JEREMI 7:34 - Boy Lonana

³⁴ Hu ɦoŋzi ma Yudana, hu voɗta Yerusalemba, an seŋ soolla furira kiyo, luu ma furira ki lay, soolla suu ɗum tasi wilina gaɗta ki lay kay ana mbassa hin mbuɗ ki ni jona.

JEREMI 7:34 Iomraidhean Croise

JOB 3:7

Na daŋ may njeŋge ndaɗta hinni njeŋgera va ka huɗira. Sa ka hum della furi huɗi a fafaɗta.

SOOLLA 78:63

Gorzoŋi mamsina kura ŋgalasi kiyo, gorɓiina sa ka ɗumusi oloɗi lay.

EZAYI 1:7

Mbas magira mbuɗ ki ni ko ŋgoo bagira na, ɦoŋziigina ŋgal ki wa, suu daŋŋa tlagi mbas magira kiyo, mbassa ɓeŋ ki ko suu duuna a tli mbassa na, agi ka golosi may.

EZAYI 3:26

Vun grek ma Siyonna hin hawaɗ kiyo, boyogi suu vo hu zinna hin lak ki ni duk ndaŋgara.

EZAYI 6:11

An hin joɓ ana, «Dla ndaɗta hin daɓmi saɓage, Bu Suuna?» Nam dan ana, «Ni ta ta hu li ma ɦoŋzina ɓeŋ kiyo, suuna njay kina, zina sa ka hin kaki hurum oloɗi. Mbassa mbuɗ ki ni ko ŋgoo bagira na, ɓeŋ ki cocoo.

JEREMI 16:9

Ko ndaɗta na, Yawe, ma Saɓakŋa Kom Belna, Lona vi suu Israelna, ɓak anaba, an hin seŋegi vunugi hu li namma. Hu buu magina agi hin wi u irigiya, tii ma furira, luu ma furira, soolla suu ɗum tasi wilina gaɗta lay.

JEREMI 22:6

Gasi, Yawe ɓak kay zi ma vi mul ma Yudana anaba, aŋ li irinni ko Galaad na lay, ko ndal duk gura Libanda na lay, an ka saa kaŋ a mbuɗuŋ ki fullaɗi. Ҥoŋzi ma sa ka kak hurumbinaɗi.

JEREMI 25:10

An hin mbuɗusi asi ka yi u della furiraɗi, gi soolla furiraɗi lay ko ndal suu li ɗumba naɗi, ko ndal suuna luɗ kay ɦinira ii ku pindillara naɗi.

JEREMI 27:17

Humugisina vunusiɗi. Lagi sunda maŋ mul ma Babilonna agi hin kak iiriya. Ni kay me ana ɦoŋzi namma mbuɗ ki jona na mbee nige?

JEREMI 33:10

Na ɗaŋŋi Yawe ɓak anaba, hu li ma agi ɓak kam ana ni didiŋga jona suuna ka huɗi lay, mburina ka huɗi layra, hu ɦoŋzi ma Yudana, hu voɗta hahawra Yerusalem ta suuna ka tuɗ huruɗ oloɗi lay, suu kaki huna u mburina lay, asi hin hum olo,

JEREMI 33:11

della yi kolo u furira, luu ma jivina lay, gi soolla u furira ko ndal suu ɗum tasi wilina na lay, ko ndal suu mbay u ɓivunna u furira hu Ziŋ Yawera di ana, «Ŋgaagi Yawe ma Saɓakŋa Kom Belna kay ana nam jiviya, ɗegee mamba ni a fafaɗta.» Gasi an hin hoŋ mbas ndaɗta kolo balamaɗu. Ndaɗ hin hoŋŋi hu balamaɗ ma jewna. Yawe di na.

JEREMI 4:26

An gol na ni, mbas mayra bubura ɦayra mbuɗ ki fulla. Ҥoŋzina halaŋ ki ŋgaliya, ni ko yara vi Yawera.

JEREMI 4:27

Yawe ɓak anaba, ndaŋgara halaŋ mbuɗ ki hahawra. Na may an hin ka ɓeŋ lina ki halaŋgi.

JEREMI 44:6

Na ɗaŋŋi yaanda mba kasiya. Kura ko wanda na. Ndaɗ ŋgal ɦoŋzi ma Yudana u voɗta Yerusalemba kiyo. Asi mbuɗ ki ni didiŋga hu jonara, li ma hahawra. Ni dlara ka cecem wanda daŋ may.

YOORA 5:14

Suu basina seŋ tasi ka tuɗ hu li ma tokka gaɗta oloɗi. Gorzoŋŋina ka gi sool masira oloɗi.

EZEKIYEL 26:13

An hin seŋegi sool magira agi gaɗ ŋguk ŋguk hu ɦoŋzinara u diŋ magi ma agi buumma kiyo. Va hin ka li dew oloɗi.

EZEKIYEL 7:11

Lassa col kolo wa, hinni tokolora li dla cora sak sak, hummi ɗetna hol gaw. Sa ma wasi hahawasi ka oloɗi lay.

Magaara Vi Sa Jok Vun Lona OZE 2:11

Kay ndaɗta an hin hoŋ ay yow waanna hu liimu. Sum veŋ man ma wilina hu tilim may, an ɓaɗ baraw ma cili u tlimiɗ timigiina u baraw dlemba man ma ŋgayaɗ gin siili maɗtana kiyo.

Magaara Vi Sa Jok Vun Lona OZE 2:13

An hin bulumuɗ furi maɗta kiyo, luu maɗna lay, vun til maɗna lay, buu maɗ ma sabbatna lay, tok maɗta daŋga zeɗ zeɗta lay ki halaŋ halaŋ.

DLAŊ LEVIRA 26:33

Agi tagira may ni an hin dikigi ki duk njaf suu daŋŋa, suuna hin mun duuna u agiya, ɦoŋzi magina hin mbuɗ ki ni bagira, zina halaŋ hin hawaɗ kiyo.

MISE 7:13

Yam ndaŋgara hin mbuɗ ki fulla kay cora vi suu kaɗnara, hin li ni a vuɗta vi tuɗ masira ɗegeera.

WIRA ŊGAYRA 18:23

Kura wi lina ki kiɗikka hin ka li varaŋ tani oloɗi lay, sa ma vi cara u cara kaki njufna ka humusi delesi huruŋ tani oloɗi, suu paa maŋsina ni suu ɦizi su suu hu ndaŋgara halaŋŋa. Aŋ ganyam suuna ki halaŋ u kumu maŋŋa aŋ lamma.»