JEREMI 7:4 - Boy Lonana

⁴ Halagi boy ma mbambara a hoŋogi dira ana, «Ni ziŋ Yawera, ni ziŋ Yawera, ni ziŋ Yawera. Nam ki tani wanna.»

JEREMI 7:4 Iomraidhean Croise

1 MULINA 9:7

ni an hin bulum suu Israelna ki kay yam ndaŋgara halaŋ, kay ndaŋgara an ɦasirara lay. Zira an mbuɗuɗ ki teteɗ a yan sen hura an hin hiniɗ ha ki egen na day. Suu Israelna hin mbuɗ ki ni a njunjunda vi suunara halaŋ.

EZAYI 48:2

Agi yi tagi ana suu hu ɦoŋzi ma teteɗna. Agi suu deŋ tagi eg Lo ma vi suu Israelna ma yam ana Yawe, ma Saɓakŋa Kom Belna.

EZAYI 59:4

Sa ma mbaa sekka gasi kaɗi, sa ma kal hu li ma kaɓakŋa u dlara ɗegee kaɗi. Asi lak fun ɓakŋa ni bay u dlara irisiya. Ɓak magina halaŋŋi um kaɗi. Agi mbaa ni dlara ɓalak suuna, zul ni cora na ɗow.

EZAYI 66:1

Yawe di ana, Huulona ni dlam manda kakŋa, ndaŋgara ni va ma an tin sen kamma ɦawaa. Zi ma agi hin mininnana ni manage? Li ma an hin a koɗ tan hurumma ni manage?

JEREMI 28:15

Sa jok vun Lona, Jeremi, di sa jok vun Lona, Hananiya, ana, «Hum haa, Hananiya, Yawe sunuŋ ay kaɗi. Aŋ mbuɗ ana suuna jok saarasiya ni aŋu.

JEREMI 29:23

Dla coosira ni ana asi li dlara sa ka laɗɗira duk suu Israelna. Asi ɦal tasi ki a li zoŋga u boyogi suu vi ndaryasina na. Asi ɓak boy ma kaboyna u sen lay, doli ɗaŋŋi an joɓosi va ka kosiɗi lay. An wiya, anni sa vovoɗta kay dla ndaɗta lay. Yawe di na.

JEREMI 29:31

Aŋ sun boy namma ha ki maŋ suu ha ki ŋgayrana halaŋ, «Na ɗaŋŋi Yawe ɓak kay Semaya ma Nehelamma kay ana Semaya ɓakagi dlara ni an sunum ha kaɗi, nam jokogi saaragi kiyo.

JEREMI 6:14

Asi li jivi toŋgo zak a doo kay dla cora vi suu mannara di ana, «Dlara ka jiviya, dlara ka jiviya.» Doli wanna va ka li dewɗi.

JEREMI 7:14

Na ɗaŋŋi zira ka ɓak ki kay senda, ta agi ɦal saaragi kaɗta u li ma an ɦagina ki lay, maŋ somoyogi layna, an hin lasasi ni ko an las Silora na.

EZEKIYEL 13:19

Agi mbuɗungi sen ki njenjera fok suu mansina ni kay fu ma agi a fam funugi na ew daŋŋa, u komnjoɗi orge ma ewna may. Agi cagi suu maɗ ka kasi tuɗina kiyo, suu a miɗ ki ginna agi mbuɗusi iiri may. Agi ganan yam suu mansina u dlara kaboyna suu min a hum dla ndaɗtana.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

SOFONI 3:11

«Hu buu namma ni ndak hin ka haɗ huruk kay dlaaka cora oloɗi, kay yara ndak landa egendaɗi lay, kay hu li namma an yow suu ŋga tasi cocona ki varak da, ndak hin seŋ li mayra li dla cora kay ɦini manda teteɗta kiyo.

Boy Ma Ayra Ma LUK Ɓiirimma 3:8

Lagi dlara jivira a tak ana hurugi ki joki zeɗ. Dagi ana Abrahammi bumiya naɗi. An dagiya, Lona ndak a mbuɗ ɦinira ki a goryoŋ Abrahamma layɗi su?