda.

JEREMI 1:16

«An ɓakasi gaɗ manda kay boy dla coosira. Asi noyon kiyo. Asi li ɓivun ma ŋgalam kina maŋ loogi suu ɦawana. Asi goɓ kaŋga fok sunda asi laɗ u kosira.

JEREMI 11:13

«Loogi maŋsina mbuɗ ki bolow coco ko ɦoŋziiŋŋa na lay aŋ Yuda, otel ma li ɓivun ma agi minimma mbuɗ ki zolona lay. Otel ma ŋgal ɓivunna maŋ Baal huna bolow coco ko voɗ maŋga na lay Yerusalem.

JEREMI 11:17

Ni Yawe, ma Saɓakŋa Kom Belna, sa pakŋa mbaak dla cora ay kakŋi kay dla cora suu Israelna u suu Yudana laɗta. Asi li cora egem u ɓivun ma asi ŋgalam maŋ Baalna.

JEREMI 13:10

Suu may suu co suu ka min a humun boy mannaɗina, tuɗ fok u su vunna, liŋ ki u loogi suu daŋŋa a goɓosira. Asi mbuɗ ki cora ko gandi namma ka jivi oloɗira na.

JEREMI 18:15

Suu mansina maaran kiyo, tuɗ ŋgal ɓivunna ki maŋ suu sunusi kaɗina, suu daɓasi sesi eg guna hu voɗta lay, hu voɗta vi somoyosi ta jew dayra. Asi tli voɗ ndaɗta may, voɗ mayra huruɗ ka jiviɗira.

JEREMI 19:4

Hu li ma asi noyon ki may, asi ɓeŋ li namma ki u ɓivun ma ŋgalam maŋ loogi suu daŋ suu loɓ tasi ay ka kasiɗi lay, ka kay somoyosiɗi lay, ka kay muli suu Yudanaɗi layna. Asi oy li namma ki u busu kem gorira li va kaɗira.

JEREMI 32:29

Suu Kalde suu ŋguy yam ɦoŋzi namma kina hin kal hurumu. Asi hin cuk kura kay ɦoŋzi namma. Asi hin ŋgalam ki u zigini suu ŋgalasi ɓivunna kolo kasi maŋ Baalna u sum ma maŋ loogi suu daŋŋa a ɓivunnana.

JEREMI 44:3

Ni kay suu vun ma asi lama, asi ɓeŋen hurun ki u tuɗta asi tuɗ ŋgal ɓivunna may, goɓ kaŋga fok loogi suu li va ka kasiɗi layna, ka kagiɗi lay, ka kay somoyogiɗi layna.

JEREMI 44:8

Gasi daŋ may ni agi ɓeŋen hurun ki u dlara agi laɗta. Agi ŋgal ɓivunna maŋ loogi suu daŋŋa hu mbassa Egiptera. Agi tuɗ ŋgay tagi hura. Agi hin gagi njafagi kiyo. Agi hin mbuɗ ni va suuna hin gi vunna maŋ tasi u namma duk njaf suuna halaŋ kay ndaŋgara.

JEREMI 44:9

Agi maa dla cora somoyogi laɗta ki wa su? Dla cora muli suu Yudana u boyogosi laɗta lay su? Dla cora li egegi tagira lay, ta li eg boyogogira lay. Suluk ma suuna lam hu mbassa Yudara, hu voɗta Yerusalemba lay su?

JEREMI 48:35

An bulum Moab ki wa, Yawe di na. Suu ki kolo kay lii mbuyna li ɓivun ma ŋgalam ki ŋgalina, ɦal tlena ɦalla ɦawara maŋ loogi masi suu ɦawanana ki lay.

JEREMI 5:2

Asi ɓak coco, «U sem Yawe,» sun masira ki ni ɦawaa.

JEREMI 5:7

Duk dla cora ko wanda na ɗaŋŋi hin ɦak gira ni nanage? Goryok noyon kiyo, asi suu tasi u sem loogi suu ɦawana lay. An ɦasi tlena halaŋ, na may asi li zoŋga, asi zuɗ tasi fun ziŋ gawlaŋgara.

JEREMI 7:6

Yowogi tlesuu vi sa mbay mbeera dukuginaɗi, sa kuyuna u cara donoraɗi. Voogi busu suu li va kaɗina ki kaŋga hu li nammaɗi. Kay hahaw magira liŋigi kay cee loogi suu daŋŋaɗi.

EZEKIYEL 18:18

Na may ni bum sa ma li dla cora, ɦul tlesuu vi wayammana layna, min ka a li dlara jivi duk suu mamsinaɗi. Gola nam hin miɗ kiyo. Coomba cammi ndaɗu.

EZEKIYEL 20:30

«Kay ndaɗta aŋ di suu Israelna ana, Bu Suuna, Yawe, di ana, agi mbuɗ tagi ki njenjera u lira agi li dlara vi somoyogira. Agi lagi dlara gawlaŋga u ɓivun masi ma cona.

EZEKIYEL 23:39

Hu li ma asi ŋgaɗ goryosi ki maŋ fulinana ni asi hoŋ tuɗ kal hu Ziŋ Lonara olo a mbuɗuɗ ki njenjera. Gola ni dlara asi laɗ hu Ziinnara.

EZEKIYEL 5:11

«Kay ndaɗta, an Bu Suuna Yawe, Lo ma iirina, agi mbuɗun ziinda teteɗta ki njenjera u fuli magisina u sun magira cora halaŋ. Kay ndaɗta an hin dik zina ki halaŋ. An ka wagi hahawagiɗi, ka gol sa irin hahawɗi lay.

Magaara Vi Sa Jok Vun Lona OZE 2:13

An hin bulumuɗ furi maɗta kiyo, luu maɗna lay, vun til maɗna lay, buu maɗ ma sabbatna lay, tok maɗta daŋga zeɗ zeɗta lay ki halaŋ halaŋ.

Magaara Vi Sa Jok Vun Lona OZE 6:9

Ko ndal suuna yow u tasi bolowra ŋgay tasi kaŋga voɗ suuna, muli suu li ɓivunna u tasi bolowra ci suuna hu voɗta Sekemba na. Gola ni dla cora asi laɗta.

AMOS 4:5

Ŋgal ɓivun ma bay kuffa dukumma a vi galamba, ɦagi tlena ɦalla ɦawara ki ii suuna kiɗiki, kay ana agi minigi suuna ni ko ndaɗta na, goryoŋ Israelna, Bu Suuna Lona di na.

SOFONI 1:5

An hin bulum suu goɓ kaŋga kay mbura kolora fok ciciwra, faɗta, u tilna kiyo, u suu goɓ kaŋga fok Yawena lay, suu hin suu tasi u sem loosina, Melekŋa, lay.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

ROMMA 2:2

Aygi wi ana Lona kaɓakŋa u gasira kay suu li cora ko ndaɗta na na.

GA 8ATAMBARA 32:17

Asi li ɓivunna maŋ fuli suu ka Lonɗina, asi cen loogi suu asi ka wasiɗina, asi goɓ tlesuu cuk ay ki wilina, suu somoyosi wasi ay kaɗi layna.

WIRA ŊGAYRA 21:8

Kay suu may suu maŋina, u suu bay ɗegeena, suu li dlara njenjera, suu ci maɗna, su li zoŋga, suu kumuna, suu goɓ fulina, u suu ka boyna, liisi ma kakŋa hin lini duk mbo lum ma ŋgal kura u suufra, ni miɗ ma mbana.

WIRA ŊGAYRA 22:15

Suu may suu li dlara njenjera, suu li kumuna, suu li zoŋga, suu ci maɗna, suu goɓ fulina u suu may suu kaboyna u vunusi lay u sunda layna, suu asina halaŋ hin lak ha ki doŋ kaana na day.

SUU KAƁAKŊA 5:8

Suu Israelna man loogi suu daŋŋa na gaw ni, duuna ndi ni na gaw. Suu Israelna suu buɓ buɓ dok-fiɗi a fi mbarina kosi na dew ɗowba saɓpara ni loɓ cocoo.