JEREMI 7:6 - Boy Lonana

⁶ Yowogi tlesuu vi sa mbay mbeera dukuginaɗi, sa kuyuna u cara donoraɗi. Voogi busu suu li va kaɗina ki kaŋga hu li nammaɗi. Kay hahaw magira liŋigi kay cee loogi suu daŋŋaɗi.

JEREMI 7:6 Iomraidhean Croise

2 MULINA 21:6

Nam ŋgal gorom ma vuɗta ki duk kura. Nam li dlara mbuɗta u gi kumuna. Nam tuɗ fun suu joɓpa lay. Nam ɓeŋ huu Yawe ki u suluk ma ka gin a liɗina, li dlara ka irim jiviɗira.

2 MULINA 24:4

Olo ni kay busu suu li va kaɗi ma asi voom ki kaŋga ɦawa bay uɗna. Dla co ndaɗta oy ki hu Yerusalem. Yawe ka min zi ma Yerusalem namma oloɗi, ka min a heɓ hurum eg zi nammaɗi.

SOOLLA 106:38

Asi vo busu ma li co kaɗina ki gaa, busu gor njufii masisina u gorɓii masisina, asi li ɓivunna maŋ fuli suu Kanaanna, asi ɓalak mbassa ki u busuna wa.

VUN ŊGOLNA 23:10

Jak ki kay ii hakara somoyoŋ suu jewna ŋgaaɗ ka ki day dayraɗi. Kal ki hu sene ma vi goo ma kuyunaɗi.

EZAYI 59:7

Sesi ɓaɗ ni kay dla cora, asi liŋŋi kay a vo busu suu li va kaɗina ki ɦawara. Saa masira ni saara li dla cora. Li ma asi jak huna balamasi ni tlena ɓalaki cocoo.

JEREMI 13:10

Suu may suu co suu ka min a humun boy mannaɗina, tuɗ fok u su vunna, liŋ ki u loogi suu daŋŋa a goɓosira. Asi mbuɗ ki cora ko gandi namma ka jivi oloɗira na.

JEREMI 19:4

Hu li ma asi noyon ki may, asi ɓeŋ li namma ki u ɓivun ma ŋgalam maŋ loogi suu daŋ suu loɓ tasi ay ka kasiɗi lay, ka kay somoyosiɗi lay, ka kay muli suu Yudanaɗi layna. Asi oy li namma ki u busu kem gorira li va kaɗira.

JEREMI 2:30

An poŋogi goryogi ni a wassa. Asi ka humun haɗ mandaɗi. Ŋgew magira cagi suu magi suu jok vun Lona ko ndal dlo ma vi mburina na.

JEREMI 2:34

Busu suu hahawra, suu li va kaɗina ka tini eg vun barawi maksina. Ni gasi eg tle asina an famu, ka ni eg gulumun ma irim ki cooynaɗi.

JEREMI 26:15

Agi wi ki kagi ana lini agi can ki wa ni dlara hin vagi ni agiya. Agi tagira lay ɦoŋzi namma u suu hurumma lay. Kay agi ci ki ni sa li va kaɗina. Gasi daŋ may ni Yawe sunun ay ana an dagi boy namma ki agi humumu ni namu.»

JEREMI 26:23

Asi vi Uriya ay hu Egipte mbaaram ay ki maŋ mulna Joakim. Nam cam ki cini, hin gam maɗam ki hu zulla dukusi dewra.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 5:28

Ɗoori coco lay. Asi ti u dla cora ni asiya. Asi ka ŋga sa ɗegeena oloɗi, ka saa kay sa kuyunaɗi lay, dlaasira li kosi jiviya. Asi ka saa kay dlaŋ suu hahawraraɗi lay.

JEREMI 7:5

Na may ni minigi tuɗ magira ki jivi na ɗow. Dlaagira agi laɗta a njun kay sa ɗegeena duk ndaryamma.

JEREMI 7:9

Na ni agi ndak a li dlara kulna su? Dlara ci maɗna, dlara zoŋga, suurugi suura bay uɗta, ɓivun ma ŋgalam ki maŋ Baalna su? Liŋigi kay cee loogi suu daŋ suu ka saa kagiɗina su?

YOORA 4:13

Ni kay dla cora vi suu maɗ suu jok vun Lona, ni kay dla cora vi muli maɗ suu li ɓivunna suu vo busu suu ɗegeena ki kaŋga huruɗna.

EZEKIYEL 18:6

Nam ka tuɗ ti kolo kay ɦiniraɗi. Nam ka gol irim u fuli suu vi suu Israelnaɗi lay. Nam ka taɓ u caŋ ndarammaɗi lay, ka tin tam eg cara hu li ma ndaɗ ki njenjenaɗi lay.

EZEKIYEL 22:7

Huruŋŋi sa ka hum vun bum u sum oloɗi. Asi las koyogi suu cuki dukusina cocoo. Huruŋŋi asi yow tlesuu vi gor suu kuyuna u boyogi suu doonora kiyo.

DLAŊ LEVIRA 19:33

«Lini sana mba ki dukugi ŋgayra hu mbas magira wa, ni agi lasambi.

DLAŊ LEVIRA 25:17

Ni ana dukugi ni sa li ii ndarambi, na may agi halaŋ lagi ndaa Lona. Anni Yawe, Loogina.

MALASI 3:5

An hin ɦuɗ tan ha egegi a kaɓakŋa. An hin kaɓakŋa kay suu vi kumuna, kay suu li zoŋga, kay suu suu tasina, kay suu hoŋ til suu li sunda ki kaŋgana, kay sa kuyuna u cara donora, kay suu las suu ka hu njaf masinaɗina, suu ka lan ndaaranɗi layna, Yawe, ma Saɓakŋa Kom Belna, di na.

MATIYE 27:25

Asi suu moli halaŋŋa dam ana, «Busuummi kami u goryomiya.»

MATIYE 27:4

«An li coo. Sa li va kaɗi na, an gusum ki ni kay mege?» Asi hoŋom dira ana, «Li dla ndaɗta ni aŋu. Ndolomi ka dukgi.»

GA 8ATAMBARA 11:28

Givunna ni lini agi ka hum u gaɗta vi Yawe Looginaraɗi, lini agi hin voɗta an haɗagira cemi wandara kiyo, tuɗugi u loogi suu agi ka wasiɗina.

GA 8ATAMBARA 24:17

Aŋ ka gus ɓakŋa a mbuɗ boy ma vi ŋgaynana u goo kuyuna ki coraɗi. Aŋ ka vi baraw ma vi cara donora balnaɗi.

GA 8ATAMBARA 27:19

«Sa may ma li ii sa ma poy kolona, sa ma kuyuna, u cara donora kay vaammana sa namma ba ki wa. Suu halaŋŋa hoŋ dira ana, Amin.

GA 8ATAMBARA 8:19

Lini agi maa ka ki kay Yawe Looginaɗi, lini agi goɓogi loogi suu daŋŋa, li usiya ni, an dagi dlara kagira ki cemi wanna, agi hin ba ki ni halaŋ halaŋ.

Magaara JAK Ɓiiriɗta 1:27

Vira gasi u voɗoɗta, ta Lona Buna goloɗ ko bay cora egeɗta na, ni gol gor suu kuyuna u boyogi suu donona hu wihaw masira jiviya, gol tam jivi ko dlara hu duliyara ka mbuɗ tam njenjeɗi may.